Çinin dövlət aparatında genişmiqyaslı islahatlar aparılacaq
Çin hökuməti dövlət orqanlarında genişmiqyaslı islahat aparmağı planlaşdırır.
“Ölkə.Az” xəbər verir ki, plan artıq Çin Xalq Respublikasının Dövlət Şurası tərəfindən təsdiqlənib. Plan parlamentə də təqdim edilib.
Ehtimal edilir ki, plan dövlət idarəetmə sisteminin effektivliyini artıracaq.
Plana əsasən, ölkədə yeni 8 qurum yaradılacaq. Mövcud dövlət strukturunun bir hissəsi ləğv ediləcək. İslahatlar nəticəsində Çində 26 nazirlik və komitə olacaq.
Bəzi dövlət komitələri, bank fəaliyyəti və sığorta yeni strukturda birləşəcək. Yeni struktur həm də maliyyə riskləri ilə bağlı milli siyasəti işləyəcək.
Dövlət Şurası yanında əlavə idarələr yaradılacaq. Onlardan biri beynəlxalq əməkdaşlıq və miqrasiya məsələləri üzrə idarədir.
Hikmət Həsənov
Ölkə.Az
