Çində zəlzələ olub
Çinin Sıçuan əyalətində baş verən zəlzələ nəticəsində 16 nəfər xəsarət alıb.
“Ölkə.Az” xəbər verir ki, bu barədə “Sinxua” agentliyi məlumat yayıb.
Xəbərə əsasən, artıq Çin hökuməti fövqəladə vəziyyət elan edib. Hadisə yerinə 300-dən çox xilasedici göndərilib. 378 nəfər təxliyə edilib.
Qeyd edək ki, yerli vaxtla 12.46-da İbin şəhərinin 70-ci kilometrliyində ardıcıl yeraltı təkanlar qeydə alınıb. Zəlzələ ocağının 12 km dərinlikdə yerləşdiyi bildirilib.
Agentliyin məlumatına əsasən, zəlzələnin gücündən bir neçə ev dağılıb, bəzi yollar bağlanıb.
Ölkə.Az
