"CinemaPlus"da nümayiş olunan "Joker" filminə maraq olduqca yüksəkdir — VİDEOREPORTAJ

17:31
09.10.2019
2692
Ölkə
A
Oktyabrın 3-dən ölkənin bir nömrəli kinoteatrı olan “CinemaPlus”da çoxdan gözlənilən “Joker” filminin nümayişinə başlanılıb. Film izləyicilərin də böyük marağına səbəb olub. Bilet satışından bu filmə marağın olduqca yüksək olduğu məlumdur. Biletləri sürətlə satılan filmə tamaşaçılar böyük həvəs göstərirlər. “Joker”ə izləyicilərin marağı isə gündən-günə artmaqda davam edir.

"Ölkə.Az" xəbər verir ki, “Report”un çəkiliş qrupu məhz bu marağı nəzərə alaraq tamaşaçıların təəssüratlarını öyrənməyə çalışıb.

Böyük bir auditoriyanın izlədiyi filmin tamaşaçıları ekran işinin keyfiyyətli sənət əsəri olduğunu bildiriblər. Tamaşaçılar filmdə rejissor və aktyor işinin mükəmməlliyindən söz açıblar. Onların sözlərinə görə, belə bir ekran əsərinin işıq üzü görməsi tamaşaçı üçün yeni süjet xəttidir.

“CinemaPlus”un inzibatçısı Rasim Baxışov isə bildirib ki, film təqdimatdan sonra böyük auditoriya toplaya bilib: "Hər seans minlərlə bilet satılır, hətta, ümumiyyətlə, yer tapılmır. Təkcə 1 salonda 270-dən çox bilet satılıb".

Qeyd edək ki, psixoloji triller janrında lentə alınan, Todd Fillipsin ərsəyə gətirdiyi bənzərsiz ekran işində baş rolları Xoakin Feniks, Zazi Bitz, Robert De Niro, Frensis Konroy, Brett Kallen və başqaları ifa edib. Kinoda hadisələr 1980-ci ildə baş verir. Ekran işində çox uğursuz həyat hekayəsi olan bir insandan bəhs edilir. Artur Flekin ciddi zehni problemləri var. O, kortəbii, səbəbsiz gülüşdən əziyyət çəkir. Bundan əlavə, Artur yoxsulluq həddində yaşayır, hər gün yaşamaq üçün mübarizə aparır. Komediyaçı olmağı xəyal edən bir qəhrəman özü kimi, meqalomiyadan əziyyət çəkən anasına qayğı göstərməyə məcbur olur. Təəssüf ki, Flek zənginlərin zənginləşdiyi və kasıbların kasıblaşdığı Gotem şəhərində yaşayır. Artur Gotemin ən varlı sakini Tomas Ueynin nikahdankənar övladı olduğunu biləndə Flekin fikirləri daha da qarışır. Nəticədə Artur bir neçə qəddar cinayətə əl atır, narkotik qəbul etməyi dayandırır və Gotemda iğtişaşlar törədir, bu müddət ərzində Tomas Ueyn də daxil olmaqla, bir neçə varlı ölür. Ümüdlərinin puç olduğunu görən kloun məhv etməklə psixoloji rahatlıq axtarışına çıxır. Ağır və psixoloji triller olmasına rəğmən, filmin ilk kadrlarından sonuna kimi gözlərinizi bir saniyə belə olsun ekrandan çəkə bilməyəcəksiniz. Möhtəşəm əsərdə yer alan aktyorların peşəkar oyunu, göz oxşayan məkanlar və rəngarəng kadrlar filmi daha da baxımlı edib.

ŞƏRH YAZ
0

Azərbaycanda nigah qurmağın yaşı artıb

Azərbaycanda nigah qurmağın yaşı artıb
19:31
Bu gün
1481
Ölkə
A
Azərbaycanda rəsmi nikaha daxil olan kişi və qadınların orta yaş həddi artıb.

"Ölkə.Az" xəbər verir ki, son 29 il ərzində (1989-2018) ilk dəfə olaraq, ötən il rəsmi nikaha daxil olan kişilər arasında ən yüksək orta yaş həddi qeydə alınıb.

Belə ki, keçən il nikaha daxil olan kişilərin orta yaşı 29 olub.

Ümumilikdə götürdükdə, ölkədə nikaha daxil olan kişilər arasında 2002-2003 və 2014-2018-ci illərdə də orta nikah yaşı çox olub.

Ölkədə 2002, 2003, 2014, 2015, 2016-cı illərdə kişilər üçün orta nikah yaşı 28,6 olub. 2017-ci ildə bu yaş göstəricisi bir qədər də artıb. 2017-ci ildə evlənən kişilər arasında rəsmi nikahın orta yaşı 28,8-ə, 2018-ci ildə 29-a yüksəlib.

2018-ci ildə Azərbaycanda rəsmi nikaha daxil olan qadınlar arasında da orta nikah yaşı artıb. Ölkədə qadınlar arasında nikaha daxil olanların orta yaşı üzrə ən yüksək göstərici 1990 və 2018-ci illərdə qeydə alınıb.

1990-cı ildə nikaha daxil olan qadınların orta yaşı 24,3 olub ki, bu göstərici son 28 ildə ilk dəfə olaraq, 2018-ci ildə yenilənib. Belə ki, 2018-ci ildə də qadınların orta nikah yaşı 24,3-ə yüksəlib.

ŞƏRH YAZ
0

Naxçıvan Qarnizonu qoşunlarında təlim-metodiki toplantı keçirildi — VİDEO

Naxçıvan Qarnizonu qoşunlarında təlim-metodiki toplantı keçirildi
19:03
Bu gün
1687
Ölkə
A
“Naxçıvan Hərbi Qarnizonu Qoşunlarının 2019-cu tədris ilinə uzlaşdırma planı”na əsasən hərbi hissə, tabor, divizion komandirləri və müavinləri ilə təlim-metodiki toplantı keçirilib.

"Ölkə.Az" xəbər verir ki, nümayiş məşğələlərinə daha çox yer verildiyi toplantıda bölmələrlə müdafiə və hücum mövzusunda taktiki-sıra məşğələlərinin təşkili, hazırlanması və keçirilməsi metodikası göstərilib.

Taktiki-xüsusi hazırlıqdan pilotsuz uçuş aparatlarına qarşı mübarizə və hava hücumundan müdafiə üzrə döyüş atışlı nümayiş məşğələ keçirilib.

Bölmələrdə “Günün nizam qaydaları”na uyğun tədbirlərin icra olunması üzrə keçirilən nümayiş məşğələdə qalx komandasından yat komandasınadək şəxsi heyətin yerinə yetirdiyi tapşırıqlar və icra etdiyi fəaliyyətlər nümayiş etdirilib. Şəxsi heyətin sağlamlığı və qidalanmasına nəzarət, sıra baxışı və yerbəyerin təşkili, fiziki və sıra hazırlığının, ictimai-siyasi və hüquqi maarifləndirmənin keçirilməsi, qarovul və sutkalıq naryadın hazırlanması, vətəndaşların qəbulu və “Günün nizam qaydaları”na uyğun digər tədbirlər nümayiş məşğələdə öz əksini tapıb.

4 gün davam edən toplantıda əsas məqsəd zabitlərin bölmələri idarəetməsi üzrə komandir keyfiyyətlərinin təkmilləşdirilməsi, məşq, məşğələ və təlimlərin təşkili və keçirilməsi üzrə hazırlıqlarının yoxlanılması olub.

ŞƏRH YAZ
0
BAĞLA