ÇL-də Qrup mərhələsinin ilk oyunları keçirilib

ÇL-də Qrup mərhələsinin ilk oyunları keçirilib
23:35
18.09.2018
3152
İdman
A
UEFA Çempionlar Liqasının qrup mərhələsi çərçivəsində ilk oyunlar keçirilib.

"Ölkə.Az"ın məlumatına görə, "B" qrupunda yer alan İspaniyanın "Barselona" klubu Niderlandın "PSV" klubunu qəbul edib. Ev sahibləri rəqibin qapısından 4 cavabsız top keçirib. Qollar: L.Messi (32,77,87-ci dəqiqələr), U.Dembele (75-ci dəqiqə).

Qrupun digər oyunu İtaliyanın "İnter" və İnigltərinin "Tottenhem" klubları arasında keçirilib. İngiltərə təmsilçisi 53-cü dəqiqədə ev sahibinin qapısına yol tapsada, oyunun son dəqiqələrində 2 qol buraxaraq məğlub olub. Qollar: K.Eriksen (53-cü dəqiqə), M.İkardi (86-cı dəqiqə), M.Vesino 90+2-ci dəqiqə).

Ölkə.Az

ŞƏRH YAZ
0

AÇ: Azərbaycan İtaliyaya qalib gəldi

AÇ: Azərbaycan İtaliyaya qalib gəldi
01:13
Bu gün
276
İdman
A
Yunanıstanda keçirilən şahmat üzrə klublararası Avropa çempionatında (AÇ) IV tur başa çatıb.

"Ölkə.Az" xəbər verir ki, kişilərdən ibarət “Odlar Yurdu” komandamız İsrailin “Beer Şeva” klubu ilə üz-üzə gəlib.

Görüşdə qalib müəyyənləşməyib - 4:4. İlk xal itkisi ilə üzləşən komandamız yeddi xalla III pillədədir.

“Odlar Yurdu”nun qadınlar komandası isə İtaliyanın “Çaissa” klubu ilə üzləşib. Qızlarımızın dördü də öz görüşlərini qələbə ilə başa vurub - 4:0. Komandamız dörd xalla öz qrupunda III pillədədir.

Ölkə.Az

ŞƏRH YAZ
0

"Hətta komanda qalib gələn zaman mənə təhqirlər davam edirsə, buna başqa izah verə bilmirəm” — Mahir Mədətov

00:44
Bu gün
295
İdman
A
"İştirakım olmayan epizodlarda, mövqeyimdən uzaq baş verənlərdə, hətta komandamız qalib gələn zaman mənə təhqirlər davam edirsə, buna başqa izah verə bilmirəm”.

"Ölkə.Az" xəbər verir ki, bunu report-a açıqlamasında "Qarabağ” klubunun və Azərbaycan milli komandasının futbolçusu Mahir Mədətov ev oyunları zamanı fitə basılmasına cavab olaraq deyib.

Mədətov son oyunlarda qol vura bilməməsini belə izah edib:

"Hamıdan çox fərqlənib komandama kömək etmək istəyirəm. Futbol bir komanda oyunudur. Komanda yoldaşım fərqlənirsə, bu, hamımızın uğurudur. Azarkeş də komandanı dəstəkləyir, hansısa bir futbolçunu yox. Hər zamankından daha çox çalışıram ki, komandaya xeyir verim. Düzdür, beynəlxalq oyunlarda hələ qol vurmamışam. Amma inanıram ki, o da olacaq”.

"Özümü kiməsə sübut etmək kimi fikrim yoxdur” deyən hücumçu əsas məqsədinin baş məşqçi Qurban Qurbanovun verdiyi tapşırıqları yerinə yetirməkdən ibarət olduğunu vurğulayıb:

"Futbolçuyam, öz işimi görürəm, baş məşqçinin verdiyi tapşırıqlara əməl edirəm. Üzərimə düşən vəzifəmi, işimi icra etməyə çalışıram.

Mahir Mədətov "Qarabağ"ın İngiltərə "Arsenal"ı ilə Avropa Liqası, Azərbaycan yığmasının isə Malta ilə UEFA Millətlər Liqası matçlarında qol epizodlarından yararlana bilmədiyi üçün azarkeşlərin sərt reaksiyası ilə qarşılaşıb.

Ölkə.Az

ŞƏRH YAZ
0
BAĞLA