Cücərmiş kartoflar təhlükəlidirmi?

Cücərmiş kartoflar təhlükəlidirmi?
00:17
12.01.2018
3454
Maraqlı
A
Bəzi kartofların rəng dəyişdirərək, cücərməsini əlbəttə hamımız görmüşük. Bəs bu kartofun qabığındakı cücərmə hansı səbəbə baş verir?

“Ölkə.Az” “deyerler.org”a istinadən xəbər verir ki, günəş altında və ya yüksək rütubətə malik şəraitdə uzun müddət saxlanılan kartofların rəngi sarıdan yaşıl rəngə çevrilir. Bu göyərmə kartofda, bütün yaşıl bitkilərdə olan xlorofilin artdığını göstərir.

Kartof qabıqlarının bəzi hissələrində görülən yaşıl rənglər əslində normaldır, bitkilərdə xlorofilə görə bu cür ləkələr yarana bilər. Ancaq məsələ kartof olduğu üçün solanin maddəsi işə başlayır.

Bir qismi və ya hamısı yaşıl rəngə bürünmüş kartoflar, solanin maddəsi səbəbilə zəhərlənmə təsiri verə bilər. Kartofda yaşıl rəngin sıxlığı artdıqca zəhərlənmə riski də artır. Kartofun yaşıl rəngli hissələrində olan solanin maddəsinin yaranması əvvəlcə qabıqdan başlayır. Müəyyən müddətdən sonra dərinə doğru irəliləyərək, kartofun hamısını əhatə edir.

Solanin zəhərlənməsinin insanlarda ortaya çıxardığı reaksiyalar arasında ürək bulanması, baş ağrısı, qarın ağrısı, ishal və qusma sayıla bilər. Şiddətli reaksiyalar arasında isə iflic, koma və ya hallyusinasiya sayıla bilər. Yaşıl kartof hissələrinin acı dada malik olması səbəbindən çox insan və heyvan onu udmur.

Əgər kartof tamamilə yaşıldırsa və ya dadı acıdırsa, birbaşa zibilə atmaqda fayda var. Əgər yaşıl nöqtələr kiçikdirsə, yaşıl olan hissəni bıçaqla kəsib kartofu istifadə etmək olar.

Ölkə.Az

ŞƏRH YAZ
0

“Lamborghini”nin yeni modeli üzə çıxdı — FOTOLAR

“Lamborghini”nin yeni modeli üzə çıxdı
19:32
Bu gün
1626
Maraqlı
A
İtaliyanın məşhur avtomobil brendi “Lamborghini” yeni modelinin gizli təqdimatını keçirib.

“Ölkə.Az” xəbər verir ki, tədbirdə cəmi 200 nəfər seçilmiş müştəri iştirak edib. Sonradan məlum olub ki, şirkət yeni seriya istehsalı hibrid modeli təqdim etməyə hazırlaşır.

Yeni superkarın tirajı elə də çox olmayacaq. Cəmi 63 model satışa çıxarılacaq. Bir avtomobilin qiyməti 2.5 milyon dollar nəzərdə tutulub.

Məlum olub ki, yeni model “Unico” adlandırılacaq və “LB48H” kodu altında olacaq. İlkin versiyaya görə, “Lamborghini Unico” 6.5 litrlik, 789 at güclü, V12 obrazlı mühərriklə və 49 at güclü elektrik mühərriki ilə təchiz ediləcək. Bundan başqa “Unico” özü bərpaedilən karbon kuzovla təchiz ediləcək. İlk dəfə bu texnologiya “Terzo Millenio” modelində təqdim edilib.

Hikmət Həsənov
Ölkə.Az

ŞƏRH YAZ
0

Sinif yoldaşlarının “çirkin ördək” dediyi qız gözəllik müsabiqəsinin qalibi oldu — FOTOLAR

Sinif yoldaşlarının “çirkin ördək” dediyi qız gözəllik müsabiqəsinin qalibi oldu
13:58
Bu gün
3484
Maraqlı
A
Sinif yoldaşlarının lağ etdiyi “çirkin ördək” dediyi Coanna Cozef gözəllik kraliçası oldu.

“Ölkə.Az” xəbər verir ki, Hindistanda doğulub Malayziyada yaşayan Coannanın uşaqlıq illəri çox çətin olub. 12-16 yaşlarında sinif yoldaşlarının və müəllimlərinin sərt hərəkətlərinə görə depresiya ilə mübarizə aparan qız sonradan gözəllik müsabiqələrinin qalibi olub.

“Çox kök idim. Bir dəfəyə beş boşqab plov yeyirdim. Yeddi yaşım olanda 60 kilo çəkim var idi və məktəbin ən kök usağı idim. Heç kəs mənimlə dostluq etmir, dalımca “çirkin ördək balası” deyirdilər. Ailəmin üzvləri də məni lağa qoyurdular. 16 yaşım olanda düşünməyə başladım. Çünki çəkim 102 kilo olmuşdu. Qeyri-sağlam qidalanma vərdişlərini tərgitdim. Idman salonu əvəzinə evimizin yanındakı tarlada hər gün 2 saat qaçdım. Zaman keçdikcə nəticə aldım. Yeni görünüşüm insanların xoşuna gəldiyi üçün daha çox üzərimdə çalışdım. Amma yenə də lağa qoyurdular. Bəziləri narkotik maddə qəbul etdiyim üçün arıqladığımı deyirdilər. Bu gün çatdığım yeri əldə etmək üçün bir çox şeyi fəda etdim. Heç kəsi vecimə almıram”, - deyə Coanna deyib.

Coanna model olmaq qərarına gəlib və iki il əvvəl  “Miss Selangor” dünya gözəllik müsabiqəsinin qalibi, bu il isə “Hindistan Gözəli” müsabiqəsinin ikincisi olub.

Ölkə.Az

ŞƏRH YAZ
0
BAĞLA