Çinin cənubu \"Hanun\" qasırğasına təslim oldu
Çinin Quandun vilayəti "Hanun" qasırğasına məruz qalıb.
"Ölkə.Az" xəbər verir ki, küləyin sürəti 28 metr/saniyə olub.
Təbii fəlakətdən daha çox Çjantszyan, Maomin, Yatnszyan və Tszyanmen şəhərləri əziyyət çəkib. Güclü yağışlar səbəbindən bu şəhərlərdəki turizm obyektləri əvvəlcədən bağlanıb. 40 min turist ərazini tərk edib.
Sinoptiklər bildirir ki, qasırğa cənubi-qərbə doğru hərəkət edəcək və Xaynn adasına çatacaq. Qasırğa saatda 15 km sürətlə hərəkət edir.
Yerli sakinlərə evdən çıxmamaq məsləhət görülüb. Bütün gəmilərdən limana qayıtmaq tələb edilib. Məktəblərdə dərslər təxirə salınıb.
Hikmət Həsənov
Ölkə.Az
