Cocuq Mərcanlı sakinləri içməli su ilə təmin edilib

Cocuq Mərcanlı sakinləri içməli su ilə təmin edilib
20:00
20.11.2017
2382
Ölkə
A
2016-cı ilin aprel ayında Azərbaycan Ordusunun həyata keçirdiyi uğurlu əks-hücum əməliyyatı nəticəsində erməni işğalından azad olunmuş Cəbrayıl rayonunun Cocuq Mərcanlı kəndində geniş tikinti-bərpa və abadlıq-quruculuq işləri aparılıb.

Bu işlər çərçivəsində  50 fərdi yaşayış evi, ümumtəhsil məktəbi, məscid, elektrik yarımstansiyası, hidrometeoroloji stansiya inşa edilib, qaz, elektrik, içməli su xətləri, avtomobil yolu çəkilib. Artıq 172 nəfərdən ibarət 45 ailə öz doğma yurduna qayıdıb. Hazırda 100 fərdi yaşayış evinin, uşaq bağçasının, həkim məntəqəsinin, digər zəruri sosial və infrastruktur obyektlərinin tikintisi davam etdirilir. 
 
Cocuq Mərcanlı kəndində əhalini içməli su ilə təmin etmək üçün su təchizatı infrastrukturu yaradılıb. Bu məqsədlə subartezian quyusu qazılıb, su xətti çəkilərək bütün yaşayış evləri içməli su ilə təmin edilib.  Sakinlərə operativ və  keyfiyyətli xidmət göstərilməsi məqsədilə kənddə “Azərsu” ASC-nin “Birləşmiş Sukanal” MMC-nin Cəbrayıl Sukanal İdarəsinin Cocuq Mərcanlı sahəsi yaradılıb. Gələcəkdə kəndin su təchizatı bu xidmət sahəsi tərəfindən həyata keçiriləcək.
 
Noyabrın 17-də “Azərsu” ASC və Cəbrayıl RİH rəhbərliyinin iştirakı ilə xidmət sahəsi binasına baxış keçirilib. Burada yaradılmış şəraitlə tanış olan “Azərsu” ASC-nin sədri Qorxmaz Hüseynov kənd sakinlərinə  keyfiyyətli xidmətin göstərilməsi məqsədilə müvafiq tapşırıqlar verib.  
 

ŞƏRH YAZ
0

Qoşqar Təhməzli səfirlə görüşdü

Qoşqar Təhməzli səfirlə görüşdü
18:33
Bu gün
87
Ölkə
A
Azərbaycan Respublikasının Qida Təhlükəsizliyi Agentliyinin sədri Qoşqar Təhməzli Peru Respublikasının Azərbaycandakı Fövqəladə və Səlahiyyətli Səfiri, xanım Mariya Milaqros Kastanyon Seoane ilə görüşüb.

AQTA-dan "Ölkə.Az"a verilən xəbərə görə, görüşdə ölkələr arasındakı iqtisadi əlaqələr və son illər Azərbaycan və Peru arasında inkişaf edən idxal əməliyyatları barədə geniş fikir mübadiləsi aparılıb. Q. Təhməzli Agentliyin fəaliyyət istiqamətləri, qarşıya qoyulan hədəflər haqqında xanım Seoaneyə məlumat verib və əhalinin təhlükəsiz qida məhsulları ilə təmin edilməsi istiqamətində həyata keçirilən tədbirlərlə bağlı qonağı məlumatlandırıb.

Ölkəmizə Perudan tunes balığı məhsulları, canlı bitkilər, tərəvəz və tərəvəz qarışıqları, meyvə və giləmeyvələr, kofe, müxtəlif toxumlar, paxlalılar, makaron məmulatları və digər qida məhsullarının idxal olunduğunu diqqətə çatdıran Agentlik sədri Azərbaycan və Peru arasındakı iqtisadi əlaqələrin inkişaf perspektivləri haqqında fikirlərini bölüşüb.

Peru Respublikasının Azərbaycandakı Fövqəladə və Səlahiyyətli Səfiri, xanım Mariya Milaqros Kastanyon Seoane səmimi qəbula görə təşəkkür edib, Azərbaycanda səfir kimi fəaliyyətindən məmnunluğunu ifadə edərək, ölkələrimiz arasında qida təhlükəsizliyi sahəsində əlaqələrin bundan sonra da inkişaf edəcəyinə əminliyini vurğulayıb.

ŞƏRH YAZ
0

Azərbaycanda "Yehovanın Şahidləri"nin fəaliyyəti məhdudlaşdırılıb? — Səyavuş Heydərovdan AÇIQLAMA

Azərbaycanda
16:53
Bu gün
925
Ölkə
A
Dini Qurumlarla İş üzrə Dövlət Komitəsinin sədr müavini Səyavuş Heydərov "Yehovanın Şahidləri" Avropa Assosiasiyasının sədri Toni Breys və qurumun nümayəndəsi Mariyano Makiyas Quzman ilə görüşüb.

Dövlət Komitəsindən "Ölkə.Az"a verilən məlumata görə, sədr müavini qonaqlara ölkədəki sabit dini durum, nümunəvi tolerantlıq mühiti, eləcə də dinlərarası harmoniya barədə məlumat verib.

O bildirib ki, ölkənin milli, dini xüsusiyyətlərindən irəli gələn tolerantlıq keyfiyyəti xalqın genefondunda özünə yer tapıb. Dinə bəşəri, tolerant və dünyəvi münasibət baxımından Azərbaycan nadir ölkələr sırasında ön sıralarda yer alır. Ölkədə vicdan və dini etiqad azadlığının təmin edilməsinə, dini konfessiyalar arasında əməkdaşlığın genişləndirilməsinə xüsusi diqqət yetirilir. 

S.Heydərov vurğulayıb ki, Azərbaycanda əhalinin böyük əksəriyyətini təşkil edən müsəlmanlarla yanaşı, digər dinlərin mənsublarına da öz inanc və etiqadlarına uyğun yaşamaları üçün bərabər şərait yaradılıb, bütün dini icmalar dövlətin diqqət və qayğısı ilə əhatə olunub.

Görüş zamanı Azərbaycan həqiqətləri barədə də danışan Dövlət Komitəsinin sədr müavini Ermənistanın təcavüzakarlıq siyasətini davam etdirməsinin bütün regionda sülh və sabitliyin təmin edilməsinə, dinlərarası əməkdaşlığın bərqarar olunmasına ciddi problemlər yaratdığını deyib.

Söhbət əsnasında bəzi beynəlxalq hesabatlarda Azərbaycanda "Yehovanın Şahidləri" dini icmasının fəaliyyətinin məhdudlaşdırılması barədə qeyri-obyektiv məlumatların yer aldığı diqqətə çatdırılıb. "Yehovanın Şahidləri" Avropa Assosiasiyasına bu cür qərəzli informasiyalara qarşı obyektiv mövqe nümayiş etdirmələri tövsiyə olunub.

Bakıya yenidən səfər etməsindən məmnunluğunu ifadə edən qurumun sədri Toni Breys Azərbaycanda mövcud olan dini tolerantlıq mühitini yüksək qiymətləndirib. Dini icma üzvlərinin sərbəst fəaliyyətinə görə yaradılan şəraitə, eyni zamanda icmanın rastlaşdığı problemlərin həllində göstərilən dəstəyə görə razılığını ifadə edib. Beynəlxalq hesabatlarda həqiqətə uyğun olmayan məlumatların yayılmasının qarşısının alınması üçün səy göstərəcəklərini bildirib.

ŞƏRH YAZ
1
BAĞLA