“Çudo Peçka”nın sahibi apellyasiya şikayəti verdi

“Çudo Peçka”nın sahibi apellyasiya şikayəti verdi
16:23
13.10.2017
132
Ölkə
A
"Çudo Peçka” və “ÇP Aqro” MMC-nin təsisçisi Çingiz Cəlilov barəsində həbs-qətimkan tədbirinin müddətinin uzadılması ilə bağlı Binəqədi Rayon Məhkəməsinin qərarından apellyasiya şikayəti verilib.

"Ölkə.Az"ın APA-ya istinadən xəbərinə görə, şikayətə yaxın günlərdə Bakı Apellyasiya Məhkəməsində baxılacaq.
 
Xatırladaq ki, Baş Prokurorluğun mətbuat xidmətinin yaydığı məlumatda qeyd edilib ki, keçirilmiş istintaq-əməliyyat tədbirləri ilə müəyyən edilib ki, “Çudo Peçka” və “ÇP Aqro” MMC-lərinin təsisçisi Cəlilov Çingiz Asim oğlu “Bank Standard” QSC Kommersiya Bankının İdarə Heyətinin sədri olmuş Kriman Səlim Eldaroviçlə qabaqcadan razılaşmaqla əlbir olaraq həmin dövrdə banka müxtəlif mənbələrdən, o cümlədən xarici və daxili investorlardan və depozitlərdən daxil olmuş külli miqdarda pul vəsaitləri hesabına 21 milyon 874 min manat məbləğində krediti bankın Müşahidə Şurasının razılığı olmadan dəyəri süni olaraq artıq qiymətləndirilmiş əmlakları girov qoymaqla özünün, yaxın qohumlarının və qohumluq münasibətində olduğu, eləcə də rəhbərlik etdiyi cəmiyyətlərdə işləyən ayrı-ayrı şəxslərin adlarına guya bağ evinin alınması, mənzil təmiri, torpaq alınması və bu kimi digər təyinatlarla rəsmiləşdirilməsinə nail olub, daha sonra qeyd olunan kredit müqavilələri əsasında banka guya külli miqdarda kredit borcu olduğu görüntüsünü yaradaraq bir neçə dəfə restrukturizasiya (kreditin və ya onun ödənilməsi şərtlərinin dəyişdirilməsi) etdirməklə mənimsədiyi 13 milyon 962 min manat pul vəsaitini Səlim Krimanla öz aralarında bölüb.
 
Ç. Cəlilovun qeyd edilən kredit məbləğlərini bankın vəzifəli şəxsləri ilə əlbir olaraq öz qulluq mövqeyindən istifadə etməklə təyinatından yayındırmaqla şəxsi ehtiyaclarına xərcləməsində şübhələr üçün əsaslar yarandığından ona Cinayət Məcəlləsinin 179.3.2 (külli miqdarda mənimsəmə və ya israf etmə, yəni təqsirkara etibar edilmiş özgə əmlakını talama) və 308.2-ci (vəzifə səlahiyyətlərindən sui-istifadə ağır nəticələrə səbəb olduqda) maddələri ilə ittiham  elan olunmaqla barəsində məhkəmənin qərarı ilə həbs qətimkan tədbiri seçilib.
 
Hazırda cinayət işi üzrə qeyd olunan qanunsuz halların tam və hərtərəfli araşdırılmaqla digər təqsirli şəxslərin dairəsinin müəyyənləşdirilərək məsuliyyətə cəlb edilmələri, habelə vurulmuş ziyanın ödənilməsinin təmin edilməsi istiqamətində zəruri istintaq-əməliyyat tədbirləri davam etdirilir.

ŞƏRH YAZ
0

Azərbaycanda vəkilliyin vahid elektron informasiya sistemi yaradılacaq

Azərbaycanda vəkilliyin vahid elektron informasiya sistemi yaradılacaq
18:20
Bu gün
15
Ölkə
A
Vəkillər Kollegiyası tərəfindən hüquqi məsləhətə ehtiyacı olan aztəminatlı şəxslər üçün pulsuz hüquqi xidmətlər göstərilməsi təşkil ediləcək.

"Ölkə.Az"ın məlumatına görə, bu məsələ prezident İlham Əliyevin bu gün imzaladığı “Azərbaycan Respublikasında vəkilliyin inkişafı ilə bağlı əlavə tədbirlər haqqında” sərəncamda əksini tapıb. 
 
Sərəncama əsasən Vəkillər Kollegiyasına tövsiyə edilib ki,  Vəkillər Kollegiyasının və vəkillərin fəaliyyətində müasir informasiya-kommunikasiya texnologiyalarının tətbiqini və hüquqi xidmətlərin elektron formada göstərilməsi təcrübəsini genişləndirmək üçün vəkilliyin vahid elektron informasiya sisteminin təşkili və bu sistemin “Elektron məhkəmə” informasiya sisteminə inteqrasiyası istiqamətində tədbirlər görsün.

ŞƏRH YAZ
0

Həkimlərin brend olması üçün — MARKETİNQ PROBLEMLƏRİ

Həkimlərin brend olması üçün
18:18
Bu gün
279
Ölkə
A
Hazırda Azərbaycanın tibb sektorunda həkimlərin marketinq fəaliyyəti yox səviyyəsindədir.

Hər sahə üzrə bir həkimlə (cərrah, ginekoloq və s.) işləmək, onun PR işlərini həyata keçirmək və ona lazım olan auditorianı yığmaq asan məsələ deyil. Amma bu ağır və uğurlu addımlar şirkətimiz tərəfindən peşəkarcasına həyata keçirilir.

Bu sözləri "Ölkə.Az"a açıqlamasında “Modern Marketing Group”un təsisçisi, tanınmış marketoloq Yusif Vəliyev bildirib.

Onun sözlərinə görə hazırda Azərbaycanda həkimlər tərəfindən edilən marketinq fəaliyyətinin yalnız böyük maliyyə itkisi və kiçik təsirlərdən başqa bir faydası yoxdur. Səbəb fəaliyyətin peşəkar səviyyədə qurulmaması, marketinq biliklərinin azlığı, plansızlıq və.s.-dir. Bir çox şəxslər marketinq strategiyalarını yaratdıqları və reallaşdırdıqları zaman aşağıdakı yalnışlıqlara səbəb olurlar: 

1) Vahid brend üslubun olmaması;
2) Strategiyanın plansız və istək üzərindən qurulması;
3) Hədəf kütlənin ehtiyac və istəklərinin nəzərə alınmaması;
4) Strategiyanın hədəfi ilə fərdin hədəflərinin uyğunlaşmaması;
5) Strategiyanın arxasında fəaliyyətin göstərilməməsi;
6) Reklamın dayaqsız olması və boş görünüş effekti ilə effektivsizlik;
7) Brend strategiyada üstünlüklərin olmaması və nə üzərindən brendləşmənin dağınıq olması;
8) SMM-in yanlış idarə olunması;
9) Fərdin sektorda payını və mövqeyini bilməməsi, sektor araşdırmasız yalnış addımlar;
10) Copy-lərdən istifadə və zəif görünmə;
11) Kompleks deyil, dağınıq addımlar;
12) Marketinq üçün böyük maliyyə ayırıb, marketinq strategiyasız, brend strategiyasız addımlar.

Azərbaycanda isə hazırda bu işin peşəkarından çox, qeyri-peşəkarları fəaliyyət göstərir ki, bu da yüksək məbləğdə pulların boşa getməsindən başqa bir şey deyil. Tanınmış marketoloq Yusif Vəliyevin sözlərinə görə, plansız marketinq fəaliyyətindən ən yaxşı halda 5% nəticə götürmək olur. Amma, bu işi peşəkarcasına və uğurlu həyata keçirdikdən sonra yüksək nəticə əldə etmək olar.

“Modern Marketing Group” şirkəti pulların əlavə olaraq xərclənməsinə, qeyri-peşəkarcasına və bazar araşdırması aparmadan marketinq fəaliyyətinin göstərilməsinə bir mənalı olaraq qarşıdır. Çünki, insanların hazırda marketinq səviyyəsinin olmamasından istifadə edən şəxslər, onlara lazım olmayan auditorianı pul ilə satmaqdan başqa bir şey deyil.

Qeyd edək ki, marketinq fəaliyyəti yalnız bu günü deyil, gələcəkdəki məqsədlərə çatmağa hesablanmalıdır. Belə olduqda, daha sağlam və uzunmüddətli nəticələr əldə olunur.

ŞƏRH YAZ
0
BAĞLA