“CinemaPlus”da əsrin döyüşü

“CinemaPlus”da əsrin döyüşü
11:30
23.08.2017
36
Mədəniyyət
A

“CinemaPlus Azerbaijan” və “CinemaPlus Gənclik Mall” premium kinoteatrları 27 avqust səhər saat 07:30-da çoxdan gözlənilən “The money fight” döyüşü nümayiş etdirəcəklər.  Qarşıdurma amerikalı boksçu Floyd Meyvezer-kiçik ilə hazırkı UFC çempionu olan irlandiyalı Konor Makqreqor aralarında baş tutacaq.

Lakin heç bir aparıcı boks qurumları bu döyüşü rəsmi kimi təsdiq etmək niyyətində deyillər.  

Tarixi döyüşün keçirilmə məkanı Las-Veqas olacaq.

Hər bir döyüşçü döyüşə görə 100 milyon ABŞ dolları alacaq. Döyüş iştirakçılarının və təşkilatçıların ümümi gəliri isə təxmin 636 milyon dollar olacaq. 
Money ləqəbli amerikalı döyüşçü Floyd Meyvezer-kiçik tarixdə ən çox qazanan boksçudur. O, bütün karyerası boyu 49 döyüş keçirib və hamısında qələbə qazanıb, 26 döyüşü isə - nokautla başa vurub. Sonuncu dəfə o, rinqə 2015-ci ildə çıxıb.  Boks karyerasını məhz Makqreqor ilə münasibətlərini aydınlaşdırmaq üçün 2017-ci ilin mart ayında bərpa etmək qərarına gəlib.

Konor Makqreqor Floyd Meyvezer-kiçikdən 11 yaş balacadır. Qarışıq döyüşlərdə 24 döyüş keçirib, onlardan 21-də qələbə qazanıb (18 nokautla), üçündə isə məğlub olub. O, UFC tarixində eyni zamanda müxtəlif çəki kateqoriyalarında ikiqat çempion olan ilk döyüşçüdür.

Tələsin, biletlərin sayı məhduddur!

“CinemaPlus” kinoteatrlar şəbəkəsi hər zaman sizlərə xoş sürprizlər etməyə və kino dünyasının ən yaxşı premyeraları ilə Sizi sevindirməyə hazırdır.  

Ölkə.Az

ŞƏRH YAZ
0

Ən yaxşı ssenari yazanlar bəlli oldu — Siyahı

Ən yaxşı ssenari yazanlar bəlli oldu
16:55
16.11.2017
207
Mədəniyyət
A
Azərbaycan Respublikası Kinematoqrafçılar İttifaqında növbəti iclas keçirilib.

İttifaqın mətbuat xidmətinin rəhbəri Əli Vəliyev "Ölkə.Az"a bildirib ki, "Zaman və Məkan" adlı qısametrajlı sənədli filmlərin ssenari müsabiqəsinin qaliblərinin müəyyən edilməsi ilə bağlı keçirilən iclasda, İttifaqın sədri professor Şəfiqə Məmmədova, qrumun birinci katibi əməkdar incəsənət xadimi Cəmil Quliyev, kinorejissor xalq artisti Oqtay Mirqasım, kinorejissor əməkdar incəsənət xadimi Rafael Qəmbərov, əməkdar incəsənət xadimi Yavər Rzayev iştirak ediblər.

İclasda iştirak edən Münsiflər heyətinin (Kinorejissor, xalq artisti Oqtay Mirqasım, kinorejissor, əməkdar incəsənət xadimi Rafael Qəmbərov, əməkdar incəsənət xadimi Yavər Rzayev) qərarı ilə ssenari müsabiqəsinin qalibləri aşağıdakı kimi qiymətləndirilib.

1-ci yer 1500 manat pul mükafatı (Heç bir ssenari qalib olmayıb)

2-ci yer 1000 manat pul mükafatı, 24 balla “Şükriyyə taleyim” ssenarisi 

3-cü yer 500 manat pul mükafatı, 23 balla “Bakının su əfsanəsi” ssenarisi

Həvəsləndirici “Ümid” mükafatı 500 manat pul, 20 balla “Qara Qızıl” ssenarisidir.

Qeyd edək ki, “Şükriyyə taleyim” ssenarisinin müəllifi Cavid Zeynallı, “Bakının su əfsanəsi” ssenarisi Rəşad Şükürovun, “Qara Qızıl” ssenarisinin müəllifi isə Seyram Əmirovdur.

ŞƏRH YAZ
0

İTV-dən — SƏRT ETİRAZ

İTV-dən
09:26
15.11.2017
351
Mədəniyyət
A
İctimai Televiziya və Radio Yayımları Şirkəti Avropa Yayım Birliyinin Baş direktoru Noel Kerrana məktub ünvanlayıb.

"Ölkə.Az"ın məlumatına görə, məktubda qeyd edilib ki, Ermənistan təmsilçisi Mişa Qriqoryanın Gürcüstanda keçiriləcək “Uşaq Avrovizya-2017” mahnı müsabiqəsində siyasi təxribata yol verəcəyi haqqında əldə olunan məlumatlar torpaqlarının 20 faizi Ermənistanın işğalı altında olan Azərbaycanda böyük narahatlıq doğurub.

“İctimai Televiziya və Radio Yayımları Şirkəti bəyan edir ki, Mişa Qriqoryanın Xankəndi əsilli olmasını bəhanə edərək, qondarma “DQR”-ə məxsus bayrağı nümayiş etdirməsi və “Artsaxın səsi” adı altında musiqi qrupunun üzvü olduğunu vurğulaması yolverilməzdir.

İnanmaq istərdik ki, siyasi oyunlardan uzaq olduğunu dəfələrlə və israrla bəyan edən Avropa Yayım Birliyi bu həssas məsələdə Azərbaycanın mövqeyini anlayışla qarşılayacaq, siyasi təxribatın qarşısını qətiyyətlə alacaq, bütün Avropanın nəzərlərinin dikildiyi səhnədə uşaqların separatizmin qurbanına və siyasi oyunbazların alətinə çevrilməsinə imkan verməyəcək.

Hesab edirik ki, “Uşaq Avrovizya-2017” mahnı müsabiqəsi musiqi meydanıdır və bu möhtəşəm tədbir bütün dünyadakı uşaqlara sevinc gətirməli, xoş anlar bəxş etməlidir”.

ŞƏRH YAZ
0
BAĞLA