Çində 80 milyon illik dinozavr yumurtası tapıldı

Çində 80 milyon illik dinozavr yumurtası tapıldı
15:27
10.10.2018
1311
Dünya
A
Çinin qərbindəki Cıcianq vilayətində 80 milyon illik dinozavr yumurtası qalıqları aşkar edilib.

 “Ölkə.Az” xəbər verir ki, arxeoloji qazıntılar Quanyintanq kəndində aparılıb və 15 dinozavr yumurtası kəşf edilib.

Yumurtaların bəziləri bir yerdə, bəziləri isə tək-tək olub. Qalıqları incələmək üçün yumurtalar Yivu Şəhər Muzeyinə aparılıb. Araşdırmaçılar bildiriblər ki, yumurtalar 80 milyon il əvvələ aiddir.

Alimlər bildiriblər ki, yeni kəşf gələcəkdə elmi işlərə də müsbət təsir edəcək. Belə bir kəşf nadir hallarda olur. Ötən illər də qazıntı aparılan kənddə dinozavr izlərinə rast gəlinmişdi.

Qeyd edək ki, ötən ay Çinin şimalındakı Hıbey vilayətində 130 milyon il əvvələ aid dinozavr qalıqları kəşf edilib.

Hikmət Həsənov
Ölkə.Az

ŞƏRH YAZ
0

Fərid Şahbazlının müsahibəsi Qazaxıstan və Ukrayna mətbuatında

Fərid Şahbazlının müsahibəsi Qazaxıstan və Ukrayna mətbuatında
01:14
Bu gün
1468
Dünya
A
Ukraynanın nüfuzlu "KievVlast” İnformasiya Agentliyi (www.kievvlast.com.ua) və Qazaxıstanın tanınmış "Kazak News” İnformasiya Portalı(www.kazaknews.kz) Bakı şəhərinin "EKSPO 2025” Ümumdünya sərgisinə ev sahibliyi üçün namizədliyindən yazıb.

"Ölkə.Az"ın xəbərinə görə, Ukrayna və Qazaxıstan mediasına açıqlamasında "İslahatçı Gənclər” İctimai Birliyinin sədri Fərid Şahbazlı bildirib ki, "EKSPO 2025”i ən yüksək səviyyədə qəbul etmək üçün Azərbaycanın bütün imkanları var.

F.Şahbazlı açıqlamasında qeyd edib ki, bu gün Azərbaycan dünyada həm də müxtəlif sahələrə aid mötəbər beynəlxalq tədbirlərin, idman yarışlarının yüksək səviyyədə keçirildiyi ölkə kimi tanınır: "Ölkəmizin indiyədək iştirak etdiyi bütün beynəlxalq sərgilərdəki pavilyonları və stendləri həm təşkilatçılar, həm də iştirakçılar tərəfindən yüksək qiymətləndirilib. Azərbaycanın paytaxtı Bakı şəhərinin Beynəlxalq Sərgilər Bürosunun 2025-ci ildə keçiriləcək Ümumdünya Sərgisinə namizədliyi irəli sürülüb. Azərbaycanın tarixi, mədəniyyəti və qonaqpərvərliyi, Avropa ilə Asiyanın kəsişməsində yerləşən, asanlıqla çıxış əldə oluna bilən coğrafi mövqeyi, mədəniyyətlərarası və dinlərarası dialoq mərkəzlərindən biri hesab olunması Bakının bu mötəbər tədbirə ev sahibliyi etməsinə imkan verir”.

F.Şahbazlı həmçinin qeyd edib ki, "Azərbaycan 2000-ci ildən etibarən "EKSPO” hərəkatının fəal üzvüdür:

"Ölkəmizin pavilyonları son üç sərgidə – 2015-ci ildə pavilyonumuzu üç milyondan çox insanın ziyarət etdiyi Milanda, 2016-cı ildə Antalyada və 2017-ci ildə Astanada mükafatlar qazanıb. "Azərbaycan Qlobal Humanitar Forum, Birinci Avropa Oyunları, IV İslam Həmrəyliyi Oyunları, Dünya Şahmat Olimpiadası, 2016-cı ildən bəri keçirilən Formula-1 Bakı Qran-Prisi, Ümumdünya Mədəniyyətlərarası Dialoq Forumu, "Bakı Prosesi”, Dünya Dini Liderlərinin Sammiti kimi genişmiqyaslı beynəlxalq tədbirlərin keçirilməsində zəngin təcrübə qazanıb. Eyni zamanda, Azərbaycan siyasi və iqtisadi sabitliyə, maliyyə imkanlarına, yüksək səviyyəli təhlükəsizliyə malik gənc müstəqil ölkədir. Bütün bu səbəblər "EKSPO 2025”in Azərbaycanda yüksək səviyyədə keçirilə biləcəyinə tam zəmanət verir”.

Ölkə.Az

ŞƏRH YAZ
0

Türkiyədə Heydər Əliyev adına tələbə yataqxanası istifadəyə verildi

Türkiyədə Heydər Əliyev adına tələbə yataqxanası istifadəyə verildi
00:59
Bu gün
1043
Dünya
A
Oktyabrın 20-də Türkiyənin Kayseri şəhərində Heydər Əliyev Fondu və Abdullah Gül Vəqfinin birgə təşkilatçılığı ilə Abdullah Gül Universitetinə məxsus təhsil kompleksində Heydər Əliyev adına tələbə yataqxanasının açılışı olub.

"Ölkə.Az" AzərTac-a istinadən xəbər verir ki, Azərbaycan Respublikası Prezidentinin ictimai-siyasi məsələlər üzrə köməkçisi–şöbə müdiri Əli Həsənov, Türkiyənin 11-ci Prezidenti Abdullah Gül, Kayseri vilayətinin rəhbəri Süleyman Kamçı, Azərbaycan, Türkiyə və Rusiya deputatları, Abdullah Gül Universitetinin professor-müəllim heyəti və tələbələri, QHT və KİV təmsilçiləri tədbirdə iştirak ediblər.

Əvvəlcə ulu öndərlər Heydər Əliyevin və Mustafa Kamal Atatürkün xatirələri bir dəqiqəlik sükutla yad olunub.

Sonra Azərbaycanın və Türkiyənin dövlət himnləri səsləndirilib.

Abdullah Gül Vəqfinin sədri Mustafa Çıkrıkçıoğlu rəhbərlik etdiyi qurumun məqsədlərindən danışıb. O, ümummilli lider Heydər Əliyevin xidmətlərindən bəhs edərək universitetin tələbə yataqxanasına Ulu Öndərin adının verildiyini söyləyib. Bildirib ki, məqsəd onun adının əbədiləşdirilməsidir.

Milli Məclisin deputatı Şəmsəddin Hacıyev ümummilli lider Heydər Əliyevin Azərbaycan xalqı qarşısındakı xilaskarlıq missiyasından, türk dünyasının inkişafı üçün göstərdiyi səylərdən, o cümlədən Azərbaycan-Türkiyə münasibətlərinin inkişafı naminə xidmətlərindən bəhs edib. Bildirib ki, belə bir möhtəşəm universitetin tələbə yataqxanasına Heydər Əliyevin adının verilməsi Ulu Öndərin şəxsiyyətinə göstərilən ehtiramdır.

Rusiya Federasiyası Dövlət Dumasının deputatı Dmitri Savelyev və Dumanın məsul əməkdaşı Ramin Qasımov Heydər Əliyev şəxsiyyəti barədə fikirlərini bildiriblər. Dmitri Savelyev diqqətə çatdırıb ki, keçmiş SSRİ rəhbərliyində hər zaman prinsipiallığı, qətiyyəti, işgüzarlığı ilə seçilən Heydər Əliyev nəhəng siyasi xadim kimi tarixdə ad qazanıb.

Azərbaycan Prezidentinin köməkçisi Əli Həsənov çıxış edərək deyib ki, bu gün Kayseridə keçirilən mühüm tədbirlər Türkiyə ilə qardaşlıq münasibətlərimizin göstəricisidir. Ulu öndər Heydər Əliyevin Türkiyə dövlətinin banisi Mustafa Kamal Atatürkün “Azərbaycanın sevinci sevincimiz, kədəri kədərimizdir” ifadəsindən qaynaqlanaraq “Bir millət, iki dövlət” fikri ilə Azərbaycan və Türkiyə üçün tarixi əhəmiyyət daşıyan inkişaf strategiyasının təməlini qoyduğunu diqqətə çatdıran Əli Həsənov vurğulayıb ki, Bakı-Tbilisi-Ceyhan neft kəməri və yenicə istifadəyə verilən “Star” neft emalı zavodu bu təməlin mühüm nəticələrindəndir. Əli Həsənov əminliklə bildirib ki, bu yataqxanada yaşayan tələbələr ulu öndərlər Heydər Əliyevin və Mustafa Kamal Atatürkün öz vətənləri və xalqları naminə yaşadıqları fədakar həyatı özlərinə örnək götürəcəklər.

Türkiyənin 11-ci Prezidenti Abdullah Gül çıxışında deyib ki, Heydər Əliyev həyatının bütün dövrlərində yorulmaz fəaliyyət göstərib. Ulu Öndərin müəyyən etdiyi inkişaf strategiyasının Prezident İlham Əliyev tərəfindən uğurla davam etdirildiyini diqqətə çatdıran Abdullah Gül qeyd edib ki, Azərbaycana hər səfərində böyük inkişafın şahidi olur. O, Azərbaycan Prezidenti İlham Əliyevin və Türkiyə Prezidenti Rəcəb Tayyib Ərdoğanın iştirakı ilə İzmir şəhərində “Star” neft emalı zavodunun istifadəyə verilməsini iki qardaş ölkənin tarixi uğuru adlandırıb.

Tədbirdə digər çıxış edənlər ümummilli lider Heydər Əliyevin qurub-yaratmaq eşqindən, həyata keçirdiyi böyük layihələrdən, onun prinsipiallığından danışıblar. Diqqətə çatdırılıb ki, Heydər Əliyev şəxsiyyəti tarixin bütün dövrlərində ehtiramla yad olunacaq, onun şəxsiyyətinə hər zaman ehtiram göstəriləcək.

Mərasim keçirilən salonda ümummilli lider Heydər Əliyevin mənalı həyatını və çoxşaxəli siyasi fəaliyyətini əks etdirən kitablar və fotolar sərgilənirdi.

Heydər Əliyev adına tələbə yataqxanası 9 min kvadratmetr ərazini əhatə edir. Üç blokdan ibarət yataqxanada 375 tələbə yaşayacaq. Bu müasir yataqxanada tələbələrin rahat yaşayışı üçün hər cür şərait yaradılıb.

Ölkə.Az

ŞƏRH YAZ
0
BAĞLA