Çemodanla qaçırılan model danışdı — "Yarıçılpaq fotolarımı çəkdilər"

Çemodanla qaçırılan model danışdı
15:00
07.08.2017
102
Maraqlı
A
İtaliyada filmə çəkmək bəhanəsi ilə iş adamları ilə görüşən model qaçırılıb.

"Ölkə.Az" xəbər verir ki, modelin şəxsiyyəti və fotoları üzə çıxıb. 20 yaşlı Klo Eylinqin xəbəri ingilis mətbuatına yayımlanıb. Gənc qadın baş verən hadisələri "Daily Mail" qəzetinə danışıb.

Klo Milandan foto çəkilişi üçün bir model agentliyindən təklif alıb və nümayəndələri ilə görüşmək üçün Milana uçub. Görüşdə ona dərman verilərək yatızdırılıb və çemodana qoyularaq Turin şəhərinə aparılıb.

Polşa əsilli ingilis vətəndaşı Lukasz Herba tərəfindən qaçırılan və "seks xidmətləri" internet şəbəkəsində 270 min funt sterlinqə satışa çıxarılan model 6 gün bir evdə saxlanılıb. Klo bu günlər haqqında deyir: "Kənd evi həyatımın ən pis anları idi. Hər saniyə, hər dəqiqə, hər saat təşviş içində idim".

İngiltərənin Vest Midlands bölgəsində yaşayan Herba isə "Qara ölüm" adlı onlayn seks şəbəkəsinin önəmli bir fiqurudur.

10 iyulda Milanda özünü fotoqraf kimi təqdim edən Herba ilə görüşən Klo ertəsi günün onun verdiyi ünvana gedib. Burada saxta foto studiya quran Herbanın maska taxan adamları modelə hücum ediblər və atları sakitləşdirmək üçün istifadə edilən ketamin maddəsindən istifadə ediblər. Özündən gedən Klonu soyub əllərini qandallayaraq çemodanda Turinə aparıblar. Çemodanda olduğunu anlayan Klo "çemodanın içində güclə nəfəs alırdım, çünki kiçik bir deşik var idi"-deyib.

Sonra isə hücumçular pul tələb ediblər. Klonun yaxınlarından 270 min funt sterlinq tələb ediblər. Əgər pul ödənilməsə qənc qadını internetdə auksiona çıxaracaqlarını bildiriblər.

Polisə verilən məlumatdan sonra Herba həbs edilib. O, gənc qadının yarı çılpaq fotolarını, yaşı, bədən ölçüləri və etnik kimliyi barədə məlumatları internetə yüklədiyini etiraf edib.

Klo isə maraqlı təsadüfdən sonra sərbəst buraxılıb. Cinayətkar şəbəkənin "anaları qaçırmayın" qaydası var. Klonun 2 yaşlı oğlunun olduğu məlum olduqdan sonra qadını sərbəst buraxıblar. Herba "səhv qadını qaçırdığımızı öyrənəndə şef dəliyə döndü"-deyib.
Herba 5 ildə 15 milyon avro qazandıqlarını, qaçırılan qadınların da ərəb ölkələrinə satıldığını bildirib. Ərəblər isə bezdikləri qadınları aslanlara və qaplanlara yem edirlər.

Herba Klonu səfirliyə təhvil verib və "çılpaq fotoların bizdədir"-deyə təhdid edib.

Hikmət Həsənov
Ölkə.Az

ŞƏRH YAZ
0

Günün qoroskopu: yaxınlarınız ideyalarınıza dəstək olacaqlar

Günün qoroskopu: yaxınlarınız ideyalarınıza dəstək olacaqlar
00:09
Bu gün
478
Maraqlı
A
Ölkə.Az Milli.Az-a istinadən dünyanın nüfuzlu və məşhur ulduz falları portalları "Horoscope" və "Astrology"yə istinadən bu günün qoroskopunu təqdim edir

Qoç - gün qeyri-standart çıxış yolları və qeyri-adi davranışa üstünlük verənlər üçün çox uğurludur.
Şəxsi həyatınızda təşəbbüs göstərin. Yaxınlarınız ideyalarınıza dəstək olacaqlar. İnsanların bir-birinə rəğbəti qarşılıqlı olacaq. Maliyyə və əmlak məsələlərinin həlli üçün münasib gündür. Qiymətli hədiyyə ala bilərsiniz.

Buğa - günün birinci yarısı dünyada heç nə sizin öz gücünüzə inamınızı sarsıda bilməz. Çətin işləri görməyə, mürəkkəb məsələləri həll etməyə çalışın. Bir çox Buğaların məqsədləri var. Bunlara çatmaq üçün sizə kömək edə biləcək insanlar da az deyil, üstəlik yaxınınızdadırlar. Gün yeni ortaqla məhsuldar əməkdaşlıq vəd edir, ancaq güzəştə getməyə hazır olun: hər şey siz istəyən kimi olmur.
İctimai tədbirlərə, eyni zamanda ziyafətlərə qatıla bilərsiniz.

Əkizlər - rəhbərliklə münaqişədən qaçın: tezliklə yüksəkvəzifəli şəxslərin dəstəyinə ehtiyacınız olacaq.
Dostlarla ünsiyyət, həmfikirlərlə görüşlər üçün münasib gündür. Yaradıcı peşənin adamlarının yeni layihələrlə bağlı gözəl ideyaları olacaq. Ancaq bu zaman adi ev işlərini unutmaq olmaz: məhz məişət məsələləri yaxınlarla ciddi fikir ayrılığına səbəb ola bilər.

Xərçəng - mövqeyinizi qorumaq üçün qətiyyət göstərməyiniz gərək olacaq. Sərt müzakirələrə qatılan Xərçənglər daha yüksək vəzifə tutan insanlarla kəllə-kəlləyə gələcəklər. Ətrafınızda baş verən hər şeyə diqqət yetirməyiniz vacibdir: istənilən xırdalıq həlledici rol oynaya bilər.
Tanış qadınlarla münasibətlərinizin inkişafına diqqət edin: burada hər şey ilk baxışdan göründüyü kimi ahəngdar deyil. Kişilərlə dil tapmaq isə çox asandır. Cəmiyyətdə yüksək mövqe tutan bir insanla romantik münasibətləriniz yarana bilər.

Şir - çox yaxşı bir gün keçirəcəksiniz. Əgər onun daha da məhsuldar olmasını istəyirsinizsə, əvvəlcədən hərəkət planı qurun və bütün xırdalıqlarına qədər ona əməl edin. Zəifliklərinizə qapılmağınız ciddi ziyan verməsə də, uğur qazanmaq şansınızı yarıbayarı azaldacaq. Maliyyə işləri ehtiyat tələb edir, sövdələşmələr bağlamağa tələsməyin.
Yeni tanışlarınıza xasiyyətinizin parlaq tərəflərini göstərməklə onlarda xoş təəssürat yarada bilərsiniz. Ekstravaqantlığa can atmayın, yalnız əsl cəsarətli addımlarınız əla nəticələr qazanmağınıza imkan verəcək.

Qız - həyatınızda dəyişikliklər istəyirsiniz? Nə durmusunuz, hərəkət edin! Təşəbbüs göstərmək, yeni layihələrə başlamaq zamanıdır. Heç bir çətinlik çəkmədən tərəfdaş tapır, nüfuzlu insanların dəstəyini qazanırsınız. Çoxdankı iş ortaqlarınız yenidən peyda olacaqlar, özü də əliboş gəlməyəcəklər, onlardan maraqlı iş təklifləri gözləyin.
İdmanla, fiziki işlə məşğul olmaq üçün münasib gündür. Sağlamlaşdırıcı və kosmetik prosedurlar çox effektlidir. Həm özünüzə, həm də yaxın adamınıza geyim və zinət əşyası ala bilərsiniz, seçiminiz doğru olacaq.

Tərəzi - parlaq, maraqlı gündür. Maraq doğuran təkcə baş verən hadisələr deyil, sizin onlara münasibətinizdir. Sabit emosional fon gün ərzində gözəl əhvalı qoruyub saxlamağınıza kömək edəcək. İntuisiyanız isə kiminlə iş görüb, kimdən kənar gəzməyi sizə düzgün diktə edəcək.
Kommersiya fəaliyyəti üçün münasib gündür: bağlanılan sövdələr uğurlu olacaq. Əyləncəli tədbirlərə qatılmaq məsləhətdir. Əgər kinoya gedəcəksinizsə, ciddi dram əvəzinə komediyaya üstünlük verin.

Əqrəb - çox uğurlu gündür. Ancaq çox şey düşəcəyiniz mühitdən asılıdır. Hər şeyi qara tonlarda görməyə adət etmiş insanlardan kənar gəzin, onların təsiri altına düşə bilərsiniz. Nikbin adamlarla ünsiyyət isə kefinizi açacaq və bu əhval uzun müddət davam edəcək.
Təşəbbüs göstərmək, istənilən xarakterli tədbirlərin təşkili üçün yaxşı gündür. Köhnə, lazımsız əşyalardan canınızı qurtarın: ətrafınızda yer açın, o zaman həyat sizə xoş sürpriz bəxş edəcək.  

Oxatan - ünsiyyət üçün əla gündür, istənilən xarakterli görüş təyin edə bilərsiniz. İntuitiv olaraq özünüzü necə aparmağı, söhbət üçün hansı tonu seçməyi, insanı maraqlandırmaq üçün ona nə təqdim etməyi gözəl bilirsiniz. Bir çox Oxatanlar insanları idarəetmə bacarıqlarını kəşf edəcək və əvvəllər bu xüsusiyyətlərinin fərqinə varmadıqlarına təəccüblənəcəklər.
Maliyyə baxımından çox uğurlu gündür. İşlərə düzgün tərəfdən yanaşmaqla gəlirlərinizi xeyli artıra bilərsiniz. Qısa səfərlər uğurlu, uzunmüddətlilər isə yorucu olacaq.

Oğlaq - maraqlarınızı və dünya baxışınızı bölüşən insanlarla ünsiyyət üçün münasib gündür. Qadınlarla dil tapmaq asandır, eyni zamanda köhnə tanışınız olan bir xanım sizə gözləmədiyiniz halda kömək və dəstək verəcək. Dostlarla, eyni zamanda sevgilinizlə görüşlər gözəl keçəcək.
İntuisiyanız çox güclüdür. Onun sayəsində mürəkkəb, qarışıq vəziyyətlərdən baş tapacaqsınız. Pul ala bilərsiniz, onun məbləği böyük də ola bilər. Təmirə başlamaq, yaxud evinizi bəzəyəcək bir əşyaya pul xərcləmək olar. 

Dolça - çoxdan arzuladığınız bir işi həyata keçirə bilərsiniz, tərəddüd etməyin, uğur sizinlə olacaq. Şəraitin uğurlu istiqamətdə dəyişməsi çoxdankı bir ideyanızı reallaşdırmağınıza imkan verəcək.
Yeni olan hər şeyə, öyrənilməyən və tədqiq olunmayanlara marağınız artır. Qeyd etmək lazımdır ki, bu gün bir çoxları dəqiq elmlərdənsə mistikaya, ezoterikaya maraq göstərirlər. Bu gün romantik münasibətlər başlayarsa, işiniz çətindir: sonrakı dövrdə anlaşılmazlıqlar, gizlinliklər sizi hövsələdən çıxara bilər. 

Balıqlar -  xasiyyətinizin ən gözəl tərəflərini nümayiş etdirmək üçün əla gündür. Cəsarət, qətiyyət, fəhm həm qarşınıza qoyduğunuz məqsədə çatmağınıza, həm də biganə qala bilmədiyiniz bir insanı valeh etməyinizə imkan verəcək. Yaşlı qohumlarınızla münasibətlərinizi yaxşılaşdıra, çoxdankı münaqişələri həll edə bilərsiniz.
Həyatınızda dəyişikliklər edə bilərsiniz. Yalnız bu zaman məqsədlərinizi və istəklərinizi dəqiqləşdirməlisiniz. Əks halda, davranışınız xaotik, nəticələri isə xoşagəlməz olacaq. 

ŞƏRH YAZ
0

“WhatsApp” istifadəçiləri üçün 4 yenilik

“WhatsApp” istifadəçiləri üçün 4 yenilik
20:30
11.12.2017
4653
Maraqlı
A
Minyonlarla istifadəçisi olan “WhatsApp” proqramı yenə də bir neçə yeniliyə imza atıb.

“Ölkə.Az” xəbər verir ki, bu dəfə “WhatsApp” istifadəçiləri üçün 4 yenilik təqdim edib. Yeniliklər hazırda test edilir.

Test mərhələsində olan 4 müxtəlif xüsusiyyət platforması yalnız “WhatsApp”in “Android” versiyaları üçün istifadə edilə bilər. Yeniliklərin bir müddət sonra istifadəçilərə təqdim edilməsi planlaşdılır.

Birinci yenilik blokladığınız insanlar üçün tətbiq edilir. Yeniliyə görə, indi əngəli aradan qaldırmaq və mesaj göndərmək istəyən şəxsin nömrəsinin üzərində basaraq saxlamaq lazımdır.

Başqa bir yenilik isə iOS proqramına dəvət bağlantısıdır. “Android” versiyası üçün tətbiq edilən bu yenilik zamanı insanları asanlıqla qrupa dəvət edə və onlarla danışa bilərsiniz. Bunun üçün əvvəllər olduğu kimi həmin şəxsin nömrəsini mütləq şəkildə qeydə salmaq tələb olunmur. Sadəcə həmin şəxsə dövət göndərmək yetərlidir.

Tətbir edilən bu yenilik zamanı “WhatsApp”da yazışarkən “Youtube” videolarını izləyə biləcəksiniz. Əgər əvvəl “WhatsApp”a gələn videolara baxmaq üçün çıxmaq lazım idisə, indi buna ehtiyac olmayacaq. Mobil platformanın İOS proqramı üçün istifadəyə verdiyi yenilikdən artıq “Android” istifadəçiləri də yararlana biləcək. "WhatsApp”da olarkən kənarda kiçik pəncərə içərisində video açılacaq. Artıq videoya baxa-baxa yazışmağa davam edə biləcəksiniz.

Üçüncü yenilik isə “Bildiriş üçün toxun” xidmətidir. Bunun üçün telefonu aktiv etmək və “WhatsApp” proqramına daxil olaraq, prosesi həyata keçirtmək lazımdır. Həmin anda yaranmış problem dərhal aradan qalxacaq.

Son yenilik isə “Admin Parametrləri” tətbiqidir. Bu yenilik vasitəsilə seçdiyiniz qruplarda daha çox əməliyyatlar aparmaq və qrup üzvlərinə ümumi halda mesajlar göndərmək mümkün olacaq.

Ziya Səccad
Ölkə.Az

ŞƏRH YAZ
0
BAĞLA