"Çelsi"nin hücumçusu Dieqo Kosta 3.2 milyon avro cərimələnəcək — SƏBƏB

14:12
18.08.2017
488
İdman
A
Londonun "Çelsi" klubunun rəhbərliyi Dieqo Kostaya qarşı cərimə sanksiyası tətbiq etmək niyyətindədir.

"Ölkə.Az" xəbər verir ki, əgər hücumçu yaxın vaxtlarda kluba baş çəkməsə ciddi məbləğdə cərimələnəcək. Bu məbləğ isə nə az, nə çox 3.2 milyon avrodur.

Futbolçu mövsümdən əvvəl keçirilən təlim-məşq toplantısında iştirak etməyib və transfer üçün təkid edir.

Qeyd edək ki, bir müddət əvvəl "Everton" klubu Dieqo Kosta ilə maraqlanırdı.

Hikmət Həsənov
Ölkə.Az

ŞƏRH YAZ
0

Qılıncoynadanımız beynəlxalq turnirdə bürünc medal qazanıb

Qılıncoynadanımız beynəlxalq turnirdə bürünc medal qazanıb
09:40
Bu gün
287
İdman
A
Türkiyənin Antalya şəhərində qılıncoynatma üzrə "B" kateqoriyalı "Satellite" turnirinə yekun vurulub.

Azərbaycan Qılıncoynatma Federasiyasından "Ölkə.Az"a verilən məlumata görə, sablya üzrə qadınlardan ibarət yığma komandamızın üzvü Səbinə Kərimova turnirin bürünc medalını qazanıb.

Qrup mərhələsində keçirdiyi 6 görüşdən 5-də qələbə qazanan Səbinə uğurlu çıxışın davamını pley-offda da gətirib. 1/8 finalda digər təmsilçimiz Aysel Əhədovaya qalib gələn Kərimova 1/4 finalda Türkiyə idmançısı Aylin Çakırı 15:10 hesabı ilə məğlub edib. Yarımfinala yüksəlməklə turnirin bürünc medalını təmin edən sablyaçımız finalın bir addımlığında polşalı Marta Pudaya uduzub.

Digər təmsilçilərimizdən turnirin 1/4 finalına kimi irəliləyən Sevil Bünyatova yarışı 5-ci sırada tamamlayıb. Mübarizəni 1/8 finalda dayandıran Sevinc Bünyatova da ilk 10-luqda yer almağı bacarıb.

6 ölkədən 27 sablyaçının yarışdığı turnirdə Aysel Əhədova 14-cü, Nərminə Cəfərova isə 21-ci sırada qərarlaşıb.

Ölkə.Az

ŞƏRH YAZ
0

Azərbaycan idmançısı birinci oldu

Azərbaycan idmançısı birinci oldu
22:59
20.10.2018
328
İdman
A
Ağır Atletika üzrə Azərbaycan yığma komandasının üzvü Məhəmməd Məmmədli Polşanın Zamots şəhərində keçirilən yaşı 20 və 23-ə qədər olan gənclər arasında ağır atletika üzrə Avropa birinciliyində yaşı 23-ə qədər olan gənclərin 62 kq çəki dərəcəsindəki mübarizəsində tarixi uğura imza atıb.

Azərbaycan Ağır Atletika Federasiyasından "Ölkə.Az"a verilən məlumata görə, atletimiz birdən qaldırma hərəkətində 121 kq-ı ram edərək bu hərəkətdə gümüş medala sahib çıxıb.

Məhəmməd təkanla qaldırma hərəkətində 150 kq-ı qaldıraraq bu hərəkətdə qızıl medal əldə edib.

M.Məmmədli toplam 271 kq (121+150) nəticə ilə yekun sıralamada da Avropa birinciliyinin qalibi adını qazanıb.

Daha əvvəl Azərbaycanın ağır atletika üzrə millisi Avropa birinciliyində ilk medalını qazanıb.

Ölkə.Az

ŞƏRH YAZ
0
BAĞLA