Con Kerrinin etiraflarının arxasında nə gizlənir?

Con Kerrinin etiraflarının arxasında nə gizlənir?
20:54
29.11.2017
7789
Analitika
A
ABŞ-ın sabiq xarici işlər naziri Con Kerri iki il əvvəl Tel-Əviv və Qahirənin Vaşinqtonu müharibəyə cəlb etməyə çalışdıqlarını etiraf edib. Kerri bildirib ki, İsrail və Misir Tehranın 2015-ci ildə imzaladığı nüvə müqaviləsindən əvvəl Obama administrasiyasını İranı bombalamağa məcbur edib.

Bununla yanaşı bir çox kral və dövlət rəsmisi ABŞ-a İranın anlayacağı tək dilin savaş olduğunu təlqin edib. Sabiq nazir İsrailin baş naziri Binyamin Netanyahu Vaşinqtonu qızışdırdığını da deyib. Conun fikrinə görə, bu hadisələr Obama administrasiyasına qarşı qurulan bir tələ olub.

Azərbaycanlı siyasətçiləri isə Con Kerrinin bu etiraflarının altında həqiqət gizləndiyini bildirirlər. Politoloq Razi Nurullayev “Ölkə.Az”a açıqlamasında bildirib ki, Barak Obamanın İsrail ilə münasibətlər xoş deyildi. Onun sözlərinə görə, Obama İsrailin İran siyasətini bəyənmirdə və ona görə də, bu məsələdə heç bir köməklik etmədi.

“Obamanın hakimiyyəti dövründə də ABŞ-İsrail münasibətləri çox gərgin şəkildə qaldı. ABŞ-da yəhudi lobbiçiliyi böyükdür. Bu qüvvə hər zaman Amerika siyasətinə təsir göstərə bilir. Lakin Obama hakimiyyəti bu məsələdə kifayət qədər neytral qala bildi. Trampın dövründə isə artıq İsrail ilə Amerikanın münasibətləri normallaşıb. Artıq iki ölkə İran məsələsində birgə səylər göstərirlər”, - deyə Razi Nurullayev bildirib.

Ziya Səccad
Ölkə.Az

ŞƏRH YAZ
0

“Minimum əmək haqqının alıcılıq qabiliyyətinə görə Azərbaycan MDB məkanında ilk üçlüyə girdi” — Millət vəkili

“Minimum əmək haqqının alıcılıq qabiliyyətinə görə Azərbaycan MDB məkanında ilk üçlüyə girdi”
11:08
19.06.2019
5639
Analitika
A
Ölkəmizin iqtisadi gücü artdıqca dövlət tərəfindən əhalinin sosial vəziyyətinin yaxşılaşdırılması istiqamətində atılan addımlar da davamlı xarakter alır.

Bunu “Ölkə.Az”a açıqlamasında millət vəkili Azər Badamov bildirib.

Onun sözlərinə görə, bu ilin əvvəlində ölkə başçısının imzaladığı sosial paketi çərçivəsində 3 milyona yaxın vətəndaşın gəlirləri artdı. 

“Amma bu paketin imzalanmasından sonra qeyd olundu ki, bu son deyil və il ərzində yeni artımların olacağının şahidi olacayıq. Artıq iyunun 18-də ölkə başçısı növbəti sosial paketin icarsı ilə əlaqədar olaraq sərəncam imzalayıb. Sərəncama uyğun olaraq ölkədə minimum əmək haqqı 70 manat artıralaraq 250 manata çatdırılması nəzərdə tutulur. Minimum əmək haqqının və dövlət büdcəsindən maliyyələşən işçilərin əmək haqlarının artırılması ilə bağlı imzalnmış növbəti sərıcamlar da ümumilikdə 2 milyondan çox insanın sosial rifahına müsbət təsir göstərəcəkdir. Bu da hər bir ailəsinin büdcəsini artmasıdır. Minimum əmək haqqının alıcılıq qabiliyyətinə görə Azərbaycan MDB məkanında ilk üçlükdə qərarlaşmış oldu”,- millət vəkili bildirib.

A.Badamov onu da əlavə edib ki, burada ən əsas məqamlardan biri də  əhalinin pul gəlirləri artmasına baxmayaraq ölkədə infilyasiya minimum həddə qalmasındadır:

 “Bu da əhalinin artan pul gəlirləri fonunda alıcılıq qabiliyyətinin yüksəlməsi deməkdir”.

Mürtəza
Ölkə.Az

ŞƏRH YAZ
0

Sona Əliyeva: “Fransa məhkəməsinin ədalətli qərarı ermənilərə tərs sillə oldu”

Sona Əliyeva: “Fransa məhkəməsinin ədalətli qərarı ermənilərə tərs sillə oldu”
13:38
07.06.2019
1073
Analitika
A
“Ermənistan işğal etdiyi Azərbaycan ərazilərində yaratdığı separatçı cinayətkar rejimin təbliği və onun legitimləşdirilməsi məqsədilə bir sıra səylər göstərir. Bəzi ölkələrin müxtəlif şəhərləri ilə əməkdaşlıq qurulması, telemarafonların və yardım kampaniyalarının, qeyri-qanuni səfərlərin təşkili Ermənistan hakimiyyətinin bu niyyətinə xidmət edən qanunsuz addımlardır”.

Bu fikirləri “Ölkə.Az”a açıqlamasında Milli Məclisin deputatı Sona Əliyeva deyib. 

Onun sözlərinə görə, işğalçı dövlətin bu istiqamətdə göstərdiyi bütün cəhdlərin heç bir hüquqi əsası yoxdur və buna görə də dünya dövlətləri və əksər beynəlxalq təşkilatlar tərəfindən ciddi qarşılanmır: 

“Əksinə, Ermənistanın qonşu dövlətin ərazi bütövlüyünə, regional təhlükəsizliyə yaratdığı təhdidlər ciddi şəkildə qınanır”. 
Millət vəkili bildirib ki, işğalçı Ermənistanın Dağlıq Qarabağdakı separatçı rejimi legitimləşdirmək cəhdlərinə növbəti ağır zərbə bu günlərdə Fransa məhkəməsindən gəlib:

“Belə ki, Fransa inzibati məhkəməsi bu ölkənin Arnuvill şəhəri ilə Azərbaycanın işğal altında olan Xocavənd rayonu arasında imzalanmış “Dostluq haqqında xartiya”nı iyunun 4-də ləğv edib. Məhkəmə 2018-ci il oktyabrın 22-də imzalanmış “sənəd”in qeyri-qanuni imzalandığı, heç bir hüquqi qüvvə daşımadığı və Fransanın beynəlxalq öhdəliklərinə zidd olması barədə qərar çıxarıb. Məlumdur ki, Azərbaycanın Birinci vitse-prezidenti Mehriban xanım Əliyeva bir müddət əvvəl Fransaya səfər edib. Bəhs olunan səfər zamanı Birinci vitse-prezident Mehriban xanım Əliyeva keçirdiyi rəsmi görüşlərdə məsələni müzakirə edib və belə halların yolverilməzliyini diqqətə çatdırmışdı. Bu, 2013-cü ildən sonrakı dövrdə Fransa məhkəməsinin Azərbaycanın xeyrinə çıxardığı ilk qərardır. Fransa məhkəməsinin bu ədalətli qərarı təqdirəlayiqdir. Bu fakt deməyə əsas verir ki, bu ölkənin məhkəmələri Ermənistanın işğal altında olan Azərbaycan ərazilərində yaratdığı rejimin bağladığı digər qeyri-qanuni xartiyaları da ləğv edəcək. Əlbəttə, Fransa cəmiyyətində, o cümlədən də bu ölkənin məhkəməsində ermənilərin yalanlarına inamsızlıq nümayiş etdirilməsi heç də təsadüfi deyil. Azərbaycanın beynəlxalq miqyasda nüfuzunun artması, regional və qlobal əməkdaşlığın dərinləşməsində, həmçinin Avropanın enerji təhlükəsizliyinin təmin olunmasında getdikcə daha vacib rol oynaması ölkəmiz barəsində müsbət imicin möhkəmlənməsinə öz təsirini göstərir. Ölkəmiz həmçinin öz həqiqətlərinin dünya birliyinə obyektiv şəkildə çatdırılması istiqamətində fəal iş aparır və bununla da qlobal miqyasda erməni lobbisinin yalanlarının qarşısını almağa nail olur”, - deyə, deputat qeyd edib.

Mürtəza
Ölkə.Az

ŞƏRH YAZ
0
BAĞLA