Cem Yılmaz Bakıda çıxış edəcək (18+)

Cem Yılmaz Bakıda çıxış edəcək (18+)
15:30
09.10.2019
4094
Ölkə
A
Türkiyənin məşhur komediya ustası, aktyor və şoumen Cem Yılmaz Bakıda “Diamond Elite Platinum Plus” stand up şousu ilə çıxış edəcək. Möhtəşəm konsert proqramı 16-17 noyabr tarixlərində Bakı Konqres mərkəzində baş tutacaq.

Yumoristik çıxışları ilə məşhurlaşan Cem Yılmaz həmçinin bir çox filmlərdə də çəkilmiş və Türkiyə şou-biznes aləminin ən tanınan simaları siyahısında yer tutmuşdur. 

Tanınmış şoumenin izləyiciləri onun Bakıya səfərini səbirsizliklə gözləyirdilər. Cem Yılmaz bizim paytaxta bir neçə dəfə dəvət olunsa da, razılıq baş tutmamışdır. Və nəhayət bu gözəl hədiyyəni sənətkarın Bakıdakı auditoriyasına TOPAZ bəxş etdi! Cem Yılmazın möhtəşəm konsert proqramı da məhz TOPAZ brendinin dəstəyi və təşkilatçılığı ilə keçiriləcək.

  “Caspiantech” (daha öncə "Azərinteltek" QSC olmuşdur) QSC-nin ticarət nişanı olan TOPAZ 2011-ci ildə Azərbaycanda ilk və yeganə qanuni idman mərc oyunu operatoru kimi fəaliyyətə başlayıb. Yarandığı dövrdən indiyədək idmanın inkişafına fəal dəstək verən TOPAZ markası 2012-2019-cu il tarixlərində Azərbaycan Premyer Liqasının sponsoru olmuşdur. Bundan başqa, bir çox layihələr üzərində çalışaraq Azərbaycanda idmanın müxtəlif növlərinin inkişafına layiqli töhfələr vermişdir.

 E-TOPAZ 18 yaşına çatmış hər şəxsə Cem Yılmazın şousuna bilet qazanmaq şansı yaradır. Bunun üçün www.etopaz.az saytına daxil olub kampaniyanın bütün şərtləri ilə tanış olmaq lazımdır.

Biletləri iTicket.az saytında və kassalarında əldə etmək olar. 

ŞƏRH YAZ
0

Bakıya ilk qar yağacaq — AÇIQLAMA

Bakıya ilk qar yağacaq
23:10
22.01.2020
3102
Ölkə
A
Bu ilin yanvar ayının 21 günü ərzində Bakıda şaxtalı hava qeyd edilməyib, orta sutkalıq temperatur isə normadan 1.8°, yanvarın 7-də isə 4,3 dərəcə yüksək olub.

"Ölkə.Az" report-a istinadən xəbər verir ki, bunu Ekologiya və Təbii Sərvətlər Nazirliyinin Milli Hidrometerologiya Departamentinin direktoru Umayra Tağıyeva bildirib. 

Onun sözlərinə görə, müqayisə üçün göstərmək olar ki, keçən il temperatur cəmi bir dəfə 0 dərəcədən aşağı enib və ayın 20-də 2 dərəcə şaxta qeydə alınıb. 

“Keçən əsrin çoxillik iqlim müşahidələrinə görə yanvar ilin ən soyuq ayı kimi qəbul edilmişdir. Lakin son onilliklərin təhlili göstərir ki, Azərbaycanın əksər ərazilərdə fevral ayı daha soyuq keçir. Ümumilikdə qış fəslində şaxtalı günlərin sayı azalıb. Yanvar ayına gəldikdə isə 1961-1990-cı illərdə şaxtalı günlərin orta çoxillik sayı 6 gün olduğu halda, 1991-2018-ci illərdə 4 gün olub”, - deyə U.Tağıyeva bildirib. 

O, qeyd edib ki, yanvarın 24-də şımaldan gələn soyuq hava kütləsinin ölkə ərazisinə daxil olması nəticəsində paytaxt sakinləri ilkin proqnozumuza görə bu qış fəslinin ilk qarını müşahidə edə bilərlər. 

Belə ki, yanvarın 23-də güclü cənub-qərb küləyi 24-də güclü şimal-qərb küləyi ilə əvəz olunacaq. Bakıda və Abşeronda 24-dən 25-i səhərədək yağıntılı keçəcəyi gözlənilir. Arabir intensivləşəcəyi, 24-də axşam, 25-nə keçən gecə bəzi yerlərdə yağışın sulu qara keçəcəyi ehtimalı var. 

Yanvarın 24-də havanın temperaturu ötən günlərlə müqayisədə 4-6° aşağı enəcək, 0-3° isti olacaq. 

Azərbaycanın rayonlarında yanvarın 23-ü axşamdan 25-dək ölkə ərazisində hava şəraitinin kəskin dəyişəcəyi, qeyri-sabit keçəcəyi gözlənilir. 

Arabir yağıntılı olacağı, bəzi yerlərdə sulu qar, dağlıq və dağətəyi rayonlarda qar yağacağı gözlənilir. Ayrı-ayrı yerlərdə intensivləşəcəyi ehtimalı var. Yanvarın 23-24-də güclü küləkli olacaq, 23-də cənub-qərb küləyinin 15-20 m/s, arabir 23-28 m/s, ayrı-ayrı yerlərdə arabir 30-35 m/s, 24-də isə şimal-qərb küləyi 15-20 m/s, arabir 25-30 m/s-yə çatacaq. 

Avtomobil yollarında dağlıq və dağətəyi rayonlarda yolların buz bağlayacağı ehtimalı var. 

Ölkə.Az

ŞƏRH YAZ
0

Ölkədaxili qatar biletləri ilə bağlı yenilik

Ölkədaxili qatar biletləri ilə bağlı yenilik
22:00
22.01.2020
3145
Ölkə
A
Azərbaycan vətəndaşları ölkədaxili hərəkət edən qatar biletlərini artıq 30 gün qalmış əldə edə biləcəklər.

"Ölkə.Az" xəbər verir ki, bu barədə “Azərbaycan Dəmir Yolları” QSC məlumat yayıb.

Məlumata görə, sərnişinlərin səyahət planınını daha rahat təyin etmələri üçün ölkədaxili hərəkət edən qatar biletini 10 gün deyil, 30 gün qalmış əldə edə biləcəklər.

Qeyd edək ki, yeni qayda 23 yanvardan etibarən qüvvədədir.

Ölkə.Az

ŞƏRH YAZ
0
BAĞLA