Çin Şimali İraqdakı referenduma reaksiya göstərdi

Çin Şimali İraqdakı referenduma reaksiya göstərdi
15:25
25.09.2017
229
Dünya
A
Çin hökuməti Şimali İraq Kürd Muxtariyyatının müstəqillik referendumu ilə bağlı açıqlama verib.

"Ölkə.Az" xəbər verir ki, açıqlamada Çin hökumətinin İraqın ərazi bütövlüyünü dəstəklədiyi qeyd edilib.

Şimali İraq Kürd Muxtariyyatının prezidenti Məsud Bərzani müzakirələrə rəğmən referenduma davam edir. Beynəlxalq ictimaiyyət isə referenduma reaksiya göstərir. Çinin xarici işlər naziri Lu Kanq açıqlamasında deyib: "Çin hökuməti İraqın suverenliyini, birliyini və ərazi bütövlüyünü dəstəkləyir".

XİN rəhbəri qeyd edib ki, tərəflər dialoq vasitəsilə problemi həll edə bilərlər. İraqdakı bölgəsəl sabitliyi qorumaq üçün tarixi və reallığı nəzərə alaraq həll yolu tapılmalıdır.

Hikmət Həsənov
Ölkə.Az

ŞƏRH YAZ
0

Bu gün Türkiyədə prezident və parlament seçkiləri keçirilir

Bu gün Türkiyədə prezident və parlament seçkiləri keçirilir
09:00
Bu gün
360
Dünya
A
Bu gün Türkiyədə növbədənkənar prezident və parlament seçkiləri keçiriləcək.

"Ölkə.Az" xəbər verir ki, prezident seçkilərində ölkənin hazırkı dövlət başçısı Rəcəb Tayyib Ərdoğan, Cümhuriyyət Xalq Partiyasının namizədi Məhərrəm İncə, Vətən Partiyasından Doğu Perincək, Səadət Partiyasından namizəd Təməl Karamollaoğlu və digər siyasi partiyaların nümayəndələri seçkilərdə qalib gəlmək uğrunda mübarizə aparacaqlar.

Ərdoğanın namizədliyini sədri olduğu hakim Ədalət və İnkişaf Partiyası (AKP), Milliyətçi Hərəkat Partiyası (MHP), Böyük Birlik Partiyası (BBP) və Hüda-Par dəstəkləyir. 

MHP, CHP, İyi Partiya, Səadət Partiyası, BBP, hakim Ədalət və İnkişaf Partiyası, Xalqların Demokratik Partiyası, Demokratik Partiya və digər siyasi partiyalar parlament seçkilərində mübarizə aparacaqlar.

AKP və MHP parlament seçkilərinə birgə blokda – “Cümhur ittifaqın”da qatılacaq. BBP namizədləri isə “Cümhur ittifaqın”da AKP namizədləri qismində yer alıb. CHP, İyi Partiya, Səadət Partiyası və Demokratik Partiya isə parlament seçkilərinə “Millət ittifaqı”nda qatılır.

Seçkilərdə 56 milyon 322 min 632 seçici qeydiyyata alınıb. Seçki məntəqələrində 180065 seçki qutusu qoyulub.

Türkiyənin xaricində yaşayan ölkə vətəndaşları iyunun 7-dən 19-dək keçirilən səsvermələrdə səs veriblər. Ölkənin sərhədlərindən xaricdə qeydiyyata alınan seçicilər həmçinin bu gün Türkiyə sərhədindən kənardakı nəzarət buraxılış məntəqələrində saat 17-dək səs verə bilərlər. Seçkiləri xarici müşahidəçilər, KİV nümayəndələri də izləyəcək. 

Seçki məntəqələri yerli vaxtla saat 8:00-da açılacaq və 17:00-dək fəaliyyət göstərəcək. Səsvermələr başa çatdıqdan sonra namizədlərin topladıqları səslərin hesablanmasına başlanılacaq.

Ölkə.Az

ŞƏRH YAZ
0

Trampın işçisini restorandan qovdular

Trampın işçisini restorandan qovdular
00:45
Bu gün
527
Dünya
A
ABŞ restoranlarından birində prezident Donald Trampın mətbuat xidmətinin rəhbəri Sara Sandersə xidmət etməkdən imtina ediblər.

"Ölkə.Az" xarici KİV-ə istinadən xəbər verir ki, insident Vircinya ştatının Leksinqton şəhərindəki Red Hen restoranında baş verib. Belə ki, restoranda Sara Sandersin əyləşdiyi masaya 2 dəqiqə müddətində xidmət edilib. Daha sonra sahibkar onun və ailəsinin restoranı tərk etməsini istəyib.

Sara Sanders tvitter hesabında baş verənləri təsdiqləyib və sahibkarın qadın olduğunu vurğulayıb.

Ölkə.Az

ŞƏRH YAZ
0
BAĞLA