“CinemaPlus”da “Super Alibi” komediya filminin peşəkar Azərbaycan dublyajı

“CinemaPlus”da “Super Alibi” komediya filminin peşəkar Azərbaycan dublyajı
18:55
22.04.2017
500
Mədəniyyət
A
Premium kinoteatrlar şəbəkəsi “CinemaPlus” ilk dəfə olaraq 18+ reytinqli “Super Alibi” filmini azərbaycan dilinə peşəkar dublyaj edərək nümayişlərə başlayıb.

Film 2017-ci ildə "Cinemazadeh" studiyasında dublyaj olunub. Dublyajın Direktoru Cəfər Axundzadə, Prodüseri Tural Əsədov, Baş redaktoru Xətai Əli, Rejissoru Rövşən Məmmədli, Masterinq Azad Vəliyev, Səs-rejissoru Orxan Həsənli, Tərcüməçisi Xumar Quluzadə, Post-prodakşn supervayzeri Vüqar İslamzadədir.

Filmi Əməkdar artist Sənubər İsgəndərli, aktrisa Oksana Rəsulova və Vüsal Xalıqoğlu, Vüsal Murtuzəliyev, Rövşən Məmmədli kimi peşəkar aktyorlar daxil 15-dən çox aktyor və aktrisalar səsləndirmişdir. 

Qeyd edək ki, Fransız komediyası "Cinemazadeh" studiyasının sayca 8-ci dublyaj filmidir.

Komediya filminin rejissoru Filipp Laşo. Filmdə rolları Filipp Laşo, Elodi Fontan, Julyen Arruti  və Tarek Budali kimi aktyorlar oynayıb. 
Həyat yoldaşından gizlin dostlarla birgə futbolda sakit istirahət etmək üçün günahsızlıq lazımdır? Məktbəbdə bəhanə lazımdır? Müraciət edin! Bazar günlərində ailənizdən ayrı istirahət etmək qərarlaşdırmısız? Biz əlaqədəyik! Qreqin və onun dostlarının bu startapı artıq möhtəşəm uğur əldə edib...

Lakin o, xəyallarının qızı, hansı ki, bütün xəyanətkarlara və yalançılara nifrət edən Flo ilə rastlaşdıqdan sonra öz fəaliyyət sahəsini gizlətməyə məcbur olur. Qreqin yalan toru o qədər çətinləşir ki, dünyanın ən yaxşı yalan danışanı olduğu halda vəziyyətdən çıxmaq üçün xeyli fürsət tapmalıdır....

“CinemaPlus” kinoteatrlar şəbəkəsi hər zaman sizlərə xoş sürprizlər etmək və kino tarixində olan ən yaxşı premyeralar ilə sevindirməyə hazırdır.

Ölkə.Az

ŞƏRH YAZ
0

“Milli Qurtuluş Günü”nə həsr olunmuş konsert keçiriləcək

“Milli Qurtuluş Günü”nə həsr olunmuş konsert keçiriləcək
00:48
23.05.2018
442
Mədəniyyət
A
İyunun 12-də Heydər Əliyev Sarayında “Qurtuluş Günü”nə həsr olunmuş bayram konserti keçiriləcək.

"Ölkə.Az"ın məlumatına görə, “Şərəf tariximiz” adlı konsert proqramında Respublikamızın sevilən və tanınmış sənətkarları Xalq artisti Gülyaz Məmmədova, Əməkdar artistlər Ədalət Şükürov, Gülüstan Əliyeva, Elza Seyidcahan, Zaur Əmiraslanov tanınmış müğənnilər Nazim Faytonçu, Nərmin Kərimbəyli, Yaşar Cəlilov, Leyla Ramazanlı, Könül Məmmədli, Əbdül Xalid, Tofiq Hacıyev, Nicat Cəfərzadə, Roza Zərgərli, Elxan Qaraxanoğlu, Lətifə Soyuöz, Nisbət Sədrayeva, Orxan Babazadə, Əhməd Mustafayev, Ramazan Mustafayev, Ramazan Şərifzadə və Dana Durdana iştirak edəcəklər.

Saat 19:00-da başlayacaq konsertin biletlərinin qiyməti 10-40 manat təşkil edir.

Biletləri Heydər Əliyev Sarayının kassasından, şəhərin kassalarından,www.iticket.az saytından onlayn və ASAN xidmət mərkəzlərindən, Gənclik və 28 Mall ticarət mərkəzlərindəki kassalardanəldə edə bilərsiniz.

Ölkə.Az

ŞƏRH YAZ
0

"Ayşad Fuad Poladovu anmazdan əvvəl rəhbərliklə məsləhətləşməliydi" — Əli Nur

12:30
16.05.2018
6423
Mədəniyyət
A
Əməkdar artist Əli Nur mərhum xalq artisti Fuad Poladovun Akademik Milli Dram Teatrında tamaşada əməkdar artist Ayşad Məmmədov tərəfindən anılmasına münasibət bildirib.

"Ölkə.Az"a danışan aktyor bildirib ki, həmin aktyor bununla bağlı rəhbərliklə məsləhətləşməliydi:

"Bu məsələdən mən də xəbərdaram. Həmin gün "Şah Qacar" tamaşaçısı olub. Fuad Poladov Şah Qacar rolunun əvəzolunmaz ifaçısıydı və mədəniyyət tariximizdə sənətkar kimi qalacaq. Ayşad Məmmədovun tamaşadan öncə Fuad Poladovu anmağında qəbahət yoxdur. Çünki Həsənağa Turabov, Səməndər Rzayev kimi sənətkarları da səhnədə yad etmişik. Ancaq burada bir incə məsələ var. Teatr çox böyük ictimai tribuna olduğuna görə proqramdan kənar çıxış etmək olmaz. Teatrın rəhbərliyi, nazirliyin səlahiyyətli şəxsləri var. Onlarla məsləhətləşmək lazım idi. Belə demək mümkünsə, Ayşad həm düz edib, həm də səhv".

Qeyd edək ki, əməkdar artist Ayşad Məmmədovun "Şah Qacar" tamaşasından əvvəl xalq artisti Fuad Poladovu anması teatr rəhbərliyinin narazılığına səbəb olmuşdu.

İntiqam VALEHOĞLU  
Ölkə.Az

ŞƏRH YAZ
0
BAĞLA