Cibgir marşrutda qadını soydu
Yasamal rayonu ərazisində 37 saylı marşrut avtobusunda cibgirlik faktı qeydə alınıb.
“Ölkə.Az”ın xəbərinə görə, Ruhəngiz Süleymanova Nərimanov prospekti 34 ünvanında marşrut avtobusundan düşərkən əl çantasından 225 manat pulunun yoxa çıxdığını görüb. Qadın dərhal ərazi üzrə 26-cı Polis Bölməsinə müraciət edib. İlkin izahatında R.Süleymanova pulunun avtobusda olan zaman oğurlandığını göstərib.
Faktla bağlı Yasamal RPİ-nin İstintaq Şöbəsində oğurluq maddəsi ilə cinayət işi başlanıb.