2019-cu ilin ən çox qazanan məşhurları
“Forbes” jurnalı 2019-cu ildə ən çox qazanan məşhurların siyahısını tərtib edib.
“Ölkə.Az” xəbər verir ki, 29 yaşlı Teylor Svift bir il ərzində 189 milyon dollar qazanaraq birinci yerə layiq görülüb.
Sviftin “Reputation” albomu ilə çıxdığı qastrol səfərləri ilə qazandığı 226.1 milyon dollarlıq gəlir də ən çox gəlir əldə edən qastrol kimi ABŞ tarixinə düşüb.
İkinci pillədə model Kayli Cennerdir. O, bir ildə 170 milyon dollar qazanıb. İl ərzində 150 milyon dollar qazanan Keyn Uest üçüncüdür.
“Barselona” klubunun ulduzu Lionel Messi 127 milyon dollar, ingilis müğənni Edvard Kristofer Şiran da 110 milyon dollar qazanıb. 100 nəfərlik siyanının 38 nəfəri musiqi dünyasından, 34 nəfəri isə idman aləmindəndir.
Ölkə.Az
