Cenevre danışıqlarından sonra nələr olacaq?

Siyasi ekspertlər hesab edirlər ki, bu danışıqlar da heç bir nəticə verməyəcək. Politoloq Arzu Nağıyev Ölkə.Az-a açıqlamasında bildirib ki, bu görüşlər də nəzərə çarpaq dərəcədə müsbət nəticə verməyəcək. Onun sözlərinə görə, ümumilikdə danışıqların getməsinin özündə də xeyir var:

“Cenevredə şəhərində Suriya probleminin müzakirələri Astana görüşlərinin davamıdır. Artıq üçüncü görüşdür ki, Suriya problemlərinin müzakirəsinə başlanılıb. Görüşlərin getməsini müsbət hal kimi qeyd etmək lazımdır. Artıq qarşı-qarşıya oturan müəyyən qruplaşmalar var. Burada problemli məsələ ondan ibarətdir ki, ABŞ-ın inhisarında olan güclər bu görüşlərə qoşulmurlar. Eyni zamanda ABŞ ilə İran arasında olan müəyyən gərginlik Suriyada sülhün bərqərar olmasına müsbət təsir etməyəcək. Düşünürəm ki, Rusiya və Türkiyə nə qədər istəsələr də bu proses müsbət həllini tapsın bu çətin olacaq”.

Politoloq Elxan Şahinoğlu Ölkə.Az-a açıqlamasında danışıqlarda ABŞ-ın passiv olduğunu bildirib. Onun fikrincə, Amerikanın danışıqlara qoşulmamasında hansısa gizlin məqamlar var:

“Cenevredə şəhərində Suriya probleminin müzakirələri BMT səviyyəsində aparılır. Suriya məsələlərilə bağlı danışıqlarda ABŞ passiv iştirak edir. Digər bir danışıqlar prosesi də Astanada baş tutub. Hər ik idanışıqlarda ABŞ passivlik nümayiş etdirir. Amerika hazırda Suriyada da fəal deyil. Bu dəqiqə Suriyada Rrusiya, Türkiyə və İranın fəallığı görünür. Aydındır ki, Amerika İranla əməkdaşlıq etməyəcək. Lakin yenə də, Rusiya və Türkiyə ilə məsləhətləşmələri davam etdirə bilərdi. Bütün bunlar ondan irəli gəlir ki, Trampın xarici siyasəti konkret istiqamətlərdə bəlli deyil”.

Politoloq İlqar Altay Cenevredə şəhərində Suriya probleminin müzakirələrinin gedişatında heç bir dəyişiklik olmadığını deyib. Onun sözlərinə görə, hazırda tərəflər arasında sakitçilik hökm sürür:

“Suriyada sabitliyin yaradılmasında 2 problem var. Birincisi orada terroçu dəstələri fəaldırlar. Ərazi bunlardan təmizlənməlidir. İkinci məsələ isə Suriyada müxalifət ilə Bəşər Əsəd qüvvələri arasında qarşıdurma var. Bu qüvvələri də bir araya gətirmək lazımdır. Bu xidməti Rusiya öz üzərinə götürüb. Bu istiqamətdə Rusiyanın uğursuzluqları olduğu üçün məsələyə Türkiyə də qoşulub. Suriyadakı müxalifəti Türkiyə, Bəşər Əsəd tərəfdarlarını da Rusiya idarə edir. Bu məsələrə Amerikanın qarışacağı iş yoxdur. Hazırda Suriyada danışıqlar gedir. Danışıqlarda razılığa gəlinib ki, Bəşər Əsədə bir müddət iman versinlər. Sonradan Əsəd rejimi hakimiyyəti təhvil verəcək. Bu dəqiqə arada sakitlik var”. 

Ziya Səccad
Ölkə.Az