Cennifer Lopez Nyu-Yorkdakı evini satışa çıxardı
Cennifer Lopez ötən ilin mart ayında Aleks Rodriges ilə birlikdə Manhettenin mərkəzində mənzil almışdı.
“Ölkə.Az” xəbər verir ki, cütlük burada ailə yuvası qurmağı planlaşdırırdı. Mənzil “432 Park Avenue” ünvanındakı 96 mərtəbəli göydələndə yerləşir.
371 kvadrat metrlik mənzildə 3 yataq otağı, bir neçə vanna otağı, böyük qarderob, kitabxana vəs. var. Amma cütlük artıq mənzili 17.5 milyon dollara satışa çıxarıb. Cütlük qeyd edib ki, mənzil onların böyük ailəsi üçün balaca olduğu üçün belə bir addım atıblar. Aleks və Cenniferin 4 övladı var.
Bundan başqa Lopez 27 milyon dollara Medison-skverə mənzərəsi olan dəbdəbəli pentahusunu da satışa çıxarıb. Bu evi Cennifer 2014-cü ildə alıb.
Ölkə.Az
