"Çelsi"nin əfsanəvi futbolçusu: "Qarabağ" ilk oyunda çox həyəcanlı olacaq

18:07
12.09.2017
30
İdman
A
"Çempionlar Liqasının qrup mərhələsində birinci dəfə iştirak etdiyi üçün "Qarabağ" ilk oyunda çox həyəcanlı olacaq. Amma bu komandaya heç bir halda yuxarıdan-aşağı baxmaq olmaz".

"Ölkə.Az"ın Report-a istinadən məlumatına görə, bunu İngiltərənin "Çelsi" klubunun sabiq futbolçusu Pet Nevin deyib. London komandasının Əfsanəvi oyunçusu "Qarabağ"ın 2 il əvvəl Şotlandiyada "Seltik"ə qarşı keçirdiyi Çempionlar Liqasının III təsnifat mərhələsinin oyununu izlədiyini açıqlayıb. O, gördüklərinə əsasən, Azərbaycan təmsilçisini belə dəyərləndirib: "Qarabağ"ın futbolçuları istedadlı, çox xoş oyun üslubu və üstəlik, böyük əzmkarlığa malikdirlər. Onlar artıq 6 oyuna çıxıblar. Düzdür, bunlar qrup mərhələsinin oyunları ilə müqayisə oluna bilməz. Lakin tariximizə nəzər yetirsək, keçmişdə gözlənilməz xal itkiləri ilə üzləşmişik. Bu dəfə isə çətin qrupa düşdüyümüzdən, Azərbaycan təmsilçisi ilə 2 oyuna 6 xal mütləq vəzifə olmalıdır".

Şotlandiyalı mütəxəssis "Çelsi"nin "Qarabağ"la görüşün taleyini elə ilk yarıdaca 1-2 qolla həllini istədiyini də dilə gətirib: "Hətta 45 dəqiqə və ya yarım saat uzunmüddətli perspektivdə həyati vacib məsələ ola bilər. Komandamız Premyer Liqa və Çempionlar Liqasında uğur əldə etmək üçün kifayət qədər ac görünür".

Qeyd edək ki, bu gün Londondakı "Stemford Bric" stadionunda keçiriləcək "Çelsi" - "Qarabağ" matçı Bakı vaxtı ilə saat 22:45-də başlanacaq. 

ŞƏRH YAZ
0

"Qarabağ" - "Sumqayıt" matçında kütləvi dava — VİDEO + FOTO

22:29
17.11.2017
1540
İdman
A
Azərbaycan Premyer Liqasının XII turu çərçivəsində keçirilən “Qarabağ” – “Sumqayıt” matçında kütləvi dava baş verib.

Ölkə.Az Yenicag.az-a istinadən xəbər verir ki, buna qonaq komandanın azarkeşlərinin Ağdam təmsilçisinin fanatlarına qarşı təhqiramiz ifadələr işlətməsi səbəb olub.

Nəticədə tərəflər arasında dava düşüb. Məsələyə müdaxilə edən polis əməkdaşları “Qarabağ Ordusu” azarkeş qrupunun rəhbəri Ramiq Quliyevlə ağdamlıların rəsmi fan-klubunun rəhbəri Elvin Süleymanovu saxlayıb. Hər iki azarkeş Sabunçu rayon 12-ci polis bölməsinə aparılıb.

 

ŞƏRH YAZ
0

Qurban Qurbanov: “Çelsi” ilə matçdan hər şey gözləmək olar

Qurban Qurbanov: “Çelsi” ilə matçdan hər şey gözləmək olar
22:05
17.11.2017
607
İdman
A
Azərbaycan Premyer Liqasının 12-ci turunda evdə “Sumqayıt”ı 2:0 hesabı ilə məğlub edən “Qarabağ”ın baş məşqçisi Qurban Qurbanov oyunsonrası mətbuat konfransında jurnalistlərin suallarını cavablandırıb.

Ölkə.Az Report-a istinadən xəbər verir ki, Qurbanov öncə oyunla bağlı fikirlərini bildirib: 

“Açığı, hiss olunurdu ki, tonusdan düşmüşdük. Çünki neçə gün idi oynamırdıq. Futbolçuların istirahətə daha çox ehtiyacları var idi. Futbolçulara faydalı oyun oldu. Belə matçlarda azlıqda qalmaq onları bir az da bərkidir. Komandamı təbrik edirəm”.

- Komandada qırmızı vərəqələrin sayı çoxalıb. Bu, nə ilə bağlıdır?

- Elə bir səbəb yoxdur. Futbol mübarizə oyunurdusa, burda mütləq belə hallar olacaq. Elə olub ki, qırmızı vərəqəlik hərəkət olmayıb, lakin hakim verib. Mən yenə də futbolçularda səhv axtarıram. İnşallah, bunda da xeyir var. Oyunçular daha diqqətli olurlar. Belə hallara hazır olmalıyıq. Bəzən məşqdə də bunların üzərində çalışırıq, qırmızı vərəqə olsa, hansı dəyişikliyi edək. Açığı, qapıçının qırmızı vərəqəsini gözləmirdik.

- Anton Kanibolotskiyə çox şans vermirsiniz. Qışda onunla yollarınızı ayırmağı düşünmürsünüz?

- Yollarımızı ayırmağı düşünmürük. Düzdür, ona elə də çox oyunda şans vermədik. 3 qapıçının olması mənim üçün vacibdir. Kanibolotsini digərlərindən zəif saymıram. Qapı xətti elədir ki, çalışmalıyıq ki, orda dayanan oyunçunun oyun təcrübəsi olsun.

- Millinin baş məşqçisi olduğunuz üçün artıq rəqib komandanın da oyununu diqqətlə izləmək məcburiyyətindəsiniz. Bu, sizə çətinlik yaratmayacaq?

- Xeyr. Rəqiblərin oyunçularını da tanıyıram. Lazım olduqca gedib kənardan izləyəcəyik. Hər biri tanışdır. Amma yenə də izləmək lazımdır.

- Məşqçilərdən biri deyib ki, klubun inkişafı üçün ən azı mövsümdə 60 oyun keçirməlidir. “Qarabağ”ın çox oyun keçirməsinin uğurlu çıxışında rolu varmı?

- Bu, hamıya bəllidir. Nə qədər çox oyun keçirsə, futbolçu daha dözümlü olar. Baxır 60 oyunu necə keçirirsən. Bəzən 40 - 50 oyun da olar. Oyun sayını artırmaq olar, amma keyfiyyətə daha çox üstünlük vermək lazımdır. 40 keyfiyyətli oyun, 60 keyfiyyətsiz matçdan daha yaxşıdır.

- “Çelsi” ilə matçdan nə gözləmək olar?

- Hər şey. Rəqib, qarşısına qoyulan məqsədi bəllidir. Futbolçulara inam verməliyik ki, bu komandaya qarşı mübarizə aparmaq olar. Azarkeşlər də inansınlar ki, yaxşı mübarizə olacaq. Ən azı buna söz verirəm. Hətta məğlub olsaq da, azarkeşlərin mübarizədən razı qalmalarına çalışacağıq. Bir neçə günümüz var. Rəqibi daha yaxından tanımağa çalışacağıq. “Çelsi” fərqli sistemdə oynayır.

ŞƏRH YAZ
0
BAĞLA