Çində şagirdlərə beyin dalğalarını ölçən cihaz taxıldı

Çində şagirdlərə beyin dalğalarını ölçən cihaz taxıldı
23:18
07.11.2019
862
Dünya
A
Çində diqqət aralıqlarını təyin etmək üçün şagirdlərin başlarına beyin dalğalarını ölçən cihazlar yerləşdirən bir ibtidai məktəb, valideynlərin şikayəti ilə tətbiqdən imtina etdi.

"Ölkə.Az" bildirir ki, Yinhua şəhərindəki Şiaoşun ibtidai məktəbində oxuyan şagirdlərin ailələri, bu cihazlarla uşaqlarının beyinlərinin idarə altına alına biləcəyini söyləyərək şikayət ediblər.

Janq soyadlı bir müəllim isə, sınaq məqsədli tətbiqin bir ildir davam etdiyini, cihazların ola biləcək əks təsirləriylə əlaqədar olaraq uşaqlardan heç bir şikayət almadıqlarını söylədi.

Bu müəllim, uşaqların məlumatlarının sınaqdan məsul olan şirkətə təslim edildiyini və hamısının ailələrlə paylaşılmadığını ifadə edərək dedi: "Etdiyimiz tək şey, diqqət müddətlərini ölçərək uşaqlara köməkçi olmaqdır. Çünki bu məlumatlar müəllimlərinə göndərilir, uşaqlar da daha çox diqqət cəmləyə bilir. Tətbiqin həqiqətən faydasını gördük".

Başa taxılan "U" şəklindəki cihazın ABŞ-ın BrainCo şirkəti və çinli ortağı Jecianq BrainCo tərəfindən yaradılıb.

Çinli şirkətin sahibi Konq Şiaoşianın Harvard Universitetində doktorluq müdafiə etdiyi və ibtidai məktəbi bu məktəbdə oxuduğu deyilir.

Jecianq BrainCo şirkətindən soyadı yenə Janq olan bir səlahiyyətli, cihazların həftədə iki dəfə yarım saat üçün taxıldığını söylədi.

Ölkə.Az

ŞƏRH YAZ
0

Hindistanlılar iki başlı mutant kobraya ibadət edirlər — FOTO

Hindistanlılar  iki başlı mutant kobraya ibadət edirlər
06:50
Bu gün
130
Dünya
A
Hindistanda ikibaşlı doğulan mutant kobra ilanı aşkarlanıb.

“Ölkə.Az” xəbər verir ki, bu sürünənin nadir bir nümunəsidir və o ölümcül zəhərlidir.  

Lakin Hindistanda Ekaruki kəndinin sakinləri bu iki başlı sürünəni mütəxəssislərə təslim etməkdən boyun qaçırıblar.

Çünki yerli sakinlər iki başlı ilanın sehrli gücə malik olduğuna inanırlar. İnəyə, meymuna sitayiş edib, ibadət edən kənd sakinləri bu dəfə də ibadətlərini ikibaşlı liana ediblər.

Monokl kobrası adlanan bu sürünənin vətəni Hindistanın qərbidir. Bundan başqa Çin, Vyetnam, Kamboca, Banqladeş, Butan, Myanma, Laos və Nepal da bu ilanların məskənidir.  Monokl kobrasının bir sancması 20 nəfəri və ya bir fili öldürmək üçün kifayətdir.

Ölkə.Az

ŞƏRH YAZ
0

Nəhəng velosiped qəbiristanlığı — FOTO

Nəhəng velosiped qəbiristanlığı
03:52
Bu gün
248
Dünya
A
Çindən olan fotoqraf Vu Qoyun bu ölkənin şəhərlərindəki velosipedlərə həsr olunmuş "Yerlər yoxdur" əsərlər seriyası ilə məşhurlaşıb.

"Ölkə.Az" lent.az-a istinadən xəbər verir ki, o, açıq havada qaldığından yavaş-yavaş paslanan velosiped qəbiristanlıqlarının da şəkillərini çəkib.

Çini hələ 50-60 il əvvəl “velosiped krallığı” adlandırıblar. O zamanlar velosipedlər şəhərlilərin həyatının vacib hissəsindən biri olmuşdu: onu toyda və ad günlərində hədiyyə kimi verərdilər.

Təxminən 90-cı illərin ortalarına qədər belə davam edib. O zaman ölkə hökuməti avtomobil sənayesini stimullaşdırmağa başlayıb. Küçələrdə velosipedlərin əvəzinə çoxsaylı avtomobillər peyda olub, Çinin yolları dünyada ən yüklənmiş yollardan birinə çevrilib.

Bu ölkədə velosipedlər 2008-ci il Olimpiadasından əvvəl Pekində xatırlanıb. Hakimiyyət nəhəng kirayə velosiped şəbəkəsi yaradıb. Tədricən digər şəhərlərdə də velosipedlər ortaya çıxıb.

Sənayeyə milyardlarla dollar cəlb edilib və 2015-ci ilə qədər nəhəng həddə çatıb. Bir neçə ildən sonra hakimiyyət yenidən velosipedlərə məhdudiyyət qoyub. Tələbat olmayan nəqliyyat vasitəsi kimi velosipedlər qəbiristanlıqlarda saxlanılmağa başlayıb.

Vu Qoyun 2018-ci ildə belə yerlərin fotolarını çəkməyə başlayıb. O, velosiped icarəçisi kimi tanınan demək olar bütün iri şəhərlərə gedib, foto və videolar çəkib, bunun nəticəsində bütün dünyada tanınıb.

İctimaiyyətin etirazı səbəbindən hakimiyyət velosiped icarəsinə olan münasibətini yaxşı tərəfə dəyişib. Zədələnən velosipedlərin emalı təşkil edilib, istifadəyə yararsızların sayı azalıb. 2018-ci illərin sonunda fotoda görünən belə velosiped qəbiristanlıqlarının çoxu yoxa çıxmağa başlayıb.

Ölkə.Az

ŞƏRH YAZ
0
BAĞLA