ÇL-də qrup mərhələsinin ilk 5 cavab görüşü keçiriləcək

ÇL-də qrup mərhələsinin ilk 5 cavab görüşü keçiriləcək
09:01
22.08.2017
176
İdman
A
Bu gün futbol üzrə Çempionlar Liqasının "pley-off" mərhələsinin ilk 5 cavab görüşü keçiriləcək.

"Ölkə.Az"ın Report-a istinadla məlumatına görə, Avropanın ən nüfuzlu klub turnirində qrup mərhələsinə ilk vəsiqənin sahibi Qazaxıstanda rəsmiləşəcək.

Paytaxt Astanada eyniadlı klub Şotlandiya "Seltik"ini sınağa çəkəcək. Bu komandalar arasındakı ilk qarşılaşma "Seltik"in 5:0 hesablı qələbəsi ilə yekunlaşıb. Bu səbəbdən, "Astana"nın fərqi aradan qaldırması real deyil. Amma istənilən halda, Qazaxıstan çempionu ən azı Avropa Liqasının qrup mərhələsində iştirak hüququna yiyələnəcək.

Qalan 4 oyuna gəlincə, ilk dəfə Çempionlar Liqasında mübarizə aparan Türkiyənin "Başakşehir" klubunu İspaniyada "Sevilya" ilə çətin sınaq gözləyir. İstanbuldakı qarşılaşmada qonaqlar 2:1 hesabı ilə qalib gələrək, növbəti mərhələyə vəsiqəyə xeyli yaxınlaşıblar. İndi Türkiyə vitse-çempionları səfərdə ən azı 2 top vurmalıdırlar.

Çempionlar Liqası

"Pley-off" mərhələsi, cavab görüşləri

22 avqust

19:30. "Astana" (Qazaxıstan) - "Seltik" (Şotlandiya)

"Astana Arena"

İlk oyun - 0:5

22:45. "Maribor" (Sloveniya) - "Hapoel" (Beer-Şeva, İsrail)

Maribor, "Lyudski vrt" stadionu

İlk oyun - 1:2

22:45. "Riyeka" (Xorvatiya) - "Olimpiakos" (Yunanıstan)

Riyeka, HNK stadionu

İlk oyun - 1:2

22:45. "Nitsa" (Fransa) - "Napoli" (İtaliya)

Nitsa stadionu

İlk oyun - 0:2

22:45. "Sevilya" (İspaniya) - "Başakşehir" (Türkiyə)

Sevilya, Ramon Sançes Pisxuan stadionu

İlk oyun - 2:1

Daha 5 cavab görüşü avqustun 23-də olacaq:

22:45. "Slaviya" (Praqa, Çexiya) - APOEL (Kipr)

Praqa, "Eden Arena"

İlk oyun - 0:2

22:45. "Kopenhagen" (Danimarka) - "Qarabağ" (Azərbaycan)

Kopenhagen, "Parken" stadionu

İlk oyun - 0:1

22:45. "Styaua" (Rumıniya) - "Sportinq" (Portuqaliya)

Buxarest, "Nasyonal" stadionu

İlk oyun - 0:0

22:45. "Liverpul" (İngiltərə) - "Hoffenhaym" (Almaniya)

Liverpul, "Enfild" stadionu

İlk oyun - 2:1

22:45. MOİK (Moskva, Rusiya) - "Yanq Boyz" (İsveçrə)

Moskva, MOİK stadionu

İlk oyun - 1:0

ŞƏRH YAZ
0

Samir Əliyev "Səbail"dən getdi

Samir Əliyev
23:36
22.05.2018
187
İdman
A
Bu gün "Səbail" klubunun rəhbərliyi və baş məşqçi Samir Əliyev arasında görüş keçirilib.

Klubun mətbuat xidmətindən "Ölkə.Az"a verilən məlumata görə, görüşdə "Səbail"in Topaz Premyer Liqasının geridə qalan mövsümündə çıxışı barədə ətraflı müzakirələr aparılıb.

Qarşılıqlı razılıq əsasında S.Əliyevin "Səbail"in baş məşqçisi kimi müqaviləsinə xitam verilməsi barədə qərar qəbul edilib.

Samir Əliyev "Səbail"ə cari mövsüm ərəfəsində baş məşqçi təyin olunub. Premyer Liqanın debütantı gənc mütəxəssisin rəhbərliyi altında 23 xalla 7-ci yeri tutub.

Ölkə.Az

ŞƏRH YAZ
0

“Qarabağ” sonuncu turda “Qəbələ”ni məğlub etdi

“Qarabağ” sonuncu turda “Qəbələ”ni məğlub etdi
23:48
21.05.2018
573
İdman
A
Mayın 21-də Topaz Premyer Liqasında sonuncu turun oyunu keçirilib.

"Ölkə.Az" xəbər verir ki, “Azərsun Arena”da baş tutan oyunda çempionluğunu vaxtından əvvəl təmin etmiş "Qarabağ” “Qəbələ” ilə üz-üzə gəlib. Çempionatın iki liderinin qarşıdurmasında ağdamlılar 1:0 hesabı ilə qələbə qazanıb. Oyunda yeganə qolun müəllifi 22-ci dəqiqədə hakimin təyin etdiyi 11 metrlik cərimə zərbəsini dəqiq yerinə yetirən Dani Kintana olub.

Beləliklə, yekun turnir cədvəlində “Qarabağ” 65 xalla birinci, “Qəbələ” 49 xalla ikinci, “Neftçi” isə 46 xalla üçüncü yerdə qərarlaşıb. Digər pillələrdə isə müvafiq olaraq, “Zirə” (44), “Sumqayıt” (40), “Keşlə” (31), “Səbail” (23) və “Kəpəz” (14) klubları yer alıb.

“Qarabağ” - “Qəbələ” qarşılaşmasından sonra mükafatlandırma mərasimi keçirilib. "Qarabağ"a qızıl, "Qəbələ"yə gümüş, "Neftçi" klubuna isə bürünc medallar təqdim olunub.

Ölkə.Az

ŞƏRH YAZ
0
BAĞLA