CinemaPlus: Yaxşı film yalnız Dolby Atmos-da olar!

CinemaPlus: Yaxşı film yalnız Dolby Atmos-da olar!
11:33
18.05.2017
56
Mədəniyyət
A

Keyfiyyətli görüntüsü, yalnız səsi Dolby Atmos olmayan kino – Lal kinodur! Azərbaycanda yeganə Dolby Atmos texnologiyasına sahib «CinemaPlus Gənclik Mall» premium kinoteatrı 25 may tarixindən etibarən çoxdan gözlənilən fentezi janrında çəkilən “Karib Dənizinin Quldurları: Ölülər nağıl danışmır” macəra filmin nümayişinə başlayır. Əgər siz sevdiyiniz filmdən əsl zövq almaq, mükəmməl səs müşayiəti altında hadisələrin mərkəzinə daxil olmaq istəyirsinizsə, Dolby Atmos formatında çəkilən filmə baxmaq fürsəti qaçırmayın. Biletlər artıq satışda.

Səs müşayiətini kinoteatrın istənilən yerinə  yerləşdirmək və yerini dəyişmək imkanı hesabına Dolby Atmos film yaradıcılarına kinoda səsi yeni bir mərhələyə çıxarmaq imkan yaradır. Nəticədə tamaşaçı ekranda baş verənləri sadəcə izləmir, hadisənin mərkəzinə daxil olur. Tezliklə dünyanın bütün iri kinoteatrları Dolby Atmos texnologiyasından istifadə edəcəyi gözlənilir.

Filmin rejisorları Xoakim Ronninq və Espen Sandberqdir. Rollarda: Conni Depp, Xavyer Bardem, Kaya Skodelario və başqaları
Öz bəxtini tükəndirən kapitan Sərçə Cek müəyyən edir ki, çoxdan dost olmayan qorxulu kapitan Salazar və onun ruh dəniz quldurları onun ovuna çıxıblar. Onlar təzəlikcə Şeytan üçbucağından qaçıblar və indi Cek daxil olmaqla bütün dəniz quldurlarını məhv etmək istəyirlər. Xilas olmağa yalnız qüdrətli artefakt – Poseydonun  üçbaşlı əsası kömək edə bilər, hansı ki, öz sahibinə bütün dənizi idarə etmək bəxş edir.

Ölkə.Az

ŞƏRH YAZ
0

Cənubi Afrikada 148 yaşlı Azərbaycan xalçası aşkarlandı

Cənubi Afrikada 148 yaşlı Azərbaycan xalçası aşkarlandı
19:45
13.06.2018
1121
Mədəniyyət
A
Daha bir qədim və nadir Azərbaycan xalçası aşkarlanıb.

“Azərxalça” ASC-nin mətbuat xidmətindən "Ölkə.Az"a verilən məlumata görə, aşkarlanan qədim və orijinal nümunələrdən biri Naxçıvan MR-in Şahbuz rayonunun Biçənək kəndində 1870-ci ildə toxunmuş xovsuz xalçadır: "Xalça Cənubi Afrika Respublikasının Yohannesburq şəhərindəki bir xalça kolleksiyaçısından alınaraq ölkəmizə gətirilib. Xalçanın Cənubi Afrika Respublikasından əldə edilməsi xalçalarımızın tarixən yayıldığı arealın nə qədər geniş olduğunu göstərir".

Qeyd olunub ki, bu növ xovsuz xalçalara xalq arasında “şəddə”, “sərəndaz” da deyilir. Xalça üzərində əks olunmuş naxışlar, simvollar, türk tayfalarına məxsus damğalar qədim zamanlardan bu torpaqlarda yaşamış insanların dünyagörüşünü, təbiətə münasibətini, həyat tərzini, adət-ənənəsini dəqiq ifadə edir. Əsas bəzək elementi olaraq Naxçıvan qrupu Azərbaycan xalçalarını səciyyələndirən dəvə karvanının seçilməsi də xalçanın orijinal bədii  göstəricilərindən biridir. Tədqiqatlar göstərir ki, dəvə, ana-bala dəvə, dəvə karvanı təsvirləri olan xovlu və xovsuz xalçalar, xalça məmulatları Naxçıvan bölgəsində daha çox toxunub. Bu təsvirlər bölgədə yaşayan əhalinin ənənəvi təsərrüfat həyatını əks etdirir.  

Xalça əldə əyrilmiş yundan hazırlanan, təbii boyalarla boyanan iplərlə toxunub.

Hazırda bir şəxsi kolleksiyada qorunan, ölçüsü 307 x 172 olan xovsuz xalçanın saxlanma vəziyyəti əladır. İlk baxışdan sənət əsəri təsiri bağışlayan bu qiymətli nümunənin unikallığı həm də odur ki, 140-150 il bundan əvvəl toxunan xovsuz xalçalar nadir hallarda belə salamat qalır.

 

ŞƏRH YAZ
0

Novruz Qartal oğlunu evləndirir

Novruz Qartal oğlunu evləndirir
10:23
13.06.2018
699
Mədəniyyət
A
Əməkdar artist, tanınmış aktyor Novruz Qartal oğlunu evləndirir. Aktyor iyunun 19-da paytaxt restoranlarından birində toy edəcək.

"Ölkə.Az" xəbər verir ki, Yenicag.az-a açıqlama verən aktyor sevincini bizimlə bölüşüb:

“Oğlum qızı özü görüb, özü sevib. Mən onun seçiminə qarışmadım. Çünki indiki cavanların işinə qarışmaq olmur. Bir problem çıxanda da, günahı özlərində axtarmırlar, deyirlər sən elədin. Oğlum da deyəndə ki, evlənmək istəyirəm, dedim kimin qızını istəyirsən, elçi gedim. Getdim və gördüm ki, oğlum seçimində yanılmayıb. Gəlinim yaxşı ailədəndir, tərbiyəli qızdır. Şadlıq evini də özləri seçib, qonaqları da özləri müəyyənləşdirib”.

Qeyd edək ki, aktyorun üç övladı, iki nəvəsi var.

ŞƏRH YAZ
0
BAĞLA