“Cümhuriyyətin 100 ili” Avropada — FOTO

“Cümhuriyyətin 100 ili” Avropada
17:26
16.05.2018
910
Siyasət
A
Prezident İlham Əliyevin Azərbaycan Xalq Cümhuriyyətinin (AXC) yaranmasının 100-cü ildönümü münasibətilə 2018-ci ili “Azərbaycan Xalq Cümhuriyyəti İli” elan etməsi, bu əlamətdar hadisənin ölkə daxilində və xaricində qeyd olunması ilə əlaqədar Avropanın bir sıra şəhərlərində, o cümlədən, Lüksemburqda, Strasburqda (Fransa) və Cenevrədə (İsveçrə) silsilə tədbirlərə start verilib.

“Ölkə.Az” xəbər verir ki, ilk tədbir Luksemburqdakı Qarabağ mədəniyyət mərkəzində baş tutub. Diplomatik korpusun, yerli diaspor təşkilatlarının nümayəndələrinin iştirak etdiyi tədbiri Azərbaycanın Belçika və Luksemburqdakı səfiri Fuad Isgəndərov açıq elan edib. O, AXC-nin yaranma tarixindən, müasir dövrdə ona verilən qiymətdən, Ulu Öndər Heydər Əliyevin layiqli davamçısı Ilham Əliyevin apardığı uğurlu daxili və xarici siyasətdən bəhs edib.

Daha sonra Azərbaycan Dövlət Neft Şirkətinin (SOCAR) təmsilçisi Kamal Dadaşov XX əsrin sonlarında Azərbaycanın müstəqilliyini yenidən bərpa etdikdən sonra Ümummilli lider Heydər Əliyevin rəhbərliyi altında keçdiyi sürətli inkişaf yolundan, ölkənin neft strategiyasından danışıb, Prezident İlham Əliyevin rəhbərliyi altında Azərbaycanın bu günki durumu, inkişaf yolu, ölkənin milli brendi SOCAR barədə məlumat verib. 

Gənc fəal, tədbirin təşkilatçılarından olan Aydın Əhmədov isə çıxışında Azərbaycanda turizmin inkişafından, ölkənin turizm potensialından söhbət açıb. O, diqqətə çatdırıb ki,son dövrlərdə Azərbaycana turizm axının güclənməsi birbaşa bu sahədə aparılan islahatların nəticəsidir. 

Qeyd edək ki, mayın 15-də Lüksemburqda start götürmüş tədbirlər bu gün Strasburqda davam etdirilib, mayın 18-də isə Cenevrədə təşkil olunacaq.

ŞƏRH YAZ
0

Prezident Səudiyyə Ərəbistanının Kralını təbrik etdi

Prezident Səudiyyə Ərəbistanının Kralını təbrik etdi
18:10
22.09.2018
1428
Siyasət
A
Azərbaycan Respublikasının Prezidenti İlham Əliyev İki Müqəddəs Ocağın Xadimi, Səudiyyə Ərəbistanının Kralı Əlahəzrət Salman bin Əbdüləziz Al Səuda təbrik məktubu ünvanlayıb.

“Ölkə.Az”ın xəbərinə görə, təbrik mətnində deyilir:

“Əlahəzrət,

Əziz Qardaşım,

Səudiyyə Ərəbistanının milli bayramı – Krallıq elan edilməsi günü münasibətilə Sizi və Sizin simanızda bütün xalqınızı öz adımdan və Azərbaycan xalqı adından səmimi qəlbdən təbrik edirəm.

Bu bayram günündə Sizə möhkəm cansağlığı və xoşbəxtlik, Səudiyyə Ərəbistanının qardaş xalqına daim əmin-amanlıq və rifah arzulayıram”.

ŞƏRH YAZ
0

İlham Əliyev Bakıda keçirilən dünya çempionatının yarımfinalına baxıb

İlham Əliyev Bakıda keçirilən dünya çempionatının yarımfinalına baxıb
17:38
22.09.2018
992
Siyasət
A
Sentyabrın 22-də cüdo üzrə Bakıda keçirilən dünya çempionatında Azərbaycan idmançısı Hidayət Heydərov bürünc medal uğrunda mübarizə aparacaq.

"Ölkə.Az" xəbər verir ki, Azərbaycan Respublikasının Prezidenti İlham Əliyev və ailə üzvləri yarımfinal qarşılaşmasına baxıblar.

Yetmiş üç kiloqram çəki dərəcəsində mübarizə aparan Hidayət Heydərov yarımfinalda Yaponiya idmançısı, dünya çempionu Soiçi Haşimotoya məğlub olub. O, bürünc medal uğrunda Monqolustan idmançısı Tsoqtbaatar Tsend-Oçirlə qarşılaşacaq.

Qeyd edək ki, 2013-cü və 2014-cü illərdə yeniyetmələr arasında Avropa çempionu olan Hidayət Heydərov 2015-ci ildə Birləşmiş Ərəb Əmirliklərində keçirilən gənc cüdoçuların dünya çempionatında bürünc medal qazanıb. O, 2017-ci ildə "Bakı-2017" IV İslam Həmrəyliyi Oyunlarının qalibi olub, həmçinin Avropa çempionu adını qazanaraq qitənin "Ən yaxşı gənc cüdoçu”su xüsusi mükafatına da layiq görülüb.

ŞƏRH YAZ
0
BAĞLA