AXTAR

Axtarışın nəticələri

Bütün nəticələr

“Çempionluq gözləmirdim”

Bakıda keçirilən “Böyük Dəbilqə” turnirində Azərbaycanın cüdo yığmasına ilk qızıl medalı qazanıb.

12.03.2017 00:33 Bölmə: İdman Oxunma sayı: 80
A- A A+

Ölkə.Az xəbər verir ki, komandamızın heyətində ilk qızıl medala Rüfət İsmayılov layiq görülüb.

81 kq çəki dərəcəsində mübarizə aparan gənc cüdoçu qələbə ilə bağlı fikirlərini bölüşüb:

“Ən çətini 3-cü görüşüm oldu, bolqar cüdoçuya qarşı oyunu qeyd edərdim. Təbii ki, finaldakı rəqibim də çox güclü idi. Böyüklər arasında keçirilən yarışlarda yeniyəm. Ona görə də çempionluq gözləmirdim. Bundan sonra da var gücümüzlə məşq edəcəyik. Bundan sonra da ölkəmizi layiqincə təmsil etməyə çalışacağam. Finaldakı rəqibim İran azərbaycanlısı idi, dilimizi bilirdi. Görüşdən sonra iki qardaş kimi söhbət etdik”.

Ardıcıllıqla Sünnatulla Əzimov (Özbəkistan), Dorin Qotonoaqa (Moldova), İvaylo İvanov (Bolqarıstan) və Kenya Koharaya (Yaponiya) qalib gələrək, finala vəsiqə qazanan R.İsmayılov, həlledici görüşdə İran idmançısı Afiq Səfərli Səid Mollayini məğlub edib.

Partner Xəbər