Çində otel yanğınında ölənlərin sayı artıb

Çində otel yanğınında ölənlərin sayı artıb.

Hadisə yerini incələyərkən daha 7 nəfərin meyiti tapılıb. Beləcə oteldə baş verən yanğında həlak olanların sayı 10 nəfərə çatıb.

Verilən ilkin məlumata görə yanğına səbəb texniki təhlükəsizlik qaydalarının pozulması olub. Yanğının dəqiq səbəbləri araşdırılır.

Qeyd edək ki, oteldən 260 nəfər təxliyə edilib.

***

 "Ölkə.Az" xəbər verir ki, Çzyansi əyalətində bir oteldə yanğın baş verib. Yanğın nəticəsində 3 nəfər həlak olub, 14 nəfər isə yaralanıb. Bu barədə yerli yanğından mühafizə idarəsindən məlumat daxil olub.

Hadisə Nançan şəhərində baş verib. Əvvəlcə təmir işləri zamanı otelin ikinci mərtəbəsində yanğın baş verdiyi xəbəri yayılmışdı. Qeyd edilirdi ki, oteldə yanğın səbəbindən çölə çıxa bilməyən insanlar var.

Yanğından mühafizə idarəsindən verilən xəbərə görə yanğının ram edilməsi və oteldə qalan şəxslərin xilas edilməsi üçün 160 nəfər iştirak edib. Yanğın söndürülüb.

Hazırda yanğının baş vermə səbəbləri araşdırılır.

Hikmət
Ölkə.Az