Üçüncü Dünya Müharibəsi başlaya bilər
“Ölkə.Az” xəbər verir ki, üçüncü dünya müharibəsinin başlanması barədə 5 əlamət var.
Albert Eynşetyn ABŞ prezidenti Harri Trumenə 1945-ci ildə yazdığı məktubda deyirdi:
“Mən üçüncü dünya müharibəsinin hansı silahla aparılacağını bilmirəm. Amma bilirəm ki, dördüncü dünya müharibəsində daş və ağacdan istifadə ediləcək”.
Bu sözlər bütün dünyanı qorxuya salsa da, heç bir ölkə hərbi siyasətindən vaz keçmir.
Üçüncü dünya müharibəsini Donald Tramp başlayacaq
2017-ci ildə portuqaliyalı mistik və falçı Orasio Vilyeqas bu barədə məlumat verib. O, deyir ki, ABŞ, Rusiya, Şimali Koreya və Çinin iştirakı ilə nüvə müharibəsi 13 may tarixində başlayacaq və 13 oktyabra qədər davam edəcək. Ötən il ABŞ Suriyanı bombaladı. Bir çoxları 2017-ci ildən söhbət getdiyini düşünürdü. Bu il isə Fransa və Böyük Britaniya Suriyanı bombaladı. İndi isə bir çoxları 2018-ci ilin nəzərdə tutulduğunu düşünür.
Orasio hələ 2015-ci ildə Donald Trampın ABŞ-da keçirilən prezident seçkilərində qalib gələcəyini demişdi. Bir çoxları bu dövrdə Hillari Klintonu dəstəkləyirdilər. Vilyegas eyni zamanda Trampı “ilüminatilərin kralı” adlandırıb.
Şiptonun öncəgörmələri
Şipton XVI əsrdə İngiltərənin kiçik kəndində yaşayıb. Onun anası Aqata Sauteyl cadugərliklə məşğul idi. Kənd sakinləri onun evinə İblisin qonaq gəldiyini deyirdilər. Bu ziyarətlərin birindən sonra Aqatanın qızı Ursula dünyaya gəldi. Ursula çox çirkin idi və uşaq vaxtı qeyri-adi qabiliyyətə malik idi. 16 yaşından öncəgörmələrini deməyə başladı.
Onun öncəgörmələrinin bir çoxu yerinə yetib. 1665-ci ilin vəba epidemiyası, İspaniya armadasının hücumu, VIII Henrixin ordusunun Normandiyaya hücumu və s.
Ursulanın öncəgörməsinə əsasən, dəhşətli müharibə Şərqdə başlayacaq və ABŞ əsas dağıdıcı güc olacaq:
“Müharibə türklər və bütpərəstlər yaşayan yerdə başlayacaq. Dəhşətli savaş milyonların ölümünə səbəb olacaq. Şimal Cənubdan ayrılacaq, qartalın aslan çənəsi olacaq və qan, müharibə hər evə qonaq gələcək. Sarı adamlar qüdrətli ayıdan güc alacaqlar, bu onlara kömək edəcək. Tiranlar dünyanı iki yerə bölə bilməyəcəklər və bu, böyük təhlükə kəsb edəcək. Qızdırma xəstəliyindən çox insan öləcək. Qara qurd özündən sonra az insanı sağ buraxacaq”.
Nostradamusun öncəgörmələri
Nostradamusun məsələ ilə bağlı 12 katreni var:
“Oraq çay ilə Oxatanda birləşəcək. Vəba, aclıq və ölüm yüzillikdə yenilənəcək. Böyük bədbəxtlikdən sonra bəşəriyyəti daha böyük təhlükə gözləyəcək. Yüzillik dövr yenilənəndə qan, süd, aclıq, müharibə və xəstəlik yağış kimi yağacaq. Səmada alov görünəcək. Arxasında quyruqlu qığılcım çıxacaq. Mabus tezliklə öləcək, sonra isə insanların və heyvanların dəhşətli istirabı başlayacaq. Kometa ötəndə susuzluq və aclıq başlayacaq”.
Vanqanın öncəgörmələri
Vanqa da XX əsrin məşhur falçılarından sayılır. O, üçüncü dünya müharibəsinə aid bir sıra öncəgörmələr yazıb. Vanqa boşalan Avropa, kimyəvi zəhərlənmədən bəhs edib.
“Bəşəriyyət bir çox kataklizma və dəhşətli hadisələr görəcək. Çətin vaxtlar olacaq. İnsanları inancları parçalayacaq. Qədim elmlər dünyaya gələcək. Bu nə vaxt olacaq? Hələ var, Suriya hələ məhv olmayıb. Apokalipsis gələcək. Yerin altından çıxan şər dünyanı dağıdacaq. Təkcə Rusiya xilas olacaq. Rusiyada su və sülh olacaq.
Roma Papasının sözləri
2014-cü ildə Roma Papası Fransisk bəyan etdi ki, artıq üçüncü dünya müharibəsi başlayıb. Bu vaxta qədər Papa bir neçə dəfə dünyanın müxtəlif hissələrində-İraq, Ukrayna, Suriya, Qəzza sektoru və Afrika ölkələrində silahlı münaqişələri başa çatdırmağa səsləmişdi.
2017-ci ildə isə Fransisk bəyan etdiyi ki, şirin su çatışmazlığı yeni dünya münaqişəsinə səbəb ola bilər:
“Su bəşəriyyətin xilası və gələcək nəsillərin yaşaması üçün vacibdir. Deyəsən biz suya görə böyük dünya müharibəsinə sürüklənirik”.
Hikmət Həsənov
Ölkə.Az