Çindəki Lunyu mağarasının sirri — FOTOLAR

Çindəki Lunyu mağarasının sirri
18:21
25.05.2019
2098
Maraqlı
A
Çiinin Çjetszyan vilayətində 1992-ci ildə təsadüfən Lunyu mağarası tapılıb.

“Ölkə.Az” xəbər verir ki, mağara alimlər üçün hələ də sirr olaraq qalıb.

Mağara dağların altında süni şəkildə yaradılmış tunellərdən ibarətdir. Kəşf ediləndə su ilə dolu olduğu üçün ehtimal edilir ki, buna görə də uzun illər insanlar tərəfindən tapılmayıb. Arxeoloqlar müəyyən ediblər ki, Lunyu mağaraları eramızdan əvvəl III əsrin əvvəllərində Tsin xanədanı dövründə inşa edilib. Bununla belə, mağaraların naməlum insanlar tərəfindən daha qədim dövrdə inşa edildiyini söyləyən kifayət qədər alim var.

Lunyunun bütün 24 yeraltı otaqlarının hamısı çox iridir. Divarları isə gözəl barelyeflərlə bəzədilib. Bütün bunu zubil vasitəsilə yaratmaq qeyri-mümkün idi. Çünki hesablamalar millimetrə qədər dəqiq hesablanıb. Elə bil ki, bu naxışları və zolaqları maşın salıb. Amma o dövrdə hansı maşın?

Başqa bir sirr isə Çinin tarixi mənbələrində bu barədə heç bir məlumatın olmamasıdır. Əgər mağaralar həqiqətən insan tərəfindən salınıbsa, buraya böyük bir ordu bənna gətirilib. Amma bu barədə də məlumat yoxdur. Bundan başqa Çin mifologiyasından ibarət barelyeflərin də sirri açılmır.

Ehtimal edilir ki, Lunyu mağarası salındıqdan sonra təbiət hadisəsinəticəsində suya qərq olub və onun barəsində unudulub. Digər tərəfdən isə, bu yerin çox az adamın bildiyi gizli mağaralar olması ehtimalı da var.

Hətta mağaraların yadplanetlilər tərəfindən salındığı versiyasını irəli sürənlər də var...

Hikmət Həsənov
Ölkə.Az

ŞƏRH YAZ
0

Tullantı məhsullarına ikinci həyat verən salyanlı sənətkar — FOTO

Tullantı məhsullarına ikinci həyat verən salyanlı sənətkar
06:03
Bu gün
1408
Maraqlı
A
Salyan sakini lazımsız əşyalara yenidən can verir.

"Ölkə.Az" oxu.az-a istinadən xəbər verir ki, 75 yaşlı Adil Kazımov 20 il sürücü olaraq çalışıb. 

Ötən əsrin 90-cı illərinin əvvəllərində bu peşə ilə vidalaşdıqdan sonra, digər işlərə maraq göstərib.

İşsiz qala bilmədiyini bildirən A.Kazımov deyir ki, o vaxtdan bu günə kimi boş vaxtlarında həyətini lazımsız tikinti tullantıları ilə bəzəməyə başlayıb. Onun bu işə əvvəldən də marağı olub. O, heç kimin istifadə etmədiyi, gərəksiz bildiyi tikinti tullantılarından divarlarda bir-birindən maraqlı, rəngarəng kompozisiyalar yaradıb. 

A.Kazımov evin fasadlarını, hasarların üz hissəsini kafellə bəzəməklə yanaşı, həyətdəki yarımtikililərin də içərisini belə düzəldib. Onun hazırladığı kompozisiyalar bir-birini tamamlayır. 

A.Kazımov başqalarının lazımsız, tullantı olduğunu düşündüyü əşyalara başqa gözlə baxır. Beynində fantaziyalar yaradır. Onun şam ağacının qozalarından düzəltdiyi rəngarəng quşlar da bu fantaziyanın məhsuludur. O, bu əl işini 10 dəqiqəyə hazırladığını deyir. 

A.Kazımovun 100-dən çox əl işi var. Bir çoxunu dostlara, tanışlara hədiyyə edib. Qəhrəmanımız deyir ki, insanlar gərək çölə atılacaq tikinti tullantılarını, əşyaları lazımsız, gərəksiz saymasın. Onlara yenidən can verib, nəyəsə nail olmaq mümkündür. Yetər ki, buna həvəsin, sevgin olsun.

 

ŞƏRH YAZ
0

Kənd sakini aktyorları soyğunçu sanıb, arxalarınca düşdü — FOTO

Kənd sakini aktyorları soyğunçu sanıb, arxalarınca düşdü
01:46
Bu gün
1112
Maraqlı
A
İngiltərənin Dorset qraflığında Uinfrit Nyuberq kəndinin sakini çəkiliş qrupunun aktyorlarını mağaza soyğunçuları sayaraq onları saxlamağa cəhd edib.

"Ölkə.Az" bildirir ki, bu barədə “Daily Mirror” xəbər verib.

Bildirilir ki, “Hard Road Films” kompaniyası “Perran” filmində səhnə çəkilişi üçün kiçik kənd mağazasını seçir. Soyğun səhnəsini oynamalı olan aktyorlar oğru kimi maskalanaraq “əsəbi” mağaza sahibindən qaçırlar.

Yerli sakinlərdən biri baş verənləri əsl qarət sayaraq, “caniləri” saxlamaq qərarına gəlir və “soyğunçuların” dalınca düşür.

Qeyd edək ki, kamera yolda park edilmiş avtomobildə gizlədildiyi üçün, yoldan keçənlər onu görməyiblər.

Çəkiliş qrupu vaxtında kişini saxlayaraq əslində film çəkildiyini izah edirlər.

“Perran” filminin 2020-ci ildə ekranlara çıxması planlaşdırılır.

ŞƏRH YAZ
1
BAĞLA