Çin ABŞ-a xəbərdarlıq etdi: "Suverenliyimizə hörmətlə yanaşın"

Çin ABŞ-a xəbərdarlıq etdi:
12:18
11.08.2017
145
Dünya
A
Çinin xarici işlər naziri Vanq Yi ABŞ-a xəbərdarlıq edib.

"Ölkə.Az" xəbər verir ki, ABŞ ordusunun Cənubi Çin dənizindəki fəaliyyətləri bu xəbərdarlığın edilməsinə səbəb olub.

Çinli diplomat rəsmi Vaşinqtondan Çinin suverenliyinə və təhlükəsizlik maraqlarına hörmətlə yanaşmasını istəyib. Eyni zamanda ABŞ dəniz donanmasının Cənubi Çin dənizindəki fəaliyyətlərinin beynəlxalq hüquq və Çinin suverenliyinə ziyan vurduğunu qeyd edib.

Filippin rəsmisi ABŞ-a məxsus hərbi gəminin Çinin süni bir adasının yaxınlığında üzdüyünü bildirmişdi. Hadisə vaxtı yaxınlıqda Çinə məxsus da gəmilər olub.

Hikmət Həsənov
Ölkə.Az

ŞƏRH YAZ
0

Fransadan yumurta ilə bağlı tarixi qərar

Fransadan yumurta ilə bağlı tarixi qərar
22:53
19.02.2018
1034
Dünya
A
Fransada 2022-ci ildən etibarən yalnız açıq havada bəslənən toyuqların yumurtasından istifadə ediləcək.

“Ölkə.Az” xəbər verir ki, bu barədə Fransa kənd təsərrüfatı naziri Stefan Travert açıqlamasında deyib.

Nazirin sözlərinə görə, Fransada 2022-ci ildən başlayaraq qapalı yerlərdə saxlanılan toyuqların yumurtalarının satışı qadağan ediləcək. Həmin ildən etibarən toyuqların açıq havada saxlanılması da məcburi olacaq.

Yerli mətbuatda yayımlanan xəbərlərdə bu qərarın tərkibində yumurta olan məmulatlara aid edilmədiyi bildirilib. Ona görə də, qapalı yerlərdə saxlanılan toyuqların yumurtalarından ancaq yumurta tərkibli məhsulların hazırlanmasında istifadə ediləcək.

Qeyd edək ki, Fransada yumurtaların 68 %-i qapalı yerlərdə saxlanılan toyuqlardan əldə edilir.

Ölkə.Az

ŞƏRH YAZ
0

İranda qəzaya düşən təyyarənin axtarışına dronlar cəlb olundu

İranda qəzaya düşən təyyarənin axtarışına dronlar cəlb olundu
22:37
19.02.2018
718
Dünya
A
Bazar günü İranda qəzaya uğrayan ATR-72 sərnişin təyyarəsinin gövdəsinə aid hissələrin tapılması barədə ilkin məlumat təsdiqini tapmayıb.

"Ölkə.Az" İran mətbuatına istinadən xəbər verir ki, bu səbəbdən təyyarənin axtarışları davam etdirilir. Aşağı temperatur və pis hava şəraiti axtarış işlərini çətinləşdirir. Xilasedicilərə ərazinin mürəkkəb landşaftına bələd olan yerli əhali arasından könüllülər də kömək edirlər. Axtarış əməliyyatlarında dron və helikopterlərdən istifadə olunur. Həmçinin rəsmi Tehranın bir sıra xarici dövlətlərə peyk çəkilişlərinin təqdim olunması barədə müraciət etdiyi bildirilir.

Xatırladaq ki, Tehran-Yasuc reysi ilə uçan təyyarədə ümumilikdə 66 nəfər olub. Təyyarə Dena dağları üzərində olarkən – təyinat məntəqəsinə cəmi 25kilometr qalmış radarlardan itib.

İnsanların cəsədləri tapılmadığından onların qohumları ümidlərini üzməyib. Lakin ekspertlərin fikrincə, qəzadan sağ qurtarmaq şansı yoxdur.

Ölkə.Az

ŞƏRH YAZ
0
BAĞLA