"Çətin,mürəkkəb, gərgin gündür" — Günün qoroskopu

00:04
13.05.2019
6436
Maraqlı
A
"Ölkə.Az" günün qoroskopunu təqdim edir:

Qoç - İşiniz üçün faydalı ola biləcək informasiya və ya məlumat axtarmağa başlayın. Məsləhətləşmə, toplantı, yazışma, işgüzar tərəfdaşla görüş üçün əlverişli zamandır. Xəbərlər arasında sizi narahat, nigaran edəcək məqam ola bilər.
Bəzi planlardan imtina edərək ehtiyat variantı reallaşdırmağa başlayın.
Səfər və səyahət, dostlarla görüş üçün əlverişli vaxtdır.
Gərgin situasiyalarda sözdən işə keçin, nigarançılığı dağıdın, suallarınıza birmənalı cavab alın.
Müəyyən illüziyalardan qurtulmağınız istisna deyil. Yeni məqsədlər tapın.

Buğa - Çətin, mürəkkəb, gərgin gündür. Lakin bütün diqqətinizi işə yönəldərək boş söhbətlərə və dedi-qodulara vaxt ayırmasınız, yaxşı nəticələrə nail ola bilərsiniz.
İntrovert olmayın, fikirləriniz bitkin forma alsın, gələcəklə bağlı planlar qurun. İşgüzar toplantılara qatılın, problemləri həll etməyə çalışın, yazışmalarda diqqətli olun.
Uzaqda yaşayan insanlardan biri sizə sürpriz xəbər yollaya bilər.
Ev işləri, ailə tədbirləri, alış-veriş üçün xeyirli vaxtdır. Lakin bədxərc olmayın.

Əkizlər - Təlimata, qaydaya və düzənə riayət edin. Yaxın ətrafınızdakı insanlarla münasibətlərdə müəyyən ağırlığa rəğmən, hadisələrdən tam narazı qalmayın.
İndi situasiyada müsbət dəyişikliklər etmək imkanı var. Günün maraqlarını nəzərə alın. Eyni zamanda perspektivi unutmayın, danışıqlar aparın, faydalı ola biləcək detalları unutmayın.
Rəhbərliklə önəmli söhbət olmalıdırsa, qətiyyətli olun, maraqlarınızı qoruyun. Səfər, birgə fəaliyyət, məlumatın təhlili, tədbirlərə hazırlıq baxımından əlverişli gündür.
Tərəf-müqabillik münasibətləri çərçivəsində qarşılıqlı fəaliyyətin çərçivələrini genişləndirməyin yollarını düşünmək olar.

Xərçəng - Yaşamınızda yeni intriqa peyda olur, gərginlik artır. Bütün ziddiyyətlərin sülh yolu ilə həll olunacağını düşünməyin. Sizi mübahisə və qəfil problemin aradan qaldırılmasına yönəlmiş təcili iş gözləyir.
Əks tərəfdəki şəxs sizə qalib gəlmək üçün yasaq metod və çirkin fəndlərdən istifadə edə bilər. Çətin olsa da, səbrli və soyuqqanlı davranın, müdrik olun.
Təsir edə bilmədiyiniz şərtlərin təfərrüatları bəlli olacaq. Çətin situasiyada güzəştə getməkdə qəbahət yoxdur. Qalmaqala meylli insanlardan uzaqda durun.
Tək çalışmağınız məsləhətdir. Pozitiv dəyişikliklər tərəfdaşlar, onların ideyaları və təşəbbüsləri ilə bağlı ola bilər.
Onların qərarları ilk əvvəldən əsl avantüra təsiri bağışlasa da, etiraz etməyin.

Şir - Bəzi emosiyalarınızı pərdələyin, rasional davranın. Yaxın ətrafınızdakı insanları müşahidə edin. Tərəfdaş və ya həmkarınızın maraqları, problemlərini düşünsəniz, yaxşıdır.
İnandığınız insanın təşəbbüsünü qəbul edərək hadisələrin axın məcrasına müdaxilə etməyin. Təkliflər və yeni imkanları nəzərdən keçirməyə dəyər.
Münasibətlər etibarlı deyilsə, istənilən xırdalıq səbr kasasını dolduracaq son damla təsiri bağışlaya bilər. Etibarlı və dayanıqlı müstəvi aradığınız yerdə xəyanətlə qarşılaşa bilərsiniz.
Şəxsi və maddi maraqlarınıza bilavasitə təsir etməyəcək işlərlə məşğul olsanız, daha yaxşıdır.

Qız - Yaxın ətrafınızdakı insanların maraqlarına və mənafelərinə sayğı ilə yanaşın. Aqressiv və kobud davranmayın. Münaqişə yaranarsa, onu dərhal həll etməyə çalışın.
Kollektiv fəaliyyətə üstünlük verin. Yaradıcılıq və romantik hisslər müstəvisində irəliləyiş ola bilər. İş yerində qayda yaradın. İşlərinizin çox olması sizdə stres yaratmasın.
Nevroz situsiya bəzi işlərin yarımçıq qalmasına səbəb ola bilər. Yüksək enerji dalğasında müəyyən işi çox sürətlə görərək başa vurmaq, həmin işə tərəfdaşı da cəlb etmək imkanı var.
İstənilən situasiya və şərtdən maksimum fayda əldə etməyin yollarını düşünün.

Tərəzi - Yaxın ətrafınızdakı insanların hər biri öz "zirvə"sini fəth etməyə çalışdığı vaxtda siz işlərinizi aramla, təmkinlə, düşünülmüş şəkildə görün.
Tələsməyin, emosional olmayın. Bəzi gecikmələr və qarışıqlığa rəğmən, işgüzar və digər maraqların sizi yaxınlaşdırdığı insnalarla təmaslar ilginc olacaq.
Romantik münasibətlərdə bu gün məntiq az, iddialar və tələblər çox olacaq. Gərgin anda ehtiyatlı və soyuqqanlı olun, münasibətləri aydınlaşdırmağa çalışmayın.
Hisslərinizi özünüz gərə bilərsiniz. Amma təmkinli davransanız, bu gün baş verənlər sabah sizə pis yuxu kimi gələcək. Müdrik davranış yaxşı nəticələr verəcək.
Axşam saatlarını ev işlərinə, çətin problemin çözülməsinin başa çatdırılmasına sərf edin.
Əyləncə və istirahəti təxirə salmaq olar.

Əqrəb - Səhər saatlarından etibarən çoxsaylı xəbərlər və təmaslar olacaq. Dərindən həllini tələb edən situasiya yaranarsa, həmin müstəvidə nizama və qaydaya nail olun.
Hadisələr istiqamətini və emosional fonunu dəyişsə də, mühüm işlərin siyahısı dəyişməz qalır.
Axşam saatlarında önəmli xəbər alacaqsınız. O xəbər sizi yeni informasiya aramağa vadar edəcək.
İşdəki perspektivləriniz, maddi durumunuz barədə düşünün. Hətta ən cazibədar təklifə müsbət cavab verməyə tələsməyin.
Axşam saatlarında yaşam arealınızı bir qədər genişləndirin, maraqlı yerdə istirahət etməyə çalışın.

Oxatan - qəfil hadisələrə hazır olun. Yeniliklər yaşanacaq. Qətiyyətli və əzmli davranın, problem yaranarsa, onu dərhal çözməyə başlayın.
Bütün işləri ideal görməyə çalışmayın. Başladığınız işi səliqəli görün və səhih nəticəyə nail olun.
Prosesin özündən həzz alın. Çalışarkən başqalarının çoxsaylı məsləhətlərinə qulaq asın, amma optimal hesab etdiyiniz variantdan kənara çıxmayın.
Axşam saatlarında istirahət edin. İnternetdə vaxt keçirmək, yazışmaq olar. Yeni filmə də baxa bilərsiniz.

Oğlaq - Hadisələr aktiv formalaşma mərhələsindədir. Kənarda qalaraq müşahidəçi mövqeyi tutmayın, konkret nəticələrə can atın.
İşdə diqqətli olun, təlimatlara və intizama riayət edin.
Günün ikinci yarısına yaxın şərtlər planları dəyişə bilər. Dəyişikliklər və yeniliklər fonunda özünüz üçün optimal perspektivi müəyyənləşdirin.
Sabah başlayacağınız işə indidən hazırlıq görün. Heç bir önəmli məqamı buraxmayın, mövqelərinizi gücləndirin.
Şəxsi münasibətlər müstəvisində qayğı, həssaslıq və diqqət tələb olunur.
Hisslərdə gərginlik hiss olunursa, münasibətləri ayırd etməyə can atmayın. Bu, münaqişəyə səbəb olacaq.

Dolça - Gərgin gündr. Diqqətli olun, maraqlarınızı müdafiə edin, mənafelərinizi qoruyun. İşlərinizə və yaşamınıza müdaxilə cəhdləri olacaq.
Kreativ bacarığınız yüksək səviyyədə olsun. Hərəkət və qərarlarınız təmkinli, dəqiq olsun. Sürəkli gərginlik mürəkkəb situasiyalarda enerji itkisinə səbəb ola bilər.
Ehtiyac olmadan risk etməyin. Situasiyanı dərhal normallaşdırmaq gərəkdirsə, yaxınlarınızı və dostlarınızı, yaxud da ailə üzvlərinizi yardıma çağırın.
Xeyli vaxtdan bəri reallaşdırmağa hazırlaşdığınız layihəni indi gerçəkləşdirməyə başlayın. Unutmayın ki, köməkçiyə ehtiyacınız var.
Mexanizm və avadanlıqla çalışanda, yolda, sükan arxasında ehtiyatlı olun.
Münaqişəli vəziyyətdə ətrafdakı insanların maraqlarını qulaqardına vurmayın.

Balıqlar - Planlar çoxdur, lakin görüləcək işlərin həcmini və tapşırıqlarla tələblərin sayını müəyyənləşdirmək gərəkdir.
Ən mühüm işlə kifayətlənin. Fikriniz dağılmasın, bir işi yarımçıq qoyub, başqa işə başlamayın. Tərəfdaşlarınız da fəaliyyət sahəsini genişləndirməkdə qərarlıdırlar.
İşin böyük hissəsini onların görməsinə imkan yaradın. Dəstək verin, amma özünüzü çox yormayın.
Günün ikinci yarısında işlərin çox olması yorğunluq, halsızlıq, iş qabiliyyətinin aşağı düşməsinə səbəb ola bilər.
Əlavə işə başlasınız, yaxın günlərdə həddən artıq yorğun dolaşacaqsınız. İş yerində və fikirlərinizdə qayda yaradın.
Yeni mövzuya impuls verilə bilər. Amma hələlik hər şey ideya səviyyəsindədir. O ideyanın formalaşmasını gözləyin, tələsməyin.

Ölkə.Az

ŞƏRH YAZ
0

Avakadonun dəri üçün möcüzəvi FAYDALARI

Avakadonun dəri üçün möcüzəvi FAYDALARI
01:15
Bu gün
3062
Maraqlı
A
Avakado yağı dəri üçün əvəzedilməz qulluq vasitəsidir.

“Ölkə.Az” xəbər verir ki, sağlam və düzgün bədən quruluşu arzulayanların süfrəsindən heç zaman əskik olmayan avakadonun dəriyə çox böyük xeyri var. Tərkibində yağların və vitaminlərin zənginliyi dəriyə çox sayda faydası var.

Dərini nəmləndirir

Uzun müddətli susuz qalan dəri üçün qırışlar və zərərlər qaçınılmazdır. Avokado yağı, A, C və E vitaminlərin köməyi ilə dəriyə lazım olan nəmi verir. Dərini nəmləndirərkən yağlı bir təbəqə yaratmadığı üçün, nəmləndirici kremlərdən fərqli olaraq, sızanaqların meydana gəlməsinə səbəb olmur.

Bundan başqa avokado yağı təbii bir qarışımdır. Bu xüsusiyyətinə görə, o dərinin nəfəs almasına və hüceyrələrin yenilənməsinə kömək edir. Beləliklə, dərinin yaşlanmasının, qırışların və sallanmasının qarşısını alır.

Dərisinin solğun görünüşündən şikayət edənlər üçün avokado yağı təbii bir həll  yoludur. O tərkibindəki minerallar sayəsində dəriyə parlaqlıq verir. Eyni zamanda dərinin rəngini tarazlaşdırır və  size körpə dərisi kimi yumşaq bir dəriyə qovuşdurur.

Bundan başqa tərkibindəki antioksidantların köməyi ilə avakado dərini zərərli gün şüalarından da qoruyur. Bundan başqa bu meyvə dəridən yaşla əlaqədər yaranan ləkələrin yaranmasının da qarşısını alır.

Ölkə.Az

ŞƏRH YAZ
0

Həyat yoldaşlarını evə gələn hörmətli qonağa hədiyyə edən, maralı dişləriylə axtalayan xalq haqqında — ŞOK FAKTLAR

Həyat yoldaşlarını evə gələn hörmətli qonağa hədiyyə edən, maralı dişləriylə axtalayan xalq haqqında
23:00
17.02.2020
1587
Maraqlı
A
Xalqların yaşadığı coğrafiya, iqlim şəraiti, relyef təkcə onların qidalanma mədəniyyətini formalaşdırmır, eyni zamanda adət-ənənlərini, mədəniyyətlərini, inanclarını və gələcəyə baxışlarını formalaşdırır. Müasir dövrümüzdə belə xalqlar dünya xalqlarına inteqrasiya olunsa da, öz milli adət-ənənələrini, mədəniyyətlərini, inanclarını qoruyub saxlayırlar və gələcək nəsillərinə ötürməyə çalışırlar. Bir çox hallarda isə özlərini qorumaq üçün hələ də müasir həyat şəraitinə uyğunlaşmayaraq birgəyaşayışdan uzaq, tənha yaşamağa üstünlük verənlər də var. Belə xalqlardan biri də azsaylı xantı və mansilərdir.

Bir zamanlar biz xantı və mansilərlə  SSRİ adlı dövlətdə bir ölkənin tərkibində yaşamışıq.  Xantı və mansilər  fərqli dilə malik olsalar da, aborigen Sibir xalqlarındandır və onların bu ərazilərə haradasa 10 min il bundan öncə gəldiyi ehtimal olunur.

Xantı və Mansilər haqqında bilmədiyimiz və  bizlər üçün şokedici faktlar

Fin-uqor dil qrupuna aid edilən xanti və mansilər  Ob uqorları hesab olunurlar. Linqvistlərin fikrincə, xanti və mansilərə ən yaxın macarlar  (Macarıstan macarları-red) hesab olunur . Çünki macarlar da xantı və mansilər kimi Ural dil ailəsinə aiddirlər.
Mansilərə bəzən voqullar da deyilir və onlar əsasən Tundrada köçəri həyat sürərək, maral saxlamaqla  və ovçuluqla məşğuldurlar.  Mansilər ovçuluqla məşğul olsalar da, bu, onların əsas gəlir mənbəyi olmayıb.
Xantılar isə əsasən Ob və İrtış çayı sahilində yaşayaraq ovçuluq və balıqçılıqla məşğul olublar. Xantılar çox gözəl balıqçı olmaqla yanaşı, həm də ovçudurlar. Xantıların bir qismi mansilər kimi maralçılıqla da məşğul olurlar.
2010-cu ildə Rusiyanın həyata keçirdiyi siyahıyaalma zamanı 30 min civarında xantı, 12 min civarında  mansilərin yaşadığı bəlli olub.

İnancları

Xantı və mansilər inanacalarına görə əsasən bütprəst şamanlardır.
Onlar təbitəin ruhuna, heyvan totemlərinə və ağaclarına inanaraq, ona baş əyiblər.
Bununla belə xantı və mansilərin bir qismi xristianlığı qəbul ediblər. Xristianlığı rəsmən qəbul edən Ob uqorları dünyagörüşlərinə görə, daha çox animizm, zoomorfizm və pravoslavlara daha yaxındır. Odur ki, Allah və ruhlara fərqli formada sitayiş edirlər. Bir çox hallarda xantı və mansilər müqəddəs pravoslav ikonaların dodaqlarını  qurban kəsdiyi heyvanları qanı ilə rəngləyirlər. Onlar bunu bütpərəst tanrı kimi qəbul edirlər.
Onlar  Num-Torum adlandırdıqları tanrını ali Allah hesab edirlər.  Xantı və mansilər  konkret  işdən ötəri Num-Toruma müraciət edirlər. Məsələn ov zamanı, xüsusən də Los ovlayarkən  Yer tanrısı hesab etdikləri Kaltas-evkaya dua ediblər. Kaltas-evka həmçinin Allahana hesab olunur.

Xantı və mansilər ayı öldürülərkən bayram edərlər

Digər Sibir xalqları kimi xantı və mansilər də  ayını öz əcdadları hesab edir. Buna baxmayaraq,  dini inancları ayını öldürməyi, onun dərisini soymağı  və ətini yeməyi qadağan etmir. Əksinə “tayqanın ağası” adlandırılan ayı ovlanması,  dərisinin soyulması  təntənəli bayram şənliyi ilə qeyd edirlər. Əgər ov dişi ayıdırsa, o zaman bayram 3 gün yox, 4 gün  davam edir. Ayının dərisi soyulduqdan sonra başını  qabaq pəncələri arasına qoyulur və ona toxunulmur. Öldürülən ayının burun və gözünə gümüş monetlər qoyur və boynuna ağcaqayından hazırlanan ağızlıq  keçirirlər. Dişi ayının başına qadın yaylıqları atıb, onu müxtəlif bəzək əşyaları ilə bəzəyirlər. Hər evdə bir neçə ayı dərisi olub. Bayramlarda qonaqlara əsasən  təzə  ayı ətindən hazırlanan yeməklər təqdim olunur, mahnılar oxunur, rəqs edilir. Mıəzhəkəli səhnələr  təşkil olunur. Artist, xüsusən də qadın rolunda kişilər çıxış edir.
Qadınlarını başqası ilə dəyirlər
Yurqa xalqlarında  qadınların və qızlarının nikaha qədər bakirəliyinə  nəzarət etmirlər. Bakirəliyi pozulan qızlara da pis baxılmır. Əgər qadın ərə gedən zaman dünyaya başqasından övlad gətiribsə, bu ona hər hansı maneçilik yaratmır. Əksinə bu yaxşı bir hal kimi hesab olunur. Yəni bu, qadının  sağlam nəsil artırmaq qabiliyyətinə malik olduğunun göstəricisi hesab olunur.
Bax, sonsuzluq  xantı və mansilər üçün əsl faciədir. Əgər ailəli qadının ərindən övladı olmursa, hamilə qalmırsa və yaxudda sonsuzluq yaranırsa,  o zaman  kişiyə ikinci qadın almağa icazə verilir.  İnanclarına  əsasən çətin doğuş qadınlar ailələrinə vəfasızlıq  və Allah tərəfindən cəzalandırılması kimi  dəyərləndirilir. Onların düşüncəsinə görə,  doğuş zamanı qeyri-rəsmi qadın, ədəbli qadından daha çətin və ağır formada doğuş həyata keçirir. Buna baxmayaraq,  hər uşağın doğuşu sevinclə qarşılanır.
Bu xalqların ən şokedici adəti isə evə gələn hörmətli qonağa öz həyat yoldaşalrını hədiyyə etmələridir. Bu, onlarda adi hal sayılır. 

Dişləri ilə maralı axtalayırlar
Mansilər çox maral saxladığından, onların məşiətində maral əti, dərisi, buynuzundan çox məqsədlər üçün istifadə olunur. Bir çox hallarda hesablaşma zamanı maraldan da ödəniş vasitəsi kimi istifadə olunur. Böyük maral sürüsündə erkək maral çox olduğundan, aralarında savaşlar çıxmasın deyə, mansilər sürüdəki 3-4 erkək maraldan  başqa bütün erkək maralları axtalayırlar. Digər tərəfdən axtalanmış erkək maral daha tez kökəlir. Maralı axtalayan zaman əllərində lazımi ləvazimat olmayanda mansilər  cavan erkək maralları dişləri ilə dişləyərək axtlayırmışlar. Bu günkü günümüzdə də belə bir praktikadan istifadə olunur.

Qeyri-adi yeməkləri

Dünya xalqları öz yemək adətləri ilə digərlərini təccübləndirdiyi kimi, mansilər də digərlərini öz yemək ənənələri ilə təəccübləndirməyi bacarırlar. Məsələn mansilər maralın bağırsağı ilə birgə onun mədəsinin içindəkini də yeyirlər. Mansilər bunu  delikates hesab edir və  bunu “kanyıqa” adlandırırlar. Mansilərin düşüncəsində görə, maral faydalı bitkilər yeyir və onlar maralın mədəsində qarışaraq  yaxşı bir şirəyə çevrilir. Mansilər maral mədəsindəki  qarışığı insan orqanizmi üçün çox faydalı hesab edirlər. 
Xantı və mansilər digər Sibir xalqları kimi maral qanı içirlər. Bununla belə sümüyü əzib iliyini, çiy əti yeyirlər. Aborigen Yurqalılar çiyəti yeməyi, qan içməyi insan orqanizminin immunitetini gücləndirdiyini düşünürlər. Xüsusən də şaxtalı havalar zamanı...

Qanlı qisas

Qanlı qısas xantılar  arasında da geniş yayılıb. Bir sıra hallarda qanlı qisas bir nəsil davam edir. Ölüm hadisəsinə görə öldürən xantı ailəsinin bir üzvü öldürülməlidir. Maraqlıdır ki, bu hal ayı ovu zamanı da tətbiq edilir. Belə ki, əgər bir xantı ayı ovuna gedərkən, ayı onu öldürübsə, mütləq digər ailə üzvü tayqaya gedib ayını tapıb öldüməlidir. Əks təqdirdə ayının öldürdüyü şəxsi yandırırlar  və  onun şərəfinə heç bir anım mərasimi, bayram təşkil olunmur.
27 musiqi alətində ifa edən xalq
On uqorlarının digər qonşularından fərqləndirən digər cəhət, onların  daha çox müsiqi alətindən istifadə etmək bacarığına malik olmasıdır. Onlar 27 musiqi alətində ifa edirlər.
Qəribə dəfn mərasimi
Xantı və mansilər ölən insanı havadan asılı formada saxlayırlar.  Bunun üçün  yerdən hündürdə xüsusi platformada  düzəldilmiş  yerdə saxlayırlar. Onların inancına görə, ölmüş insanın ruhu  havaya uçur və  o biri dünyaya qovuşur.

ŞƏRH YAZ
0
BAĞLA