Çingiz Qənizadə Şeyxin qudasını məhkəməyə verməyəcək

Çingiz Qənizadə Şeyxin qudasını məhkəməyə verməyəcək
10:27
12.10.2017
363
Ölkə
A
Millət vəkili Çingiz Qənizadə sabiq deputat, Şeyxülislam Hacı Allahşükür Paşazadənin qudası Hacı Qalib Salahzadəyə qarşı xüsusi ittiham qaydasında şikayətini geri götürüb.

"Ölkə.Az" xəbər verir ki, bu barədə APA-ya Ç. Qənizadənin vəkili Raqif Mustafayev məlumat verib. O deyib ki, Q. Salahzadə Ç. Qənizadənin məhkəməyə müraciət etməsindən sonra mətbuatda işlətdiyi sözlərdən imtina edib və buna görə də Ç. Qənizadə şikayətini geri götürmək barədə qərara gəlib: "Çingiz müəllim gördü ki, o qeyri-ciddi adamdır, ona görə də belə bir adamı məhkəməyə verməyə dəyməz, dedi. Qalib Salahzadə mətbuata son açıqlamasında dediklərinin yalan olduğunu özü də etiraf elədi".
 
Qeyd edək ki, Ç. Qənizadə Qalib Salahzadənin Cinayət Məcəlləsinin 147.1 (Böhtan, yəni yalan olduğunu bilə-bilə hər hansı şəxsin şərəf və ləyaqətini ləkələyən və ya onu nüfuzdan salan məlumatları kütləvi çıxışlarda, kütləvi nümayiş etdirilən əsərdə və ya kütləvi informasiya vasitəsində yayma) maddəsi ilə ittiham olunması üçün məhkəməyə müraciət edib.
 
Buna səbəb son vaxtlar Q. Salahzadənin Ç. Qənizadəyə qarşı mətbuatda ittihamlar səsləndirməsidir.
 
Şikayətə Sabunçu Rayon Məhkəməsində baxılırdı.

ŞƏRH YAZ
0

Taxıl sahəsini qəsdən yandıran şəxs tutuldu

Taxıl sahəsini qəsdən yandıran şəxs tutuldu
19:17
Bu gün
840
Ölkə
A
Bu gün saat 4.30 radələrində Göyçay rayonunun İncə kəndi ərazisində taxılı biçilmiş 20 hektar sahə yandırılıb.

DİN-in Mətbuat xidmətindən “Ölkə.Az”a bildirilib ki, dərhal hadisə yerinə gəlmiş FHN-in Dövlət Yanğından Mühafizə Hissəsinin və Rayon Polis Şöbəsinin əməkdaşları tərəfindən təhlükəsizlik tədbirləri görülmüş, yanğın söndürülərək daha geniş əraziləri əhatə etməsinin qarşısı alınıb.

Rayon Polis Şöbəsi əməkdaşlarının keçirdikləri təxirəsalınmaz əməliyyat-axtarış tədbirləri nəticəsində yanğını törətməkdə şübhəli bilinən kənd sakini Gündüz Hacıyev qısa müddətdə müəyyən edilərək saxlanılıb.

Araşdırmalar zamanı G.Hacıyevin həmin ərazini qəsdən yandırdığı müəyyən edilib və o, törətdiyi əməli etiraf edib.

Faktla bağlı Cinayət Məcəlləsinin 225.2-ci (Yanğın təhlükəsizliyi qaydalarını pozma) maddəsi ilə cinayət işi başlanılıb, istintaq aparılır.

ŞƏRH YAZ
0

İmişli xəstəxanasında YENİ TƏYİNAT

İmişli xəstəxanasında YENİ TƏYİNAT
18:45
Bu gün
713
Ölkə
A
İmişli Rayon Mərkəzi Xəstəxanasının baş həkimi işdən azad edilib.

"Ölkə.Az"ın Report-a istinadən verdiyi məlumatına görə, xəstəxananın baş həkimi Paşayev Cəsur Əşrəf oğlu müvafiq əmrlə işdən çıxarılıb. Digər müvafiq əmrlə bu vəzifəyə Qasımov Eynulla təyin olunub.

C.Paşayev bu vəzifəyə 2012-ci ildə təyinat alıb.

Qeyd edək ki, E.Qasımov İmişli rayonunda anadan olub. Bu vəzifəyə qədər rayon xəstəxanasında cərrah kimi çalışıb. Tibb elmləri namizədidir.

ŞƏRH YAZ
0
BAĞLA