Cim Kerri məşuqəsinin ölümündə təqsirli bilinməyəcək
Hollivud ulduzu Cim Kerrinin üzərindəki ittiham məhkəmə tərəfindən ləğv edilib.
"Ölkə.Az" xəbər verir ki, aktyor keçmiş məşuqəsi Katriona Uaytın ölümündə təqsirli bilinirdi. Bu barədə xəbəri aktyorun rəsmi nümayəndəsi verib. 25 yanvar tarixində keçirilən məhkəmədə ittiham aktı ləğv edilib.
Katrionanın meyiti 2015-ci ildə Los-Ancelesdəki mənzilində tapılıb. Polis bunun intihar olduğunu bildirmişdi. İntihardan bir müddət əvvəl Kerri qızdan ayrılmışdı.
2016-cı ilin oktyabr ayında mərhumənin anası Bricit Suitman aktyoru qızının ölümünə səbəb olmaqda ittiham edərək məhkəməyə müraciət etmişdi.
Kerri isə bu ittihama qarşı əks ittihamla məhkəməyə müraciət etmişdi.
Hikmət Həsənov
Ölkə.Az
