KORONAVİRUSA YOLUXANLARIN SAYI - CANLI STATİSTİKA

Cibimizə girən lombardlar — Fəaliyyətləri nəzarətə götürüləcək – VİDEO

Cibimizə girən lombardlar
03:56
19.02.2020
1238
Ölkə
A
Hər gün bir yerdə ofis açır, 3 ay işləyir, 3 aydan sonra gedirsən ki, obyekt yerində yoxdur. Yerini dəyişir, camaatı aldada-aldada vaxt qazanır.

"Ölkə.Az" xəbər verir ki, ARB TV –nin efirində yayınlanan “Günə doğru” verilişində lombardların fəaliyyəti ilə bağlı sujet yayımlanıb.

Azərbaycanda lombardların fəaliyyətinə nəzarət gücləndiriləcək. Hazırda onların işini tənzimləyən hüquqi mexanizm olmadığından vətəndaşların aldadılması hallarına tez-tez rast gəlinir.

Sakin: “Onlar müştərilərin zinət əşyalarını həvəslə götürürlər. Ancaq həmin əşyanı götürməyə gedəndə deyirlər ki, gecikmisən, əşyaların yoxdur, yaxud da gedirsən obyekti yerində tapa bilmirsən”.

Hazırda lombard fəaliyyəti üçün xüsusi razılıq tələb olunmur. Yəni istənilən şəxs MMC şəklində lombard açaraq fəaliyyət göstərə bilər.

Rəşad Həsənov – İqtisadçı: “Sahibkarlar sadəcə gedib, qeydiyyatdan keçərək, fiziki şəxs kimi fəaliyətə başlaya bilir. Və bu da öz növbəsində təbii ki, müxtəlif risklərə səbəb olur. Bir çox hallarda vətəndaşlar tərəfindən lombardlara təqdim olunan hansısa aktivlər xüsusilə də qızıl-zinyət əşyaları olur. Bunların da aşağı qiymətləndirilməsi həyata keçirilir”.

Banklara nisbətən asan şərtlərlə xidmət göstərən lombardlar bəzən girov qismində aldıqları qızıl-zinət əşyalarını başqa məqsədlər üçün istifadə edirlər.

Samir Qasımov – Vəkil: “Onun istifadəsi və digər şəxsə verilməsi lombarda qadağan olunur. Hətta həmin əşyaların qiyməti lombard tərəfindən mütləq sığortalanmalıdır. Əgər hər hansı bir hadisə nəticəsində oğurluq və s. o əşyalar məhv olarsa, onda sığorta şirkəti əşyaların sahibinə pulu ödəsin”.

Ekspertlərin sözlərinə görə, hazırda aktual problemlərdən biri lombard fəaliyyətinə nəzarət mexanizminin olmamasıdır.

Rəşad Həsənov – İqtisadçı: “Bu insanlar öz fəaliyətini qanun çərçivəsində həyata keçirmir. İnsanlarla müqavilə əsasında bu xidmətləri təklif etmirlər. Və yaxud da təklif etdiyi halda belə onlar artıq faəliyətini dayandırdıqda ölkəni tərk etmiş olurlar. Artıq bu insanlarla bağlı hər hansı Azərbaycan qanunvericiliyə uyğun olaraq müvafiq cəza tədirlərinin həyata keçirilməsi məhkəmə qərarlarının icrası mümkün olmur”.

Samir Qasımov – Vəkil: “Hazırda lombard təşkilatlarının lisenziyalaşdırılması gözlənilir. Lisenziya üçün müraciət edən və lisenziya alan lombard təşkilatları daha ciddi prosedurlardan keçəcək ki, nəticədə də bu tip qanunsuz halların sayı azalacaq”.

Xatırladaq ki, ötən ilin sonlarında milli məclisdə lombardlar haqqında qanun layihəsi müzakirəyə çıxarılıb. Yeni formalaşan parlamentin də ilk müzakirə mövzularından birinin məhz bu məsələ olması gözlənilir.

Ölkə.Az

ŞƏRH YAZ
0

“Azəriqaz” koronavirusla mübarizəyə vəsait ayırdı

“Azəriqaz” koronavirusla mübarizəyə vəsait ayırdı
16:10
Bu gün
482
Ölkə
A

Dünyada yayılmış koronavirusun (COVID-19) ölkəmizdə yarada biləcəyi təhlükənin qarşısının alınması məqsədilə Prezident İlham Əliyevin 2020-ci il 19 mart tarixli fərmanı ilə Koronavirusla Mübarizəyə Dəstək Fondu yaradılıb. Bir çox dövlət qurumları, özəl sektorun nümayəndələri, ayrı-ayrı şəxslər bu fonda müəyyən məbləğlərdə maliyyə vəsaitləri köçürürlər.

"Ölkə.Az" xəbər verir ki, “Azəriqaz” İstehsalat Birliyi də bu təşəbbüsə qoşularaq strateji rəhbərlərin bir aylıq vəzifə əmək haqqının 50 faizi miqdarında (ümumilikdə 180 636 manat) vəsaiti Koronavirusla Mübarizəyə Dəstək Fonduna köçürüb.

ŞƏRH YAZ
0

Karantin dövrünü necə keçirmək lazımdır? — Psixoloq danışır...

Karantin dövrünü necə keçirmək lazımdır?
15:57
Bu gün
1435
Ölkə
A
Dünyada, koronavirus infeksiyasının (COVID-19) yayılma hallarının sayı sürətlə artmaqda davam edir. Bu səbəbdən demək olar ki, bütün dünyada karantin rejimi elan olunub. Ölkəmizdə də bu infeksiyanın qarşısını almaq üçün ciddi tədbirlər görülür. Pandemiyaya görə, evlərində özünütəcrid edən insanlar bəzən darıxdıqlarını, psixologiyalarına bunun mənfi təsir etdiklərini deyirlər. Bəs, əslində bu vəziyyətdə necə davranmaq lazımdır?

"Ölkə.Az” bu mövzu ətrafında araşdırma apararaq, mütəxəssis fikrini öyrənmək üçün Psixologiya elmi üzrə fəlsəfə doktoru İsayeva Amaliya xanıma müraciət edib.

Əməkdaşımızla söhbətində həkim bu cür vəziyyətlərdən çıxış yolunun hər insanın öz əlində olduğunu deyib.

“Əslində darıxmaq istəyən insan, hər vəziyyətdə darıxacaq. Onun həyatı adi qaydada olanda da belə davranır. Hazırda həmin insanların zəif nöqtələri aşkara çıxıb, yəni cəmiyyətin zəif bəndləri üzə çıxıb. İkincisi, hər bir intelektual, ağıllı, dərrakəli insan özünə hər zaman məşğuliyyət tapır. Baxın, insanları həbs edəndə, onlara ən ağır cəza olaraq,  tək adamlıq kameraya yerləşdirirlər və insanlarla ünsiyyətdən təcrid edirlər. Şükür Allaha ki, biz bu vəziyyətdə deyilik. İşığımız var, qazımız var, doğmalarımız yanımızdadır. Yəni heç nə dəyişməyib. Bir çoxları mənim kimi evdən işləyirlər. Bir daha təkrarlayıram,  o insanlar vaxtilə psixoloji problemləri olanlardır ki, belə davranırlar. Onlara sadəcə bəhanə lazımdır”, - deyə Amaliya xanım qeyd edib.

Mütəxəssis insanlara vaxt çatışmazlığından  təxirə saldıqları işləri görməyi də tövsiyyə edib.

“Mənim fikrimcə,  insanlar bunu bir fürsət kimi istifadə etsələr daha rahat olar. Neçə illər vaxt çatışmazlığından edə bilmədikləri işləri görsünlər. Məsələn,  mən 20 ildir ki düşbərə bişirmirdim, hər zaman mağazadan alırdım. Bu zamandan istifadə edib düşbərə , cürbəcür kökələr hazırladım. Həmçinin, hamı bu vəziyyəti özləri üçün səmərəli etməyi bacarmalıdır. Ailələri ilə bir yerdə vaxt keçirsinlər, dincəlsinlər, kitab oxusunlar, təxirə saldıqları işləri görməyə çalışsınlar”,- deyə o, bildirib.

“Sonda demək istəyirəm ki, atalar yaxşı deyib “Pis günün ömrü qısa olar”. Vaxt gələcək bu günlər də keçəcək. Çalışaq hər bir pis vəziyyətin yaxşı tərəflərini görməyi bacaraq. Baxın,  bu dövrdə həmrəy olmağı, əlimizdə olanların qədrini bilməyi öyrənirik. İnandırım sizi bu vəziyətin də öz müsbət tərəfləri var. Hazırda bəlkə də insanlar bunu dərk etmir, ancaq zamanla hər bir şey öz yerini tutacaq. Ona görə insanlara tövsiyə edirəm səbirli olsunlar, öz sağlamlıqları üçün evdə qalsınlar”, - deyə A.İsayeva fikrini tamamlayıb.

Vüsalə Balayeva

Ölkə.Az

ŞƏRH YAZ
0
BAĞLA