"Çelsi" Bakı Olimpiya Stadionundan imtina etdi — Kontedən gözlənilməz addım

00:33
21.11.2017
9022
İdman
A
"Çelsi" Çempionlar Liqasının qrup mərhələsinin 5-ci turunda "Qarabağ"la səfər oyunu öncəsi son məşqini matçın keçiriləcəyi Bakı Olimpiya Stadionunda yox, 8-ci kilometr qəsəbə stadionunda keçirəcək.

Ölkə.Az xəbər verir ki, məşq sabah saat 15:00-da başlayacaq.

Qeyd edək ki, adətən qonaq komandalar oyunöncəsi son məşqlərini matçın oynanılacağı stadionda keçirirlər.

London təmsilçisinin bu gözlənilməz addımı ilə bağlı "Qarabağ" klubunun baş meneceri Asif Əsgərov qol.az-a açıqlama verib. O deyib:

"Bu, böyük ehtimalla baş məşqçinin seçimidir. Antonio Konte hələ İtaliya millisini çalışdırarkən Azərbaycanla matça gələndə də (oktyabr, 2015-ci il - red.) oyunöncəsi məşqi Olimpiya stadionunda yox, "Azərsun Arena"da keçirmişdi. Belə addım atmaqda onun məqsədi bu idi ki, komandanın məşqi qapalı keçsin və heç kim hazırlığa baxa bilməsin. O zaman onlar şərt qoymuşdular ki, kənar heç kim məşqə baxa bilməz. Görünür, bu dəfə isə o, "Çelsi" üçün qapalı ərazini seçib. Hətta bildiyimə görə, futbolçuların motivasiyasını poza biləcək kənar təsirlərin olmaması üçün məşq zamanı stadiona 150 nəfərədək polis əməkdaşı cəlb olunacaq"

ŞƏRH YAZ
0

2018-ci ildə Azərbaycanda daha 3 Olimpiya Mərkəzi tikiləcək

2018-ci ildə Azərbaycanda daha 3 Olimpiya Mərkəzi tikiləcək
16:12
Bu gün
307
İdman
A
"Gələn il dövlət büdcəsində bölgələrdə üç Olimpiya İdman Mərkəzinin tikintisi nəzərdə tutulub. Onlardan biri istifadəyə veriləcək, ikisində isə tikinti gedəcək. Ondan sonrakı illərdə də biz bu siyasəti davam etdirəcəyik".

"Ölkə.Az"ın "Report"a istinadən məlumatına görə, bunu Azərbaycanın və Milli Olimpiya Komitəsinin prezidenti İlham Əliyev 2017-ci ilin idman yekunlarına həsr olunmuş mərasimdəki çıxışında deyib. Dövlət başçısı bildirib ki, bu günə qədər bölgələrdə 43 Olimpiya İdman mərkəzi yaradılıb: "Bakının idman qurğuları dünyanın ən yüksək standartlarına cavab verir. Bölgələrdə də Olimpiya İdman mərkəzlərinin tikintisi davam etdirilir. Bu il Abşeron və Ağcabədi rayonlarında iki gözəl Olimpiya İdman Mərkəzi yaradılıb. Bunlar gənclər, idmançılar, rayon sakinləri üçün çox gözəl imkanlar yaradır. Əlbəttə, bu istiqamətdə işlər bundan sonra da davam etdiriləcək".

Prezident İlham Əliyevin fikrincə, Regional Olimpiya mərkəzləri idmanın kütləvi xarakter almasından ötrü tikilib: "Mən hər zaman idmançılarla görüşəndə qeyd edirəm ki, hər bir insan idmanla məşğul olmalıdır. Fiziki sağlamlıq hər bir insan üçün çox önəmlidir. Biz son illər ərzində bu istiqamətdə bir çox vəzifələri icra etdik. Bütün bölgələrdə müasir xəstəxanalar, diaqnostika mərkəzləri tikilib. Dövlət tərəfindən təşkil olunan dispanzerizasiya, müayinədənkeçmə işləri aparılır. Hər il beş milyondan çox insan dövlət hesabına tibbi müayinədən keçir. Ekoloji vəziyyət yaxşılaşır, təmiz içməli su layihələrinin icrası geniş vüsət alıb. Əlbəttə, fiziki hərəkət sağlamlıq üçün əsas amillərdən biridir. İdmanın kütləviliyi idman nəticələri əldə etmək üçün yox, sadəcə olaraq, ona görə vacibdir ki, hər bir insan özünü yaxşı hiss etsin".

ŞƏRH YAZ
0

"Galatasaray" baş məşqçisini qovdu

14:07
Bu gün
430
İdman
A
"Galatasaray" klubu baş məşqçi İqor Tüdorla yollarını ayırmaq qərarına gəlib.

"Ölkə.Az" xəbər verir ki, dünən "Malatyaspor" komandasına məğlub olduqdan sonra belə bir qərar qəbul edilib.

Tüdorun uğursuzluğu onun qovulması ilə nəticələnib.

Xorvat baş məşqçi 2017-ci ilin 15 fevral tarixində komandaya dəvət edilmişdi. Tüdor uğursuz nəticələrə əsasən tənqidlərə məruz qalırdı.

Hikmət Həsənov
Ölkə.Az

ŞƏRH YAZ
0
BAĞLA