"Çempionatın sonuncu oyununda uduzmaq istəməzdik" — Sənan Qurbanov

20:53
11.05.2019
876
İdman
A
"Çempionatın sonuncu oyununda uduzmaq istəməzdik. Çünki kubokdakı final oyununa hazırlıq üçün qələbə lazım idi. Lakin olmadı. Zədədən əziyyət çəkən bəzi futbolçularımıza istirahət verməli olduq. Gənc futbolçular çox istəkli idilər. Qol epizodlarından düzgün istifadə edə bilmədik. Rəqib ələ düşən imkandan yararlandı və qalib gəldi".

"Ölkə.Az" bildirir ki, bu sözləri "Qəbələ"nin baş məşqçisi Sənan Qurbanov səfərdə "Sumqayıt"a 0:1 hesabı ilə uduzduqları Azərbaycan Premyer Liqasının XXVIII tur oyunundan sonra mətbuat konfransında deyib.

Gənc mütəxəssis mayın 19-da Naxçıvanda elə "Sumqayıt"la keçirəcəkləri Azərbaycan Kubokunun final matçına köklənəcəklərini bildirib:

"İrəli baxacağıq. Son oyunumuz var. İli titulla başa vurmaq üçün əlimizdən gələni edəcəyik".

Qurbanov klubdakı taleyinə aydınlıq gəlmədiyini də vurğulayıb:

"Bu haqda heç bir danışıq olmayıb. Fikrimiz odur ki, kuboku qazanaq. 4-cü dəfə finalda uduzmaq sarsıdıcı olar. Özüm də bu barədə fikirləşmirəm. Klub olaraq nə isə qazanmaq, bu mövsümü boşa verməməyi düşünürəm. Sonradan nə qərar veriləcəksə, təki klubumuzun xeyrinə olsun".

Ölkə.Az

ŞƏRH YAZ
0

UEFA prezidenti Mxitaryanın Bakıya gəlməməsinə münasibət bildirib

UEFA prezidenti Mxitaryanın Bakıya gəlməməsinə münasibət bildirib
23:22
24.05.2019
1841
İdman
A
UEFA prezidenti Aleksandr Ceferin Almaniyanın “Der Spiegel” jurnalına müsahibəsində Avroliqanın final oyununun Bakıda keçirilməsi qərarını müdafiə edib.

"Ölkə.Az" bildirir ki, Ceferin final oyunu fonunda Azərbaycan haqqında deyilənlərə münasibət bildirərkən qeyd edib ki, bu, digər Avropa ölkələrinə də aiddir.

UEFA prezidenti Mxitaryanın “təhlükəsizlik” məsələsinə görə Bakıya gəlməməsindən də danışıb. Bildirib ki, Mxitaryanın dedikləri 2016-cı ildə Fransada  keçirilən “Avro-2016” oyunlarını yada salır.

“Terror hücumlarının hədəfində olan Fransada Avropa çempionatını təşkil etməyi bacardıq. Futbol bu cür gərginliklərə görə dayandırılsa, gələcəkdə heç nə təşkil edə bilməyəcəyik”, - deyə UEFA prezidenti qeyd edib.

Ölkə.Az

ŞƏRH YAZ
0

Erməni bacı-qardaş Bakıdakı yarışda çıxış edəcək — VİDEO

Erməni bacı-qardaş Bakıdakı yarışda çıxış edəcək
12:52
24.05.2019
4916
İdman
A
Milli Gimnastika Arenası sabah tarixində ilk dəfə olaraq, aerobika gimnastikası üzrə Avropa çempionatına ev sahibliyi edəcək.

"Ölkə.Az" xəbər verir ki, qitənin 22 ölkəsindən ən güclü aerobika ustaları üç gün ərzində öz güclərini sınayacaq. 

22 ölkədən 400-ə yaxın böyük və gənc gimnastlar fərdi qadın və kişi, qarışıq cütlük, üçlük, qrup, həmçinin, aero dans, aero step (yalnız böyüklər) proqramında yarışacaq. Bu yarışda erməni əsilli bacı-qardaşlar da iştirak edəcək.

Söhbət Qarsevan və Duxik Canazyanlardan gedir. Bu iki ailə üzvü Rusiya millisinin üzvləri sayılır. Onların burda iştirakı bir daha onu göstərir ki, idman siyasətdən çox aralıdır. Bu, həm də rəsmi Bakının erməni futbolçu Henrix Mxitaryanın son günlər Bakıya gəlməməsi yönündə süni şəkildə qabardılmış məsələlərə bir tutarlı cavabı kimi də qiymətləndirilə bilər.

Yeri gəlmişkən, ölkəmizi bu çempionatda böyüklər arasında Elçin Məmmədov, Mədinə Mustafayeva, Ayxan Əhmədli, Balaxanım Əhmədova, Vladimir Dolmatov, Emil Quliyev, Xoşqədəm Quliyeva, Nərminə Hüseynova,  İmran İmranov, Nigar İbrahimbəyli,  Akif Kərimli, gənclərin yarışında isə Aysel Aslanzadə, Xədicə Quliyeva, Lalə Quliyeva, Fatimə Qurbanova, Emiliya Mahmudova və Eleonora Yusifova təmsil edəcək.

Artıq bütün komandaların toplaşdığı arenada iki gündür rəsmi məşq toplanışları keçirilir. Sabah saat 12:00-da start götürəcək çempionatda isə ilk olaraq, meydançada gənc gimnastları görəcəyik. Sonrakı gün qitə çempionluğu uğrunda mübarizəyə böyük aerobika gimnastları qatılacaq. Yarışların son günü isə final mərhələlərində Avropa çempionlarının adları açıqlanacaq.

Gimnastika yarışlarının daimi tamaşaçılarını isə bu çempionatda da çox maraqlı və qeyri-adi bir açılış mərasimi gözləyir. Bu dəfə onlar 16:00-dan etibarən “Gimnastika Planeti”nə qonaq olaraq, ecazkar şounun bir hissəsinə çevriləcək.

Ölkə.Az

 

ŞƏRH YAZ
0
BAĞLA