Cüdo üzrə Azərbaycan birinciliyinə yekun vuruldu

Cüdo üzrə Azərbaycan birinciliyinə yekun vuruldu
01:20
14.06.2018
1337
İdman
A
Sumqayıt Olimpiya İdman Kompleksində keçirilən cüdo üzrə 23 yaşadək gənclər arasında Azərbaycan birinciliyinə yekun vurulub.

"Ölkə.Az"ın məlumatına görə, yarışın ikinci günü oğlanlar arasında 5 çəki dərəcəsində mükafatçılar müəyyənləşib.

Rüfət Məmmədov (73 kq), Samir Ağayev (81 kq), Azər Yaqubov (90 kq), Adil Kərimli (100 kq), Camal Feyziyev (+100 kq) qızıl medal qazanıb.

Ümumi medal sayında “Neftçi İdman Klubu” İB 11 medal (3 qızıl, 3 gümüş və 5 bürünc) qazanaraq birinci olub. “Atilla” klubu 4 medal (3 qızıl və 1) əldə edərək ikinci yeri tutub. 5 medala (1 qızıl, 2 gümüş və 2 bürünc) sahib olan “Judo Club 2012” isə ölkə birinciliyini üçüncü yerdə başa vurub. Qalib və mükafatçılara Gənclər və İdman Nazirliyinin, Azərbaycan Cüdo Federasiyasının diplom və medalları təqdim olunub.

Qeyd edək ki, iki gün davam edən ölkə birinciliyində, ümumilikdə, 49 klubdan 373 cüdoçu (306 oğlan, 67 qız) mübarizə aparıb.

Ölkə.Az

ŞƏRH YAZ
0

Bu gün "Qarabağ"ın rəqibi müəyyənləşəcək

Bu gün
09:00
Bu gün
525
İdman
A
Bu gün Çempionlar Liqasında I təsnifat mərhələsinin cavab oyunları start götürəcək.

"Ölkə.Az"ın məlumatına görə, ilk oyun günündə 10 qarşılaşma baş tutacaq.

Azərbaycan çempionu "Qarabağ"ın potensial rəqibləri Maltanın "Valetta" klubu və Albaniya "Kukesi"si üz-üzə gələcəklər. Bu komandalar arasında baş tutan ilk qarşılaşma qolsuz bərabərliklə yekunlaşıb.

Bu gün həmçinin "Qarabağ" - "Olimpiaya" cütündə məğlub olacaq komandanın da Avropa Liqasının II təsnifat mərhələsindəki rəqibi bəlli olacaq. İlk oyunda Şimali İrlandiya "Kruzaders”ini 7:0 hesabı ilə darmadağın edən Bolqarıstanın "Ludoqorets” komandası, böyük ehtimalla, Çempionlar Liqasında növbəti mərhələyə vəqisə qazanacaq. "Kruzaders” isə möcüzə baş verməsə, Avropa Liqasının II təsnifat mərhələsində çıxış edəcək.

Qeyd edək ki, ilk matçda rəqibini 1:0 hesabı ilə məğlub edən "Qarabağ" iyulun 19-da Çempionlar Liqasının I təsnifat mərhələsinin cavab matçında Sloveniya "Olimpiya"sı ilə üz-üzə gələcək. Tofiq Bəhramov adına Respublika stadionunda keçiriləcək matç saat 21:00-da başlanacaq.

Çempionlar Liqası

I təsnifat mərhələsi, cavab oyunları

17 iyul

20:00. "Valletta” (Malta) - "Kukesi” (Albaniya)

İlk oyun - 0:0

20:00. HİK (Helsinki, Finlandiya) - "Vikinqur” (Farer Adaları)

İlk oyun – 2:1

21:00. "Hapoel” (Beer-Şeva, İsrail) - "Flora” (Tallin, Estoniya)

İlk oyun – 4:1

21:00. "Malmö” (İsveç) - "Drita” (Kosovo)

Ilk oyun – 3:0

21:00. APOEL (Kipr) - "Suduva” (Litva)

İlk oyun - 1:3

22:00. TNS (Uels) - "Şkendiya” (Makedoniya)

İlk oyun – 0:5

22:15. "Videoton” (Macarıstan) - "Düdelanj” (Lüksemburq)

İlk oyun – 1:1

22:30. "Srvena Zvezda” (Serbiya) - "Spartak” (Latviya)

İlk oyun - 0:0

23:00. "Legiya” (Varşava, Polşa) - "Kork Siti” (İrlandiya)

İlk oyun – 1:0

23:00. "Kruzaders” (Şimali İrlandiya) - "Ludoqorets” (Bolqarıstan)

İlk oyun - 0:7

ŞƏRH YAZ
0

"Şumaxerin yaxşılaşma şansı çox azdır" — Belçikalı həkim

22:34
16.07.2018
1051
İdman
A
Məşhur Belçika nevroloq Steven Laureys sabiq Formula1 pilotu Mixael Şumaxerin vəziyyəti ilə bağlı verdiyi açıqlamada ulduz üçün yaxşı xəbərlər gözləməməyi tövsiyə etdi.

"Ölkə.Az" xəbər verir ki, dörd il yarım bundan əvvəl Fransadakı Alp dağlarında xizək qəzasından sonra reabilitasiya prosesini davam etdirən ulduz pilot haqqında ümidli ifadələr işlətməyən Laureys, bunları söyləyib:

"Mixael Şumaxer artıq tibbi baxımdan komada deyil. Koma bir neçə həftə davam edən bir prosesdir. Komadan çıxıb yaxşılaşmaq ancaq qısa zamanda mümkün ola bilir. Beyin bu prosesi bir il və ya daha uzun müddətdə də həyata keçirə bilir. Lakin gərgin reabilitasiya proseduruna baxmayaraq Şumaxerin inkişafı çox zəif gedir və vəziyyəti heç də yaxşı deyil. Vaxt bizə qarşı işləyir. Onun yaxşılaşma şansı çox azdır".

Ölkə.Az

ŞƏRH YAZ
0
BAĞLA