Çempionlar Liqasında qol yağışı — Gecənin nəticələri

Çempionlar Liqasında qol yağışı
01:17
18.10.2017
139
İdman
A
Çempionlar Liqasının 3-cü turuna start verilib.

“Ölkə.Az”ın “Qafqazinfo”ya istinadən məlumatına görə, baş tutan 8 oyunda qapılara 31 qol vurulub.

Gecənin ən bol qollu matçı Sloveniyada olub. “Maribor” öz meydanında “Liverpul”dan 7 cavabsız qol buraxıb.

Süpriz nəticə isə Moskvada qeydə alınıb. “Spartak” İspaniyanın “Sevilya” klubunu 5:1 məğlub edib.

Turun ən maraqlı qarşılaşmalarından olan “Real Madrid” – “Tottenhem” matçında qalib müəyyənləşməyib.

Türkiyə təmsilçisi “Beşiktaş” isə səfərdə “Monako”nu məğlub edərək, yoluna itkisiz davam edib.

Gecənin nəticələrini təqdim edirik:

E qrupu

“Maribor” (Sloveniya) - “Liverpul” (İngiltərə) - 0:7

Qollar: Firmino, 4, 54, Koutinyo, 13, Salah, 19, 40, Oksleyd-Çemberleyn, 86, Aleksandr Arnolt, 90

“Spartak” (Rusiya) - “Sevilya” (İspaniya) - 5:1

Qollar: Promes, 18, 90, Melqarejo, 58, Qluşakov, 67, Adriano, 74 - Kyaer, 31

F qrupu

“Feyenoord” (Hollandiya) - “Şaxtyor” (Ukrayna) - 1:2

Qol: Berqus, 7 - Bernard, 24, 54

“Mançester Siti” (İngiltərə) - “Napoli” (İtaliya) - 2:1

Qollar: Sterlinq, 9, Qabriel Jesus, 13 - Diavara, 73 (pen.)

 G qrupu

“Leypsiq” (Almaniya) - “Porto” (Portuqaliya) - 3:2

Qollar: Orban, 8, Forsberq, 38, Avqustin, 40 - Abubakar, 18, Markano, 44

“Monako” (Fransa) - “Beşiktaş” (Türkiyə) - 1:2

Qollar: Falkao, 30 - Cenk, 34, 54

H qrupu

“Real Madrid” (İspaniya) - “Tottenhem” (İngiltərə) - 1:1

Qollar: Ronaldo, 43 (pen.) - Keyn, 28

APOEL (Kipr) - “Borussiya Dortmund” (Almaniya) - 1:1

Qollar: Pote, 62 - Sokratis, 67

Ölkə.Az

ŞƏRH YAZ
0

“Qarabağ” dünyanın ən yaxşı 100 komandası arasında

“Qarabağ” dünyanın ən yaxşı 100 komandası arasında
17:59
Bu gün
5
İdman
A
Dünyanın ən yaxşı klublarının siyahısı açıqlanıb.

"Ölkə.Az" Apasport.az-a istinadən xəbər verir ki, Beynəlxalq Futbol Tarixi və Statistikaları Federasiyasının (İFFHS) tərtib etdiyi cədvəldə planetin ən yaxşı 402 komandası yer alıb.

2017-ci ilin yekunlarının əksini tapdığı siyahıda Azərbaycan 3 klubla təmsil olunub. Ən yaxşı təmsilçimiz “Qarabağ”dı.

Ağdam klubu 136 xalla planetin 93-cü komandasıdı. İlk “100-lük”dəki yeganə təmsilçimiz Çempionlar Liqasının qrupuna qədər irəliləsə də, 1 il əvvəlki ilə müqayisədə 39 pillə geriləyib. Bu, Qurban Qurbanovun yetirmələrinin ötən il Avropa Liqasının qrupunda daha çox xal yığması ilə bağlıdı.

“Qarabağ”dan başqa, dünyanın 2 klubu 136 xala malikdi. Təmsilçimizin şərikləri “Borussiya” (Mönhenqladbax, Almaniya) və “Paçuka” (Meksika) klublarıdı.

Ölkəmizin siyahıdakı 2-ci komandası “Zirə”di. Paytaxt klubu 72 xalla 296-cı yerə şərikdi. “Atletiko” (Bukaramanqa, Kolumbiya), “Kolon” (Argentina), “Renn” (Fransa) və “Melqar”la (Peru) eyni xala malik Ayxan Abbasovun yetirmələri fantastik sıçrayışla diqqət çəkib. Ötən il 761-ci olan bakılılar 465 pillə irəliləyib.

Hesabında 65 xal olan “Qəbələ” isə 353-cü pillənin şərikləri arasındadı. Roman Qriqorçukun yetirmələri “Əl-Naser” (Səudiyyə Ərəbistanı), “Arka” (Polşa), “Defensor” (Uruqvay), “Atromitos” (Yunanıstan), “Hapoel” (Hayfa, İsrail), “Əl-Vəhdət” (İordaniya) ilə eyni nəticəyə malikdi. Əyalət klubu bir il əvvəlki ilə müqayisədə 255 pillə geriləyib. Bu, komandanın ötənilki uğurunu təkrarlayıb Avropa Liqasının qrup mərhələsinə yüksələ bilməməsi ilə bağlıdı.

Qeyd edək ki, siyahıya İspaniya “Real”ı başçılıq edir – 328 xal. Braziliya “Qremio”su 286 xalla 2-ci, İngiltərə təmsilçisi “Mançester Yunayted”  284 xalla 3-cüdü.

ŞƏRH YAZ
0

Məmmədyarov şahmat üzrə superturnirin III turunda heç-heçə edib

Məmmədyarov şahmat üzrə superturnirin III turunda heç-heçə edib
01:33
Bu gün
158
İdman
A
Hollandiyanın Veyk-an-Zeye şəhərində keçirilən şahmat üzrə "Tata Steel Chess" superturnirində III tura yekun vurulub.

“Ölkə.Az” xəbər verir ki, yarışda Azərbaycanı təmsil edən Şəhriyar Məmmədyarov növbəti heç-heçəsini edib. 33 yaşlı qrossmeyster turnirdə ikinci heç-heçəsini rusiyalı Maksim Matlakovla edib.

Bu nəticədən sonra Məmmədyarov aktivindəki xalların sayını 2-yə çatdırıb və 3-4-cü yerlərdə qərarlaşıb. Turnirə 2,5 xal ilə Vişvanatan Anand (Hindistan) və Aniş Giri (Hollandiya) başçılıq edir.

Ölkə.Az

ŞƏRH YAZ
0
BAĞLA