Çində torpaq sürüşməsi zamanı ölənlərin sayı 15 nəfərə çatıb
"Ölkə.Az" xəbər verir ki, bu barədə Sıçuan vilayətinin mətbuat xidməti məlumat yayıb. Verilən məlumatlara görə, təbii fəlakət zamanı 120 nəfərdən çox insan itkin düşüb.
“Xilasedicilər torpaq altından 15 nəfərin cəsədini çıxara biliblər. Dağıntılar altında hələ də insanlar var. Hazırda onların xilas edilməsi, yaxud cəsədlərin torpaqaltından çıxarılması istiqamətində işlər görülür”, - deyə məlumatda bildirilib.
Qeyd edək ki, Çinin Sıçuan əyalətində torpaq sürüşməsi baş verib. Torpaq sürüşməsi Çinin cənubi-qərbində, Sıçuan vilayətinin Desi yaşayış məntəqəsində qeydə alınıb. Bu gün səhər saatlarında baş verən torpaq sürüşməsi 46 evin torpaq altında qalması ilə nəticələnib. Axtarış-xilasetmə işlərində 540 nəfər iştirak edir.
Ziya Səccad
Ölkə.Az