Çexiyada təyyarə çaya düşüb

Çexiyada təyyarə çaya düşüb
10:11
17.11.2019
2856
Dünya
A
Çexiyanın şimalında, Litomerjitse şəhəri yaxınlığında təkmühərrikli idman təyyarəsi qəzaya uğrayıb, pilot ölüb.

"Ölkə.Az" APA-ya istinadən xəbər verir ki, bu barədə jurnalistlərə respublika polisinin nümayəndəsi Alena Bartoşova məlumat verib.

“Yüngülmühərrikli təyyarə qəzaya uğrayaraq Elba çayına düşüb, pilot ölüb. Qəza Litomerjitse şəhərinin yaxınlığındakı Kreşitse yaşayış məntəqəsində baş verib”, - polis nümayəndəsi belə deyib.

Təyyarənin parçalanmış göyərtəsi Elba çayının dibində dalğıclar tərəfindən aşkar edilib. Sualtı axtarışlar üç saat davam edib. Qaldırıcı kranın köməyi ilə pilotun cəsədinin olduğu kabinə sahilə çıxarılıb.

Təyyarənin qəzaya uğramasının səbəbləri hələ müəyyənləşdirilməyib. Hadisənin səbəblərini araşdırmaq üçün ekspert komissiyası yaradılıb.

Ölkə.Az

ŞƏRH YAZ
1

Kişinin əlinə ayaq baş barmağını tikdilər — FOTO

Kişinin əlinə ayaq baş barmağını tikdilər
01:16
Bu gün
188
Dünya
A
ABŞ-da, Miçiqan ştatında gənc oğlan qarajda iş görərkən alətlə əl baş barmağını kəsir. O, hətta əl barmağının necə üzülüb kənara uçduğunu görsə də, onun taxta qırığı olduğunu düşünür.

"Ölkə.Az" medicina.az-a istinadən bildirir ki, Eyden adlı gənci dərhal xəstəxanaya çatdırırlar. Lakin cərrahlar bildirir ki, əgər 3 saat ərzində qopub kənara düşmüş barmaq tapılıb tikilməsə, Eyden barmaqsız qalacaq.

Bütün ailə və dostları barmağı axtarsa da tapa bilmirlər. Nəticədə həmin hissə sadəcə tikilir.

Eyden əlini barmaqsız təsəvvür etmir, bu onun işinə də xələl gətirirdi və gənc dərin depressiyaya düşmüşdü.

Bunu görən həkimlər ona ayaq barmağını həmin yerə tikməyi təklif edir və o razılaşır.

Qəzadan 5 ay sonra yeni əməliyyatla Eydenin sol ayağındakı baş barmağı götürülərək əlinə köçürülür. Əməliyyat uğurlu alınıb və barmaq normal açılıb yığılır.

ŞƏRH YAZ
0

Fransada qasırğa 170 mindən çox evi işıqsız qoydu

Fransada qasırğa 170 mindən çox evi işıqsız qoydu
20:54
13.12.2019
450
Dünya
A
Fransada şiddətli qasırğa səbəbi ilə 170 mindən çox ev işıqsız qalıb.

"Ölkə.Az" bildirir ki, ötən gecədən bəri tüğyan edən qasırğa Fransanın 12 departamentini əhatə edib.

Həmin departamentlərdə “narıncı” təhlükə səviyyəsi elan olunub. Averon departamentində isə küləyin sürəti saniyədə 40 metrə çatıb.

Sinoptiklərin proqnozlarına əsasən, kəskin hava şəraiti bu gün də davam edəcək.

ŞƏRH YAZ
0
BAĞLA