Çində İvanka Trampın adına Fan-klub yaradılıb
ABŞ prezidenti Donald Trampın qızı İvanka Trampın Çində Fan-klubu yaradılıb.
"Ölkə.Az" xəbər verir ki, bu barədə NBC News telekanalı məlumat verib. Verilən məlumata görə, “Mələk İvanka” adlı səhifənin qısa vaxtda minlərlə izləyicisi yaranıb.
Belə ki, İvankanın adına açılmış səhifənin bir neçə gün ərzində 12,7 mindən sonx izləyicisi var. Hamı da, prezident qızının gözəlliyini və nümunəvi xarakterə malik olmasını yazıb.
“Çində İvankanı çox sevirlər. İvankanı ən çox dostcanlı və gülərüz olduğuna görə sevirlər. Bir də, İvanka həmişə Çinə və çinlilərə xoş münasibətdə olduğu üçün ona rəğbət bəsləyirlər”, - deyə kanal məlumat verib.
Ziya Səccad
Ölkə.Az
