"Çempionlar Liqasında qrupa düşmək üçün mübarizə aparacağıq"

23:47
11.07.2017
22
İdman
A
“Çox istəkli və çox aqressiv komandaya qarşı oynadıq. Həqiqətən də “Samtredia”dan belə gərgin oyun gözləmirdik”.

Bu sözləri “Qarabağ”ın baş məşqçisi Qurban Qurbanov Çempionlar Liqasının II təsnifat mərhələsinin ilk oyunları çərçivəsində Bakıda “Samtredia”ya qalib gəldikləri oyundan (5:0) sonra keçirilən mətbuat konfransında deyib.

- Rəqib hesabdan asılı olmayaraq yaxşı mübarizə apardı. Oyuna çox gərgin başladıq və ilk hissə bizim üçün ağır oldu. Amma futbolçularımız sona qədər xarakter göstərdilər və güclərini ortaya qoya bildilər. Qələbədə azarkeşlərimizin də payı oldu. Fikrimiz cavab oyununda olacaq. Aradakı vaxtda çatışmazlıqlarımızı aradan qaldırmağa çalışacağıq. Səfər oyununda istənilən nəticə qeydə alına bilər”.

- Yeni transferlərin oyunundan razı qaldınız?

- Hər ikisi təcrübəli futbolçudur. Bu gün desək ki, razı qaldım, ya yox, düz çıxmaz. Bir oyunla yeni futbolçuya dəyər verə bilmərik. Mövsüm boyu eyni tempdə olmalı və nəticə vermək üçün çalışmalıdırlar. Oyun dispilinindən razı qaldım. Necə danışmışdıqsa, elə də oynadılar. Yeni futbolçuların qoşulması ilə komandamızın oyun sistemi qaldı.

- Oyunun gedişində zədə alan Rəşad Sadıqovun durumu necədir?

- Sabah, yada birigün bilinəcək. Bir az dizində ağrılar hiss elədi. Düşünürəm ki, ciddi olmaz. 1-2 günə dəqiq bəlli olacaq.

- Bu heyətlə maksimum hədəfiniz nədi?

- Biz hər turnirdə maksimum nəticə əldə etməyə çalışırıq. Həmişə istəmişəm ki, əlimdə daha çox futbolçu olsun. Təkcə transferlərə görə yox, əlimizdə olan oyunçularla daha yaxşı nəticə əldə etməyə çalışacağıq. Çempionlar Liqasında zəif komanda yoxdu, çox ciddi turnirdi. Burda hər komanda öz ölkəsinin çempionudu. İstənilən oyunda istənilən nəticə baş verə bilər. Maksimum hədəfimizə gəlincə, Çempionlar Liqasında qrupa düşmək üçün mübarizə aparacağıq. (qol.az)

Ölkə.Az

ŞƏRH YAZ
0

""Qarabağ"ın uduzacağını Əmrah Çəlikələ də demişdim"

22:58
15.12.2017
369
İdman
A
Xəbər verdiyimiz kimi, "Sumqayıt" Azərbaycan kubokunun ¼ final mərhələsində "Qarabağ"a 2:0 hesabı ilə qalib gələrək yarımfinala yüksəlib.

Ölkə.Az "qafqazinfo"-ya istinadən xəbər verir ki, oyundan sonra Peşəkar Futbol Liqasının prezidenti Ramin Musayev jurnalistlərin suallarını cavablandırıb. Musayev ilk olaraq oyun haqda danışıb:

"Baxımlı, əzmkar oyun oldu. "Sumqayıt" layiqli qələbə qazandı. Baxmayaraq ki, komandanın baş məşqçisi Samir Abasov ölkə hüdudlarından kənardadır. Ona işiylə bağlı uğurlar diləyirəm.

- Bu nəticəni gözləyirdiniz?

- Desəm ki, gözləyirdim, inanmayacaqsınız. Amma bunu gözləyirdim. "Qarabağ"ın uduzacağını Əmrah Çəlikələ də demişdim (gülür).

- "Sumqayıt"ın paltardəyişmə otağına daxil olanda səs-küy qopdu. Nə baş verirdi?

- Komandanı təbrik etdim. Hamısı yerli futbolçularımızdır.Təbrik etmək ixtiyarımız yoxdur?

- Adətən belə səs-küy mükafat veriləndə olur...

- Mükafat üçün pul var? Olsa verərəm (gülür). Pul olsa, böyük məmnuniyyətlə verərdim. Amma maddi sıxıntılar var. Büdcəmizdə qırmızı işıq yanır.

ŞƏRH YAZ
0

"Sumqayıt"dan sensasiyalı qələbə — "Qarabağ"ı kubokdan kənarlaşdırdı

22:43
15.12.2017
366
İdman
A
Bu gün Azərbaycan Kubokunda 1/4 final mərhələsinə yekun vurulub.

Ölkə.Az qol.az-a istinadən xəbər verir ki, keçirilən iki oyunla bütün yarımfinalçılar bəllli olub.

Günün ilk oyununda "Səbail" "Qəbələ"ni qəbul edib. Öz meydanında keçirilən ilk oyunda 1:0 hesablı qələbə qazanan "Qəbələ" cavab matçında da 4:2 hesabı ilə qalib gələrək yarımfinala yüksəlib. Roman Qriqorçukun komandası yarımfinalda "Neftçi" ilə qarşılaşacaq.

Digər görüşdə - ilin son qarşılaşmasında  isə "Qarabağ" "Sumqayıt"ın qonağı olub. Oyun "Sumqayıt"ın sensasiyalı qələbəsi ilə nəticələnib - 2:0. Beləliklə, son üç mövsümdə "qızıl dubl" edən "Qarabağ" gözlənilmədən kubokla vidalaşıb.

 

15 dekabr (cümə)

19:00.“Sumqayıt” – “Qarabağ” - 2:0 
Qol: Kamal Mirzəyev, 22, Amil Yunanov, 90 
İlk oyun - 1:2
Hakimlər: Rəhim Həsənov, Akif Əmirəli, Namiq Hüseynov, Elvin Əsgərov
“Kapital Bank Arena”

16:00.“Səbail” – “Qəbələ” - 2:4 
Qollar: Adrian Popoviçi, 16 (1:0), Filip Ozobiç, 22 (1:1), Ruslan Qurbanov, 44 (1:2), Famussa Kone, 56 (1:3), Baqali Dabo, 75 (1:4), Elman Taqayev, 78 (2:4)
İlk oyun - 0:1
Hakimlər: İnqilab Məmmədov, Rahil Ramazanov, Nahid Əliyev, Nail Nağıyev
“Bayıl Arena”

 

14 dekabr (cümə axşamı)


"Neftçi” – “Zirə” - 2:0 
İlk oyun - 0:1

“Kəpəz” – “Keşlə” - 2:3
İlk oyun - 0:2
 

 Yarımfinal cütlükləri

"Keşlə" - “Sumqayıt” 

“Neftçi”  – “Qəbələ”

Yarımfinallın oyunları 11-18 aprel tarixlərində keçiriləcək.

ŞƏRH YAZ
0
BAĞLA