"Çinlə yeni ticarət danışıqları aparmağa hazırıq" — Ağ Ev

21:06
22.05.2019
1319
Dünya
A
ABŞ hökuməti Çinlə yenidən ticarət danışıqları aparmağa hazırdır.

"Ölkə.Az" Türkiyə mediasına istinadən xəbər verir ki, bu haqda ABŞ-ın maliyyə naziri Stiven Mnuçin açıqlama verib.

O, yeni danışıqların əvvəlki təmaslara əsaslanmasının vacibliyini bildirib.

Amerikalı fermerləri Çin idxalından bundan sonra da qoruyacaqlarını qeyd edən Ağ Ev rəsmisinin sözlərinə görə, prezident Donald Tramp Çin mallarına qoyduqları rüsumları ləğv etmək üçün tələsmək fikrində deyil.

Ölkə.Az

ŞƏRH YAZ
0

Pişiyi səhvən 35 dəqiqə paltaryuyan maşında yudular

Pişiyi səhvən 35 dəqiqə paltaryuyan maşında yudular
18:03
Bu gün
1677
Dünya
A
ABŞ-ın Minnesot şəhərində maraqlı hadisə baş verib.

“Ölkə.Az” xəbər verir ki, Stefani Kerroll-Kirxoff səhvən pişiyini paltaryuyan maşında yuyub. Stefani hər dəfə maşını yoxlasa da, bu dəfə üç pişiyindən birini unudub.

Soyuq su ilə 35 dəqiqə maşında yuyulan pişik sağ qalıb. O, maşının qapağını açanda pişiyin pəncəsini görüb. Stefani dərhal bir yaşı olan Feliks adlı pişiyi maşından çıxarıb və həkimə aparıb. Bununla yanaşı, pişik müvəqqəti olaraq görmə qabiliyyətini itirib, möhkəm soyuqlayıb. Hazırda onun vəziyyəti yaxşılaşıb.

Amma pişiyin müalicəsi sahibəsinə 700 dollara başa gəlib.

Ölkə.Az

ŞƏRH YAZ
0

Gülnarə Kərimova 1.2 milyard dolları Özbəkistana qaytarır

Gülnarə Kərimova 1.2 milyard dolları Özbəkistana qaytarır
10:53
Bu gün
6073
Dünya
A
Özbəkistanın keçmiş prezidenti İslam Kərimovun böyük qızı Gülnarə Kərimova 1.2 milyard dolları dövlətə qaytardığını, ölkədən xaricdəki pullarını da büdcəyə qaytarmaq istədiyini bildirib.

 “Ölkə.Az” xəbər verir ki, Özbəkistanın paytaxtı Daşkənd yaxınlığındakı bir həbsxanada cəzasını çəkən Kərimova qızı İmanın sosial şəbəkədəki səhifəsi vasitəsilə yazılı açıqlama verib.

Son dövrlərdə çox dəyişdiyini, özünü təmizə çıxarmaq üçün cəhd etmədiyini qeyd edən Kərimova “Xalqımdan, məni başa düşən və hörmət edən bütün insanlardan üzr istəyirəm” yazıb. Kərimova bildirib ki, büdcəyə qaytardığı pulların Özbəkistanın inkişafına təsir edəcəyinə inanır.

“Ölkədəki 1.2 milyard dollarlıq sərmayə çoxdan mənim nəzarətimdən çıxaraq dövlət büdcəsi üçün işləyir. İsveçrədə dondurulan hesabımdakı pul isə sadəcə mənim həll edə biləcəyim bir iş deyil. Bu pulu digər ölkələr də tələb edir. Mən vəkilimlə 131 milyon dolların geri gətirilməsi üçün əlimizdən gələni edirik. 555 milyon dollarlıq məbləğ üçün də işə başlamışıq. Sağlamlığımla bağlı problemlərim var. Əməliyyat lazımdır və bunun üçün prezident Şevket Mirziyoyevə müraciət etmişəm”, - deyə Kərimova əlavə edib.

Gülnarə 2017-ci ildə Özbəkistan məhkəməsi tərəfindən korrupsiya, rüşvət, fırıldaqçılıq, ticarət və gömrük qanunlarını pozma və digər maddələrlə ittiham edilərək 10 il müddətinə həbs cəzası alıb. Sonra dövlətə vurduğu ziyanı ödəməklə cəzası 5 ilə endirilib və həbs cəzası verilib. Amma mart ayında məhkum edildiyi ev həbsi şərtlərini pozduğu üçün həbsxanaya göndərilib. 

Hikmət Həsənov 
Ölkə.Az

ŞƏRH YAZ
0
BAĞLA