Cüdoçularımız beynəlxalq təlim-məşq toplantısında — FOTOLAR

Cüdoçularımız beynəlxalq təlim-məşq toplantısında
23:59
12.01.2019
1326
İdman
A
Avstriyanın Mittersill şəhərində cüdo üzrə ənənəvi beynəlxalq təlim-məşq toplantısı keçirilir.

“Ölkə.Az” “Report” xəbər verir ki, toplantıda dünyanın 52 ölkəsinin atletləri ilə yanaşı, Azərbaycan cüdoçuları da iştirak edirlər.

Mittersill toplanışına bu dəfə də olimpiya, dünya, qitə çempionatlarının mükafatçıları, onların məşqçiləri qatılıblar. Milli komandamızın üzvləri baş məşqçi Ruslan Maşurenkonun başçılığı altında gündə 2 dəfə məşq edərək, gələcəkdə keçiriləcək mötəbər yarışlara hazırlaşırlar.

Beynəlxalq təlim-məşq toplanışı yanvarın 15-dək davam edəcək.

Qeyd edək ki, Azərbaycan cüdoçuları ötən il 39 beynəlxalq yarışda 177 medal qazanıblar.

Ölkə.Az

ŞƏRH YAZ
0

Ronaldo buna görə cəzalandırıla bilər — UEFA intizam işi açdı

Ronaldo buna görə cəzalandırıla bilər
20:56
18.03.2019
909
İdman
A
UEFA "Yuventus"un futbolçusu Kriştiano Ronaldo ilə bağlı intizam işi açıb.

“Ölkə.Az” UEFA-nın rəsmi saytına istinadən xəbər verir ki, buna futbolçunun Çempionlar Liqasının 1/8  finalının “Atletiko” ilə cavab matçında etdiyi qeyri-etik hərəkət səbəb olub.

Artıq məsələ ilə bağlı martın 21-də qərar veriləcək.

Xatırladaq ki, Ronaldo “Atletiko” ilə görüşdə het-trik etməklə komandasını növbəti mərhələyə yüksəldib. O, 3-cü qoldan sonra  sevincini qeyri-etik şəkildə qeyd edib. Ronaldo bununla ilk görüşdə eyni jesti edən “Atletiko”nun baş məşqçisi Dieqo Simeoneyə cavab verib. Simeone bu hərəkətinə görə UEFA tərəfindən 20 min avro cərimələmişdi.

Ölkə.Az

ŞƏRH YAZ
0

Xristian futbolçu məscid qətliamına səcdə ilə etiraz etdi — FOTO

Xristian futbolçu məscid qətliamına səcdə ilə etiraz etdi
12:08
18.03.2019
645
İdman
A
Yeni Zelandiyada baş verən terror aktına sərt reaksiyalar davam edir.

 “Ölkə.Az” xəbər verir ki, Kosta Barbaruses adlı futbolçu oyunda qol vurduqdan sonra səcdəyə gedərək terror zamanı öldürülən müsəlmanları yad edib.

Avstraliyada “Melbourne Victory” komandasının oyunçusu Kosta şənbə günü keçirilən yarışda qol vurub və səcdəyə gedərək Yeni Zelandiyada terror hücumu zamanı ölən 50 nəfəri yad edib. Oyundan əvvəl də Yeni Zelandiyada qətlə yetirilənlərin xatirəsi 1 dəqiqəlik sükutla yad edilib.

Futbolçu İnstaqram səhifəsində paylaşımında da “Bütün dualarım terror hücumu nəticəsində həlak olanlar və onların sevdikləri insanlarladır. Tariximizdə çox hüzünlü gündür” yazıb.

Hikmət Həsənov
Ölkə.Az

ŞƏRH YAZ
0
BAĞLA