Cenevrə görüşlərində Əsəd rejimini PKK terrorçusu təmsil edir?

"Ölkə.Az" xəbər verir ki, Əsəd rejimi və müxalif qruplar Astana görüşlərindən sonra dördüncü dəfədir ki, Cenevrədə görüşür.

İddiaya görə, Əsəd rejiminin nümayəndə heyəti arasında yer alan Ömer Ossi PKK terrorçusudur.

Rusiya Bəşər Əsəd rejimindən Cenevrə müzakirələri ərəfəsində rəsmi olaraq hava hücumlarını dayandırmağı tələb edib. Mistura rejim və müxalif heyətlərlə BMT binasında başqa-başqa otaqlarda görüşüb.

Görüşlərdə Əsəd rejimini təmsil edən heyətə ölkənin BMT-dəki səfiri Bəşər əl-Cəfəri başçılıq edir. Heyətdə təmsil edilən kürd millət vəkili Ömer Ossi diqqət çəkib. İddiaya görə, Ossi görüşlərə dəvət edilməyən PKK üzvüdür.

Qeyd edək ki, İŞİD və Əl-Nusra qruplaşmaları Cenevrə görüşlərinə dəvət edilməyib. PKK isə ABŞ və Rusiya israr etsə də, Türkiyənin etirazlarına görə bu görüşlərə dəvət edilməyib.

Hikmət
Ölkə.Az