Çin Mərkəzi Bankı borclanma xərclərini qaldırıb

Çin Mərkəzi Bankı borclanma xərclərini qaldırıb
17:03
22.03.2018
812
İqtisadiyyat
A
Çin Mərkəzi Bankı (PBOC) ABŞ-ın Federal Ehtiyatlar Sisteminin (FED) faiz artımından sonra 7 günlük əks-REPO faizini 2,50 %-dən 2,55%-ə qaldırıb.

“Ölkə.Az” xarici mətbuata istinadən xəbər verir ki, Mərkəzi Bank bununla bağlı açıqlama yayıb. 

Bildirilib ki, bu addım bazar gözləntilərinə uyğundur və FED-in faiz artımına verilən normal reaksiyadır.

Qeyd edək ki, FED martın 21-də uçot dərəcəsini 1,5- 1,75%-dək artırıb.

Dünya mətbuatının yazdığına görə, FED-in faiz artımı qərarından sonra dolların kursu sabit qalıb, qiymətli metallar isə bahalaşıb. 

ŞƏRH YAZ
0

Layihə meneceri: TAP təbii qaz qiymətlərinə müsbət təsir göstərə bilər

Layihə meneceri: TAP təbii qaz qiymətlərinə müsbət təsir göstərə bilər
21:10
Bu gün
115
İqtisadiyyat
A
Transadriatik qaz kəməri (TAP) təbii qaz qiymətlərinə müsbət təsir göstərə bilər.

"Ölkə.Az" trend-ə istinadən bildirir ki, bunu TAP-ın Albaniyadakı meneceri Mikele Elia deyib.

O bildirib ki, 4,5 milyard avro ümumi dəyəri olan TAP dünyanın ən vacib infrastruktur layihələrindən biridir.

M.Eilanın sözlərinə görə, TAP layihəsinin 80 faizdən çoxu reallaşdırılıb və bu layihə keçdiyi ölkələrdə yeni iş yerlərinin yaradılmasını və investisiyaların cəlb olunmasını təmin edib.

O əlavə edib ki, dövlət maliyyələşməsi tələb edən və ətraf mühitə təsir göstərən digər iri infrastruktur layihələrindən fərqli olaraq TAP yalnız özəl kapitalla maliyyələşir və demək olar ki, gözə görünmür:

“TAP həmçinin qiymətlərə də müsbət təsir göstərə bilər. Bu, iqtisadiyyatın sadə qanunudur: əgər bazarda bir satıcı varsa, qiymətləri o təyin edir. Amma bazarda digər satıcı peyda olsa və rəqabətqabiliyyətli qiymət təklif etsə, bu istehlakçı üçün yaxşıdır”.

Ölkə.Az

ŞƏRH YAZ
0

Pambıq üzrə yeni statistika açıqlandı

Pambıq üzrə yeni statistika açıqlandı
20:00
Bu gün
398
İqtisadiyyat
A
Dekabrın 11-dək ölkə üzrə pambıq qəbulu məntəqələri keçən ilin eyni dövrü ilə müqayisədə 11,5 faiz çox pambıq qəbul edib.

"Ölkə.Az" xəbər verir ki, Dövlət Statistika Komitəsindən verilən məlumata görə, pambıq qəbulu məntəqələrinə 222 min 748 ton məhsul təhvil verilib.

Bu isə ötən ilin müvafiq dövrü ilə müqayisədə 22,9 min ton çoxdur.

Qeyd edək ki, bu il Azərbaycanda 22 rayonda 132 min 512 hektarda pambıq əkini aparılıb. Ölkə üzrə ən çox pambıq Saatlı (15 min 815 hektar), İmişli (13 min 645 hektar), Sabirabad (13 min 55 hektar), Biləsuvar (12 min hektar), Ağcabədi (10 min hektar), Bərdə (9 min 630 hektar) və Beyləqan (9 min 560 hektar) rayonlarında əkilib. Pambıq əkinlərinin 2/3 hissəsi bu rayonların payına düşür.

Prezident İlham Əliyevin 2017-ci il 13 iyul tarixli sərəncamı ilə təsdiqlənmiş “Azərbaycan Respublikasında pambıqçılığın inkişafına dair 2017-2022-ci illər üçün Dövlət Proqramı”nda xam pambıq istehsalının 500 min tona çatdırılması nəzərdə tutulur.

Dövlət tərəfindən pambıqçılığa göstərilən dəstək məhsul istehsalının artırılmasında mühüm rol oynayır. Belə ki, dövlət tərəfindən pambığın hər kiloqramına 10 qəpik subsidiya verilməsi, güzəştli şərtlərlə texnika və yanacaqla təminat, alış qiymətinin hər tona görə 50 manat artırılması istehsalı stimullaşdıran tədbirlərdəndir.

Ölkə.Az

ŞƏRH YAZ
0
BAĞLA