Cinayət yolu ilə əldə edilmiş valyuta sərvətlərinin aşkarlanmasına nəzarət gücləndirilir

Cinayət yolu ilə əldə edilmiş valyuta sərvətlərinin aşkarlanmasına nəzarət gücləndirilir
09:33
12.10.2017
370
Ölkə
A
Dövlət Gömrük Komitəsinin valyuta sərvətlərinin Azərbaycana gətirilməsi və ya Azərbaycandan çıxarılması zamanı, cinayət yolu ilə əldə edilmiş pul vəsaitlərinin və ya digər əmlakın leqallaşdırılmasının və terrorçuluğun maliyyələşdirilməsinin qarşısının alınması sahəsində vəzifələri artırılıb.

"Ölkə.Az"ın APA-ya istinadən məlumatına görə, Nazirlər Kabineti bununla bağlı “Azərbaycan Respublikasının Maliyyə Bazarlarına Nəzarət Palatasına Azərbaycan Respublikasına gətirilən və ya Azərbaycan Respublikasından çıxarılan valyuta sərvətlərinə dair təqdim edilən məlumatların tərtib olunma forması”na dəyişiklik edib.

İndiyə qədər Dövlət Gömrük Komitəsi “Cinayət yolu ilə əldə edilmiş pul vəsaitlərinin və ya digər əmlakın leqallaşdırılmasına və terrorçuluğun maliyyələşdirilməsinə qarşı mübarizə haqqında” qanununda göstərilən şəxslər tərəfindən valyuta sərvətlərinin Azərbaycana gətirilməsi və ya Azərbaycandan çıxarılması və ilkin çıxış məntəqəsi “Cinayət yolu ilə əldə edilmiş pul vəsaitlərinin və ya digər əmlakın leqallaşdırılmasına və terrorçuluğun maliyyələşdirilməsinə qarşı mübarizə haqqında” qanunda göstərilən dövlət (ərazi) olan valyuta sərvətlərinin hər hansı şəxs tərəfindən Azərbaycana gətirilməsi və ya Azərbaycandan çıxarılması barədə məlumatları dərhal Maliyyə Bazarlarına Nəzarət Palatasına təqdim etməli idi. “Cinayət yolu ilə əldə edilmiş pul vəsaitlərinin və ya digər əmlakın leqallaşdırılmasına və terrorçuluğun maliyyələşdirilməsinə qarşı mübarizə haqqında” qanuna əsasən cinayət yolu ilə əldə edilmiş pul vəsaitlərinin və ya digər əmlakın leqallaşdırılmasında, terrorçuluğun maliyyələşdirilməsində, transmilli mütəşəkkil cinayətkarlığı, habelə silahlı separatizmi, ekstremizmi və muzdluluğu dəstəkləməsində, narkotik vasitələrin və ya psixotrop maddələrin qanunsuz dövriyyəsində iştirakı ehtimal olunan, maliyyə əməliyyatlarının aparılması zamanı eyniləşdirmə məlumatlarının açıqlanması tələb olunmayan dövlətlərin siyahısı müvafiq icra hakimiyyəti orqanı tərəfindən müəyyən edilmiş qaydada maliyyə monitorinqi orqanı tərəfindən müəyyənləşdirilir və dərc olunur. Eyni zamanda həmin dövlətlərin (ərazilərin) vətəndaşları ilə, qeydiyyat, yaşayış və ya əsas fəaliyyət yeri həmin dövlətdə (ərazidə) olan şəxslərlə, eləcə də göstərilən dövlətlərdə (ərazilərdə) qeydiyyatdan keçmiş bankda hesaba malik olan şəxslərlə əlaqədar pul vəsaitləri və ya digər əmlakla hər hansı əməliyyatlar barədə məlumatlar maliyyə monitorinqi orqanına təqdim olunmalıdır.

Dəyişikliyə əsasən bundan sonra Dövlət Gömrük Komitəsi valyuta sərvətlərinin Azərbaycana gətirilməsi və ya Azərbaycandan çıxarılması zamanı, cinayət yolu ilə əldə edilmiş pul vəsaitlərinin və ya digər əmlakın leqallaşdırılmasının və terrorçuluğun maliyyələşdirilməsinin izlərini aşkar etdikdə, cinayətin izlərinin qorunması və götürülməsi üçün tədbirlər görməli, əldə olunmuş sənədləri aidiyyəti üzrə cinayət təqibini həyata keçirən orqana göndərməli, habelə bu barədə məlumatı Maliyyə Bazarlarına Nəzarət Palatasına təqdim etməlidir.

ŞƏRH YAZ
0

Taxıl sahəsini qəsdən yandıran şəxs tutuldu

Taxıl sahəsini qəsdən yandıran şəxs tutuldu
19:17
Bu gün
941
Ölkə
A
Bu gün saat 4.30 radələrində Göyçay rayonunun İncə kəndi ərazisində taxılı biçilmiş 20 hektar sahə yandırılıb.

DİN-in Mətbuat xidmətindən “Ölkə.Az”a bildirilib ki, dərhal hadisə yerinə gəlmiş FHN-in Dövlət Yanğından Mühafizə Hissəsinin və Rayon Polis Şöbəsinin əməkdaşları tərəfindən təhlükəsizlik tədbirləri görülmüş, yanğın söndürülərək daha geniş əraziləri əhatə etməsinin qarşısı alınıb.

Rayon Polis Şöbəsi əməkdaşlarının keçirdikləri təxirəsalınmaz əməliyyat-axtarış tədbirləri nəticəsində yanğını törətməkdə şübhəli bilinən kənd sakini Gündüz Hacıyev qısa müddətdə müəyyən edilərək saxlanılıb.

Araşdırmalar zamanı G.Hacıyevin həmin ərazini qəsdən yandırdığı müəyyən edilib və o, törətdiyi əməli etiraf edib.

Faktla bağlı Cinayət Məcəlləsinin 225.2-ci (Yanğın təhlükəsizliyi qaydalarını pozma) maddəsi ilə cinayət işi başlanılıb, istintaq aparılır.

ŞƏRH YAZ
0

İmişli xəstəxanasında YENİ TƏYİNAT

İmişli xəstəxanasında YENİ TƏYİNAT
18:45
Bu gün
762
Ölkə
A
İmişli Rayon Mərkəzi Xəstəxanasının baş həkimi işdən azad edilib.

"Ölkə.Az"ın Report-a istinadən verdiyi məlumatına görə, xəstəxananın baş həkimi Paşayev Cəsur Əşrəf oğlu müvafiq əmrlə işdən çıxarılıb. Digər müvafiq əmrlə bu vəzifəyə Qasımov Eynulla təyin olunub.

C.Paşayev bu vəzifəyə 2012-ci ildə təyinat alıb.

Qeyd edək ki, E.Qasımov İmişli rayonunda anadan olub. Bu vəzifəyə qədər rayon xəstəxanasında cərrah kimi çalışıb. Tibb elmləri namizədidir.

ŞƏRH YAZ
0
BAĞLA