"Çətin tapşırıq-6" filmi gəlir

19:02
17.03.2017
244
Maqazin
A
"Paramount" və "Skydance" kinostudiyaları "Çətin tapşırıq" filminin altıncı hissəsini lentə alacaqlar.

"Ölkə.Az" xəbər verir ki, aktyor Tom Kruz bu dəfə də baş rol ifaçısı olacaq. Tomdan başqa britaniyalı aktyor Henri Kavill də kamera qarşısına keçəcək. Henri "Polad adam", "Betmen Supermenə qarşı" filmləri ilə məşhurlaşıb.

Rebekka Ferqyuson, Saymon Peqq və Ceremi Renner də layihəyə dəvət ediləcək. Filmin ssenari müəllifi və rejissoru Kristofer Makkuoridir. Kristofer "Çətin tapşırıq: lənətlilər qəbiləsi" filminin rejissoru olub.

Süjet barədə ətraflı məlumat verilmir. Bilinən odur ki, Kavill Tom Kruzun tabe olduğu idarənin rəhbərinin "sağ əli" olacaq. Digər filmdə bu rolu Alek Bolduin ifa etmişdi. Onun da layihəyə dəvət ediləcəyi barədə dəqiq məlumat yoxdur.

Hikmət
Ölkə.Az

ŞƏRH YAZ
0

Firuzə İbadovanın qızı hicab bağladı — Fotolar

Firuzə İbadovanın qızı hicab bağladı
19:02
26.05.2018
3732
Maqazin
A
Əməkdar artist Firuzə İbadova "Zaurla Günaydın" verilişinə qonaq olub.

"Ölkə.Az"ın məlumatına görə, müğənni proqrama 90 yaşlı anası Hökümə xanımla və qızı Hülya ilə birlikdə qatılıb. 

İbadovanın qızı hicaba keçib. O bildirib ki, artıq bir müddətdir hicab bağlayır.

Qeyd edək ki, Hülya bir neçə il əvvəl həyat yoldaşından boşanıb. Onun  Hökumə adında bir qızı var.

"Ölkə.Az"ın əldə etdiyi məlumata görə Hülya ikinci dəfə ərə gedir.

ŞƏRH YAZ
0

Avtoqəzaya düşən əməkdar artist illər sonra efirdə — FOTOLAR

Avtoqəzaya düşən əməkdar artist illər sonra efirdə
15:15
26.05.2018
5475
Maqazin
A
Azərbaycanın ilk skripka ifaçısı, əməkdar artist Natiq Nuriyev illər sonra efirə çıxıb.

"Space" telekanalında Kamran Həsənlinin aparıcısı olduğu "Onda başladıq" verilişində qonaq olan sənətkarın sağlamlığında problem olduğu üzə çıxıb. Bu barədə "Ölkə.Az"a danışan Nuriyev ağır avtoqəzaya düşdüyünü söyləyib:

"Hava limanına gedən yolda ağır qəzaya düşmüşdüm. Şükür ki, indi hər şey yaxşıdır. Amma yeriməyimdə problem var".

Qeyd edək ki, "Onda başladıq" verilişinin informasiya dəstəkçisi "Ölkə.Az" saytıdır.

İntiqam VALEHOĞLU
Ölkə.Az

 

 

 

ŞƏRH YAZ
0
BAĞLA