Çexiyada zavodda ardıcıl partlayış
Çexiyanın şərqində Maşınqayırma Zavodunda partlayış baş verib.
“Ölkə.Az” xəbər verir ki, Polisin verdiyi məlumata görə, ilk partlayış yerli vaxtla saat 11:00-da Poliçka şəhəri yaxınlığında yerləşən zavodun sexlərindən birində olub. Daha sonra ardıcıl olaraq yenə partlayış səsləri eşidilib.
Polisdən verilən məlumata görə, içərisi partlayıcı dolu ilə çən partlayıb. Regional Xilasetmə Xidmətinin rəhbəri Pavel Svobodanın yerli KİV-ə verdiyi məlumata görə, 3 nəfər xilasedici də xəsarət alıb.
Bundan əlavə, hadisə zamanı zavodun işçilərindən və ərazidə olan vətəndaşlardan da xəsarət alanlar olub. Ümumilikdə hadisə zamanı 20 nəfər xəsarət alıb.
Müəssisənin ərazisində yanğının qarşısını almaq üçün 12 yanğınsöndürmə briqadası cəlb edilib.
Ziya Səccad
Ölkə.Az
