Cəlilabadda 27 yaşlı qızı maşın vurub
Cəlilabad rayonunun Abdullu kəndində piyadanın vurulması ilə nəticələnən yol qəzası baş verib.
"Ölkə.Az" xəbər verir ki, "Report"un məlumatına görə, "VAZ-2107" markalı avtomobil yolu keçmək istəyən həmin kəndin 1991-ci il təvəllüdlü sakini Quliyeva Əfsanə Ələmdar qızını vurub.
Yaralı avtomobilin sürücüsü tərəfindən dərhal Cəlilabad Rayon Mərkəzi Xəstəxanasına çatdırılıb. Hazırda onun müalicəsi davam edir.
Faktla bağlı araşdırma aparılır.
Ölkə.Az